تعرضت ألاء المبارك الملقبة ب (لوشي) نجمة السوشال الشهيرة في السودان للعام الثاني على التوالي لمقلب الكاميرا الخفية “عليك واحد” الذي يذاع على فضائية سودانية24.
وبحسب مشاهدة محررة النيلين لفيديو الحلقة المرفقة فقد إنهارت لوشي تماماً وبكت بحرقة وقامت بشتم فريق عمل البرنامج بل مدت يدها وضربت مقدم البرنامج مازن ووصفت الفريق “بالحيوانين”.
وكتبت لوشي بعد بث الحلقة على فيسبوك (غايتو الخلعة الدخلتوها فيني ماعافية ليكم نهائي).
ريم منصور/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
نفترض انو البنت جاتها صدمة ومضاعفات وين تقبلوا وجهكم
خلوا الناس في حالها واعملوا شي فيه فائدة للبشرية
اذا لا بد من حلقاتكم الفارغة دي
اختبروا فيها صبر الرجال على المحن والمصائب
مش النسوان
عيب
انتو لسع ما اكتشفوا انوا برنامجكم مسيخ وما بضحك خالص انتوا آخر ناس يصنعوا كمره خفيه
كمرتكم دائما غبيه
ياحيوانين
حيوانبن موقعها من الاعراب شنو
كل مره بنقول ليكم برنامجكم ده خلاص ماجايب حقه
اول حاجه خليتونا الواحد قاعد في الفطور ويفكر يقوم متين من التلفزيون
عشان مايشوف الخرمجه بتاعتكم دي
البرنامج ختينا ملاحظاتنا فيهو .. من البدايه الدعايه للحلقة فيها سلاح
عشان تعرف نحنا دولة عنف وسلاح وقتل وهرش وهي لله ولا لدنيا قد عملنا
تانيا وريتونا سلوك ناس المكافحة وجهلهم وطريقة تعاملهم مع المواطن
تالتا العشوائية الموجوده في البلد بنظام القوي اكل والضعيف ماكول
رابعا قلنا ليكم موضوع المخدرات ده خلونا منه لانو المخدرات التجار بتاعنها معروفين حتي للمواطن
والدليل كم مره جبتوها في التلفزيون من البر والبحر حاويات دخلت البلد
وبدلا من ان تسكتوا ساي قلتوا مسكناها اها مسكتوها مشت وين
طيب خلينا مشت وين . وين اصحاب الحاويات ووين المحاكمات
البرنامج برنامج خجول والممثلين تعبانين والحمد لله قالوها ليكم الضحايا
وتعالوا في حلقات اثبتت ليكم جهلكم وعشوائيتكم مفروض تختشوا وماتجيبوها
انتو الكلام معاكم ماجايب حقو بس لو تكرمتوا البرنامج ده
جيبوهو نص النهار احسن من زمن الفطور
هههههههه
جيوانين دي حلوه شديد
كلمة حيوانين دي بتسبت انك انت فعلا متربيه في السودان.
لاحول ولا قوة الا بالله- اليس في هذه القناة رجل رشيد
مجموعة شباب تعتقل الناس بدون سبب وتتهمهم بتلك التهمه القذره التي لاتشرف أحد وتثير الرعب فيمن تتهمهم – أما كان الاجدر
استضافة رجال مثلا لمعرفة جلدهم – بصراحه البرنامج ده هو اسوء البرامج طيلة أيام رمضان ولست أدري كيف تقبل ادارة الشرطه استخدام زيها من قبل مدنين وكذلك الاسلحه والكلبشات وربط الناس بها – علي كل رمضان قارب علي الانتهاء ف بالله عليكم ان قدر لنا ولكم العيش لرمضان قادم أن تغيروا هذا البرنامج وجزاكم الله خيرا
برنامج غير موفق
ههههههه بالله…. العبوا غيرها…. في حد يشرب نفس المقلب مرتين…. دي فبركة منكم…. عايزين تحشروا البت دي في برنامجكم باي طريقة… هي نفسها استمرات المسالة… وليه لا .. مش هي شغالة في نفس القناة… تمثيل في تمثيل …هههههه… زيتنا في بيتنا
يا حيوانين
اححححح منتهى البراءة و الطفولة