بصات من الصين وقطر والسعودية لمواصلات الخرطوم

دا شنو العبض والهبل دا
تضحكوا على منو قطر والسعودية عندها مصانع بصات لم يستورد منها جديد ..
كلها بصات خارج الخدمة وانتهت موديلاتها ولا قطع غيار لها ..كبروا الزريبة للاسكراب ..
مشكلتنا ليس في العدد ولا النوع المشكلة في ادارة الشركة وسير البصات وكل القائمون على امرها ليس لديهم دراية او خبرة بتسير البصات داخل المدن ومفتكرين انه الشغل قعاد في المكاتب ، وعشان كد بتتكسر البصات وتنهار في غضون سنتين بالكثير . وهناك عادة تشليح البص ليكون قطع غيار لغيره وبالتالي كل شهرين يتم ايقاف بص وتفكيكه قطع لبص تاني ويكون ما بقي ليه من الزمن الا شهور هو ايضا ,,
وهناك امر غريب جدا لا يحمل السائق خطا الاهمال او الحادث المدان فيه من قبل المرور فهو الذي تسبب في التلف وعليه لازم يكون هناك تامين شامل يتم تحمل الاصلاح كاملا ..في احدي اجازاتي رايت امرا غريبا يجلس راكب عند النافذة وبجواره زجاج مكسر وباقي منه اجزاء في شكل مثلثات يعني لو السائق مسك فرملة فجأة سيودي بحياة الراكب ..وسؤال لمسؤول الصيانة والمسؤول عن الباب وخروج البصات يعني ماقاعد تشوفوا تشوفوا البقدد عيونكم ديل زجاج يمكن اي اواحد يسحبه وبرميه البخليه بالمنظر دا شنو ؟؟
مجرد عدم مسؤولية وكسل وخمالة من العاملين والمسؤولين
يجب ان تستورد قطع غيار كافية على الاقل لمدة سنة بالذات القطع التي تتلف بسرعة كالكهربائية والمضخات وخلافه ..
عمل ورشة متكاملة للصيانة واستجلاب عمال مهرة لتدريب السودانين .. لفترة لا تقل عن سنة ..
تركيب ماكينات لتوضيب طلمبات ابنزين ..ومخارط وورشة للكفرات ..ام هكذا العمل السايب وحوش زي زريبة الغنم حتقيف كلها وتترمي