أبرز العناوينسياسية
قوات من المارينز الامريكية تتناول افطار رمضاني مع أسرة سودانية جنوب الخرطوم.. صور
لبي المستشار السياسي والاقتصادي في سفارة الولايات المتحدة الأمريكية السيد بين والاس دعوة لتناول افطار رمضاني من أسرة سودانية جنوب الخرطوم في منطقة الكلاكلة القلعة.
وبحسب إطلاع محررة النيلين قالت السفارة الأمريكية بالخرطوم (استضاف أصدقاءنا السودانيون بلطف 15 من موظفي السفارة من ضمنهم أفراد من قوات مشاة البحرية الأمريكية- المارينز).
وبحسب صفحة السفارة على فيسبوك، أستمتع الوفد بالزيارة بشكل كبير وذكر السيد والاس للأسرة ” هذا الإفطار فرصة لإظهار تقدير السفارة الأمريكية للثقافة السودانية والشعب السوداني. كان الأكل طيبا وشكراً لعائلة الضو ا لهاشمي متمثلة في عباس ومختار على استقبالهم الحار والضيافة التي لا تنسى.”
ريم منصور/النيلين
شعب منافق ودجال
طيب لو اصلا نحنا متصالحين للدرجه دي
وبنستضيف اي زول للمائده الرمضانيه في سؤال لكن قبلما اسال
عايز اعرف انكم عارفين انو السفير الامريكي ده مسيحي ولا لا ؟
طيب لو قلتوا عارفين السفير الامريكي ده مسيحي
طيب بنفس القلب الطيب ده كنا بنقعد مع المسيحيين الكانو معانا ؟
مافي زول يقول لي اي
طيب لو قلتوا اي ضابحين تور اسود ليه ومعناه شنوووووووووووو
ده مش النفاق بعينه
اها مش في حديث بيقول المسيحي ماتاكل معاه في صحن واحد
هههه ولا ده امريكي . عشان تعرفوا اننا متناقضين حتي مع نفسنا
انا متاكد حتي الشيخ ولا الامام يكون عايز يقعد جنب السفير
حي انا امريكا دنا عزابها
هسه في مسؤول سوداني بقعد قعده زي دي
الاسلاميين الله لا جاب باقيكم منافقين دجالين
يا ود موسي منافق ودجال منو لو ما رمضان كنا سمعناك الفارغه
طيب انت بتقول شعب منافق ودجال وعامل فيها سوداني طيب انت من وين ما تبع الشعب ده
طيب اي ذباب الكتروني انت
ذباب تشادي
ذباب نيجيري
ذباب مصري
عشان نفهم
قال ود موسي قال
من علق أولا بإسم (ود موسى) أولا عندك خطأ المسيحي أهل كتاب وطعامهم حلال نأكل منو وهم يأكلون طعامنا..قال تعالى في سوره المائده (اليوم احل لكم الطيبات وطعام الذين اوتوا الكتاب حلٌ لكم وطعامكم حل لهم والمحصنات من المؤمنات والمحصنات من الذين اوتوا الكتاب….) الايه…وكنا بنقعد وللان بنقعد مع المسيحين اللي موجودين معانا ومتزوجين منهم…وبيناتنا عشره وحياه عسل ?
أما هذه الزيارة الأميركية فتعتبر إلتقاء ثقافات وتمازج شعوب وتلعب دور في السياسة وامور أخري كثيره بس قول ربنا يعطينا خيرها ويكفينا شرها
الحق يقال
الشعب الامريكي والاوربي
متواضع وعايشين معاهم وكرماء ومواعيدهم مظبوطه ورحماء يعني لو قالو لا اله الا الله محمد رسول الله ربما اكتسحوا نص عرب الخليج والشام ومصر @ وقعده زي دي مستعربه الخليج وباقي البلاد ما بقعدوها
الصورة تحكيnoooo ارهاب و ف حي شعبي @
الامر العجيب حقا هذه البلاد
اكبر سفاره امريكيه ف العالم ف الخرطوم
اكبر مكتب لل CIA خارج USA ف الخرطوم
قوات مارينز امريكيه
دعومات خليجيه دولاريه
استثمارات عربيه بالمليارات
بترول سوداني ضخم يضخ
ذهب كميه كبيره مستخرجه
صادرات حيوانيه كبيره
صادرات زراعيه كثيره
وووووووووو
السؤال هو
اين يذهب هذا المال
السؤال هو ع حسب كلام CIA
من يحكم السودان?
السؤال هو
لماذا يفتعل النظام الترابي الاخواني الحاكم الازمات كلما جاء الفرج
وللمعلوميه الريحه فاحت ربما الازمات الحاليه مفتعله منذ زياره نائب وزير الخارجيه الامريكي وذهاب البشير الي روسيا ف شئ خفي او ربما النظام عايز اوري الشعب الطفي النور منو
السؤال هو
لماذا يريد النظام الحاكم الاخواني دمار البلاد
اخيرا
انا اقتنعتا بشئ امريكا لو السودان ما ملان خير ما بتعمل اكبر سفاره ومكتب مخابرات
عشان كده لازم نتفق كلنا ك شعب ف الانتخابات لنخرج الحزب الوطني الاخواني الترابي من الساحه السياسيه الي الابد
حركه فقدنا الامل
وحزب الشعب الذكي
الاخوان 30 عام ودونا وري الشمس
30 اخري حنمشي وري الكون وما ح اكون ف اي جديد ولا تطور والحال نفس الحال رجوع تخلف غلاء ف غلاء غلاء ف غلاء
كويس جدا التقاء ثقافات وناس طيبه وعمل مشرف وتاكل مع المسيحي شنو يا ود موسي كلامك ده تور اسود ده بىه الموضوع وده شهر رمضان الناس ديل قدام بيتهم وما مشكلة اصلا تجي قوات مارينز ولا السفارة الامريكيه ديل ناس تعاملو وخلطو الانسانيه والدين والكرم السوداني وخلاص صور جميله كمان كده السفارة مثلت بلدها والشعب السوداني اظهر وجودو يا ود موسي خليك بر الخط دي الانسانيه وربنا قال خلقناكم شعوب وقال تعارفو مش تقاتلو وتحاربو وتموتو بالفتن والامراض والمشاكل
يا (ود موسى) اول شي صاحبة الدعوة اسرة وليس الكيزان تاني شي انت المنافق وانت الدجال وانا متاكد انك ما سوداني ولا اتربيت وسط سودانيين لانو مافي سوداني واحد متربي وسط رجال سودانيين بقول كلامك دا ويوصف شعب كامل انو دجال ومنافق.
والله ياجماعة انا يخيلي ان هناك من الاخوان والاخوات من هم اهم واولي من السيد السفير وافراد المارينز الكرام من نساء ارامل واطفال وعجايز من بني جلدتنا ينتظرون الفضل من اصحاب الفضل في شهر والكرم وستكون صدقة وصلة رحم ولكن فطور الجماعة فوقة حسنات اكثر … حسبنا الله ونعم الوكيل
الإسلام لم يحرم الأكل مع الكافر ‘ فقد لبي رسول الله صلي الله عليه وسلم دعوة اليهودي ، فلا حرج من الأكل في بيوت الكفار أو مطاعمهم ، بإستثناء ذبائحهم والله أعلم مع أنه توجد كثير من الذبائح علي الطريقة الإسلامية ، وفي عادات مجتمعنا السوداني تذوب الفوارق والحواجز في المناسبات فرحا كانت أو كرها ، فالقبطي والشيوعي والبعثي تراه في فرح أو ترح الإسلامي والعكس فهم واحد سواء إختلفوا عقائديا أو فكريا أو سياسيا فالإختلاف في الرأي لا يفسد للود قضية، ذكر لي أحد الأصدقاء أنه كان يسكن معهم في بحري الشعبية بعض اليهود وفي رمضان كان هؤلاء اليهود يخرجون بطعامهم وقهوتهم والشاي والحلويات قبل أو بعد الصلاة في كل أيام رمضان ولا يتخلفون مثلهم مثل أهل الحي ، فلا حرج في أن تشارك السفارة الأمريكية إفطار رمضان ، بل لو كل يوم أرادوا ذلك مرحب بهم ، ففي كل كبد رطبة أجر.
يا ود موسى الأقباط كثير منهم دخلو الإسلام عندما هاجروا إلى السودان
لأن تعامل الشعب السودانى لافرق بين مسلم أو مسيحي نحن شعب مسالم اسلام وسطى ما عندنا عنصرية فى الديانات السماوية نحن شعب خلوق وبنكرم الضيف ياخي يهود المسالمة اندمجو فى المجتمع السودانى نحن شعب اللة المختار فىالطيبه والكرم وحسن الضيافة نسأل الله فى هذا الشهر الكريم ان يغفر لنا ولكم كل الذنوب واللة المستعان.
يا جماعة ود موسى ده نيجيري ولو ما نيجيري جاي كاسح من افريقيا بحثا للعيش الكريم وعدم البهدلة .. خلوه ده زول مسكين .. والزيه كتااااااااااااااار زي مناوي وعبد الواحد وعقار … ديل ما تشوف منهم غير البلاوي … البلا التاخدهم يا رب العالمين
والله يا جماعة لا نري شي يثير الاستغراب أو الدهشة هذه شيم السودانيين في الكرم بغض النظر من هو المدعو ومن هو صاحب الدعوة.
الديانات لا تعني شي في كرم الشعب السوداني نحن شعب متسامح لدرجة قف مع كل البشر
ملحوظة
هناك حكومة وفاق وطني قائمة في البلاد وليس الكيزان وحدهم يحكمون ..
يا عالم دي تعليقات شتو : تشادي نيجيري مصري؟
كلّ أمّة فيها الصالح والطالح.
لاحظت التعليقات العنصرية كثيرة جدّاً ضدّ الأفارقة والمصريّين باعتبارهم أجناس متخلّفة.
من أعطى كيبورتات للتعليق؟
هل أطفال هم؟
أم راشدون؟
عجبي!!
يا ود موسى وأمثالو كفانا نعرات وكلام فضفاض الشعب السوداني كريم متواضع فيهو خير كثير قلوبنا بيضاء متراحمين نساعد بعضنا بعضا شوف في الجزيرة على الشارع العام وكذلك شرق النيل كيف أهلنا يقفلوا الطرقات للسيارات العابرة على سألوهم من بينكم مسيحي مع أنو ديل أهل كتاب غير صائم اخذتم الأمر بحساسية لأن ناس الجريدة لشيء في نفس يعقوب مارينز وأمريكا أرحمونا يرحمكم الله .
اها يا ود موسي …الشعب القلتا عليهو منافق ودجال …اعتبرك شاذ فكريا وادبيا ودينيا …..يلا عدل افكارك …او شيل شنطتك وامشي
دمعتي جرت
مبروك قوش شايف شغلو كويس واها التقارب بدا وبقينا نفطر مع الكفار وشالوا حقهم من قاتل غرانفيل … سمن علي عسل هههههه …. م في داعي للحمايه
يا ناس يا طيبين برضو ما تنسوا انكم بتاكلوا الامريكان في بيوتكم وهم بيقاطعوكم ويوقفوا منكم الهوا لو لقو طريقة وطبعا الحصار الاقتصادي اترفع لكن لا زال هناك وضع السودان في قائمة الدولة الراعية للارهاب.
طبعا ممكن واحد يقول انو السلوك الزي دا يمكن يدي انطباع جيد لدى هؤلاء الامريكان عن الشعب السوداني مما يحسن من سياساتهم تجاهنا لكن الامريكان سياساتهم في واد وعلاقاتهم الاجتماعية في واد اخر اللهم الا يكون من باب سيد الرايحة يفتش خشم البقرة ونحن نفتش في خشم الامريكان ناكل فيهم عشان يحنوا علينا ونصلح صورتنا قدامم بالرغم من ان العكس هو الصحيح فهم من يجب ان يصححوا صورتهم الاستعمارية والطغيانية امامنا ويتركونا وشعوب الارض ان نعيش بسلام وان يتركوا الفلسطينيين يعيشوا في ارضهم بسلام ولا احد في العالم الان يمارس الاجرام والطغيان على الشعوب كما تفعل الولايات المتحدة واسرائيل.
وانا عارف كونوا امريكا تترك شعوب العالم تعيش بسلام فدي احلام زلوط.
بكرة نسمع خطاب شديد اللهجة من السفارة الأمريكية بسبب سجل السودان السيئ في حقوق الإنسان . ناس الضو الهاشمي ديل كان عزموا ليهم ناس مسلمين غلابة مش أفضل ليهم . ناس منافقين ولا عشان تأشيرة دخول لأمريكا . نسأل الله في هذا الشهر الفضيل أن يطهر البلد من المنافقين والفاسدين أصحاب المال الحرام والربا والزنا .
ودموسي تاااااني جاكم
ياعالم خلونا من النفاق والدجل . عايزني اكسر تلج واقول الشعب السوداني شعب
طيب وكريم وبحب الضيف والهرجله دي .. ضحكت من تعليقاتكم
وزكرتوني خطاب عمر البشكير لمن قال صرفت للسفيره البريطانيه بركاوي
حلاتك انت وحلات البركاوي انت لو بتصرف بركاوي كان صرفته للدول الاحتلت ارضنا وعينك عينك
وعامل فيها بترسل جيش لليمن خم وصر اليمن باقيه بحكومتها رضيت انت ولا الدول الجربانه المعاك
بعدين انتو لو عايزني برضو اكسر ليكم تلج ابدا دي تلقوها عند الغافل
بالجد فاحت ريحتكم النتنة بالعنصرية تشادي نيجيري كمروني مصري دي دخلتوها كيف هههههه
خلاص ياشعب الله المختار كده اثبتوا انتو منو يبقي الرد علي الميت ماينفع
بالمنطق لو اصلا بتعرفوا تفكروا بمنطق
المائده المجهزه للسفير دي لو جهزوها بنفس طريقتها دي وقالوا للسفير
كلنا نمشي ناكل مع اطفال الشوارع او نمشي ناكل مع اطفال المايقوما
او نمشي ناكل مع طلاب الداخليات او نمشي نشوف المسافرين المقطوعين بسبب المواصلات في مجمع البصات
هل حيقول ليهم لا والناس البيقولوا تبادل ثقافات هنا كده حيكون تبادل الثقافات الحقيقي
شعب من غيرما يفكر عامل فيها شعب الله المختار
كلكم اسلاميين منافقين وتاني بقولها
الكلام كتير لكن خساره اي حرف اكتبه في شعب تفوح منه ريحة نتنة بالطريقه دي
وكمان ناس تستدل بايات قرانيه كلام غريب جد . شعبطة بتاعة قران ماعرفنا جاتنا من وين
الله ينتقم منكم منافقين
يا ود موسي ربنا اهديك
نحن نتعامل بالفطره والسجيه البيضاء
المنافق الامريكي الذي يظهر خلاف ما يكتب
تقاريرهم تؤكد بأننا إرهابيين وأننا وأننا
وهو يجلس جلسة فيها من الطمأنينه وهداوة البال لن يجرؤ علي جلوسها حتي ولو في واشنطن
ولما يختلي في مكتبه ويعود الي مرتع صباه يرجع الي فطرة النفاق
اروع ما في الصور التواضع الموجود من أسرة السفارة الامريكيه وجلوسها مع أفراد الشعب لتناول وجبة الإفطار شي جميل من صاحب الدعوة كذلك ..
العالم يعرف طبيعة الشعب السوداني جيدا ويعرف كذلك طبيعة النظام المسلط عليه
ويعرف كذلك أمثال موسى وغير موسى …
مارينز مخابرات حرم الناس ديل احسن من الخلايق الحاكمننا