الحاج آدم: الوزراء (مساكين)
قال د. الحاج آدم يوسف القيادي بالمؤتمر الوطني: “المشكلة التي يعاني منها الناس الآن هي مشكلة الهلع والخوف، وليس مشكلة وقود أو سيولة”.
وكشف آدم لدى حديثه لبرنامج العاشرة بقناة الخرطوم الفضائية عن أن جميع حصص الخاصة بالولايات تم تسليمها، وسيتوالى الضخ للاستعداد لموسم الأمطار والإنتاج، وقال الحاج آدم: المكتب القيادي أوصى بخفض الإنفاق الحكومي في اجتماعه الأخير، ووصف الوزراء العاملين في الدولة (بالمساكين)، وكشف عن أن آلاف العاملين في قطاعات النفط والتعدين مرتباتهم ومخصصاتهم أفضل من الوزراء (بكثير جداً)، وقال: بعض موظفي الحكومة يتقاضون مرتباً يفوق العشرة آلاف دولار مقارنة بالوزير الذي يتقاضى عشرة آلاف حنيه سوداني.
ودعا الى محاسبة أي مسؤول على سدة الوظيفة ويمارس عملاً تجارياً نافياً أن يكون هناك وزير بالحكومة الآن يمارس عملاُ تجارياً، وجدد د. الحاج آدم مطالبته برفع الدعم عن المحروقات والكهرباء والقمح، ورأى أن ذلك من شأنه توفير موارد يمكن الاستفاده منها في تشييد الطرق والمؤسسات الصحية..
صحيفة الجريدة
تابعت اللقاء بتاع الحاج ادم
لقاء صحفي تقول مع شيخ خلوه
لانو اللقاء كله ماطلعت منه بحاجه غير انشاءالله
والناس مفروض ترجع لله ودي كلها ابتلاءات
وتاني من الكذب الكتير
بحاول يضرب امثله بالدول المجاوره
مقدم البرنامج بيقول ليهو مافي دوله مجاوره حالها زي حالنا
رجع ومن غير فضيحة عايز يضرب مثل بالسعوديه اول دوله منتجه للنفط
ياجماعة الزول ده نصيحة مني شوفوا ليهو خلوه يدرس فيها حبة قران
وكمان عايز يتفلسف بحبة دراب انجليزي وهنا تقولوا لينا الانجليزي ده لغة الكفار
اها هو بنفسه قال انا مزارع وعندي مزرعه هنا مقدم البرنامج نسي يرجع ويقول ليهوا انت اول واحد
مفروض تتحاكم لانك بتمارس عمل جانبي
بعدين الكذبة الكبيره يقول انو الوزراء مساكين دي بتمشي علي منو ياحاج انت
ويجي يقول انا مع رفع الدعم عن السلع والمحروقات اااااااخ الله يحرق دمكم
انتو قدمتوا شنو للمواطن عشان تقول كلامك التعبان ده
تاني يقول المواطن كسلان وغير منتج . طيب دي انا برد ليك عليها
الموطن ده ينتج كيف اذا كان انتو واقفين حارسنه بالمرصاد في حبة الانتاج الاجتهد فيها دي
يابشر الدول بتقيف في صف المنتج وانتو بتقيفوا ضد المنتج وتقول لي المزارع غير منتج
دمرتوا كل حاجه حتي معنويات المواطن دمرتوها … قال الفدان عند الراجحي بينتج ٣٠ جوال
شوف الراجحي بينتج وبصدر وانت فاتح خشمك من غيرما تستفيد ده موضوع تاني
اها تعال انت الجبت الراجحي ورينا استفدت شنو من الراجحي
وهل الراجحي لو في بلده هل بيعاملوه بنفس الطريقه الفي السودان
ياناس خلونا من الكزب والنفاق والدجل
ياناس دي حالنا ودي حال المسؤلين بتاعننا غير الكذب والنفاق والدجل ماعندهم حاجه
الوزراء (مساكين)… و تلك محمدة ام مفسدة؟
الحاج ساطور: مثال نمطي للجهل و الخيبة و التخبط و التوهان و بقية الصفات التي يعاني منها جماعة الحركة الاسلاموية …. لا تفكير سليم و لا رؤوية و لا تخطيط و لا كلمة طيبة …. هل هؤلاء القوم مسلمون؟ و هل حقيقة تعلموا اي شئ يبرر الدرجات العلمية التي يحملونها؟ و هل لديهم اي احساس بعظم المسئولية التي تولوها بسيطرتهم على الحكم؟ ام هم على دين راقصهم الذي يرى ان الله لن يحاسبه و انه سياتي يوم القيامة نضيييف ما عليه شئ؟