في إنجاز سوداني جديد في مجال الطب السوداني خارج الحدود, قامت جامعة نيو جيرسي الأمريكية بتعيين البروفيسور السودانية النابغة جهاد عبد القادر والتي تخصصت في جراحة المخ والأعصاب مديرة للقسم كأول امرأة يتم تعيينها في هذا القسم.
وتشير متابعات محرر موقع النيلين إلى أن بروفيسور جهاد عبد القادر من النابغات بالجامعة الامريكية رغم صغر سنها إذ تخرجت من كلية الطب جامعة الخرطوم.
ووفقاً لمتابعات محرر موقع النيلين فتقول والدة د. جهاد القيادية بالمؤتمر الوطني البرلمانية أحلام محمد ابراهيم أن إبنتها كانت متفوقة منذ صغرها حيث بدات تعليمها بمدينة دنقلا بالشمالية واكملت الاساس بمدارس القبس والثانوية بالخرطوم النموذجية بنات وفي إمتحان الشهادة الثانوية أحرزت (93.6).
وكانت جامعة ديوك بالولايات المتحدة الامريكية قد اختارت الدكتورة السودانية لكتابة فصل في كتاب هوبكينز الكتاب موسوم بـ (الجراحة في الدول النامية) والفصل عن سرطان المخ في افريقيا وتعتبر هوبكينز اكبر مؤسسة طبيه في العالم تصدر مناهج علمية وفقاً لما نشر موقع النيلين في وقت سابق.
محمد عثمان _ الخرطوم
النيلين
اولا ماشاء الله تبارك الله ان شاء الله موفقه دائماً . ثانيا لا احد يحيد على التفوق والنجاح، استطاعت ان تنجز وتتفوق لتوفر الإمكانيات وهناك غيرها من أبناء الوطن الكادحين سيتوفق ان توفرت له ما توفر لها . أبناء القياديين يوفر لهم ذويهم كل سبل التفوق والنجاح وأبناء وطنى لهم ربهم الذى خلقهم يعانون للوصول الى المدارس وتلقى العلم. علمو اولادكم من دماء أبناء وطنى ولكن لكم رب عادل وستحاسبون يوم الحساب ان شاء الله فان الله يمهل ولا يهمل.
البنت متفوقة ومضت تدرس فى امريكا على حسابها و اولاد الكادحين برضو لو إتفوقو حا يلاقو كل الدعم و حتى الآن فرص التعليم فى السودان متاحة وبالتساوى ومعظم طلاب جامعة الخرطوم من ابناء الكادحين حسب منطقك أو بالأحرى من الطبقة المتوسطة. بالعكس الجامعات اصبحت تدى تسهيلات لمن لايستحق بموجب إتفاقية الدوحة لطلاب دارفور. بطلى حسد وما أى شى حاشرين فيهو مصطلحاتكم المقرفة دى وعاملين فيها معارضة ومناضلين…
(( القيادية بالمؤتمر الوطني البرلمانية ))
طيب حاشرين المصطلح دة ليه؟؟
طيب وين لوشي هنا وندا القلعة وسخافات الفيس بوك . البلد في حاجة لقدوة ومثل الظروف العياشنها تخلينا نبحث عن نقط مضيئة وأمل انو سودانا لسه فيهو خير مش المشاطات وأخبار البنات الفارغات عقلا ووقتا . نشوف البنت دي ونعمة الباقر وغيرها من بنات بلدنا ونقول الحمد لله لسه بناتنا فيهن خير ونرجو ذلك
والله يا اخوانا الكضب الزمن دة بقى فايت حدو، الكيزان ديل بقوا بكضبوا في حاجات زاتو أصلاً ما في ليها داعي
أول حاجة أي أستاذ في جامعة أمريكية ممكن الواحد يشوف اسمه في موقع الجامعة على الانترنت، ومن موقع الجامعة بتاع كلية الطب في جامعة نيوجرسي ممكن تتعرف بسهولة على إنو رئيس قسم الأعصاب هي البروف تشيريل دريفس Cheryl F. Dreyfus
http://rwjms.rutgers.edu/departments_institutes/neuroscience/
يعني الموضوع واضح إنو كلو كضب في كضب
أما المدعوة جهاد عبدالقادر دي فهي أصلاً ما عندها علاقة بولاية نيوجرسي، وهي موجودة في ولاية شمال كارولينا، شوفوا البروفايل حقها في لنكدن عشان ما تقولوا الزول دة بتكلم ساكت
https://www.linkedin.com/in/jihad-abdelgadir-3188007a
وفوق دة كله هي لسة بتقضي في فترة الاقامة الطبية Residency ، يعني هي مجرد طبيبة عمومية و عايزة ليها كم سنة عشان تبقى إخصائية، رئيس قسم شنو يا اخوانا؟ دي قبل سنتين بس كانت طالبة في الجامعة، ارحمو عقولنا يا ناس
بارك الله فيك فقد أتيت بالحقيقة بالأدلة والبراهين..
وعلى والدتها البرلمانية إحترام عقول الناس فالحقيقة أصبح من السهل معرفتها بلمسة أصبع.
ياسلام ربنا يوفقها والي الامام دوما . المنح الدراسية الممولة تمويلا كاملا كانت تاتي للجامعات السودانية مباشرة في الماضي وكان يتم التنافس عليها بكل نزاهة بين الطلاب المتفوقين خاصة جامعة الخرطوم منارة العلم , اما الان لعن الله الواسطه والخراب . الان في طلبه متفوقين 90% لايستطيعون دخول طب لفقرهم بينما اصحاب ال60% من ذوي الحظوة المالية يتمشدقون بالسماعات والبالطوهات في الشوارع دا غير القبول الخاص ..
السيد ابو عبد الرحمن لست بحاسده والحمد لله رب العالمين ، اسمع الكثير من القصص عن عدم المساواه فى القرص التى تتحدث عنها. أين هى ؟ عدد كبير من الخريجين يعانى من عدم توفر المنح والتى تمنح لفئه معينه من الناس. كل ما اتمناه ويتمناه غيرى هو توفير فرص البحث العلمى والتحضير ما فوق الجامعى لجميع المتفوقين من غير فرز.
انا وأعيدها لك ثانيه لا احسد احد على نعمه وقلت ما شاء الله فى البدايه. عندى سؤال ما علاقه طلاب دارفور واتفاقية الدوحه بتعليقى؟
سؤال تانى اى شخص بيعلق هنا معارض أو مناضل؟ .
للأسف هذا الخبر الكاذب أيضا موجود في موقع جامعة الخرطوم . دي
ما اسمها صحافة. كيف والزولة دي حتبدا التدريب لجراحة للمخ والأعصاب في ٢٠١٨ وتنتهي بعد سبع سنين اذا واصلت بطريقة كويسة
هل جامعة الخرطوم بهذه السذاجة لنشر اخبار تافهة زي دي وكأنها إنجازات. كان يكفي كإنجاز باشارة إنّو تم قبولها للتدريب في جامعة ديوك
الحمد لله عايشين في زمن كشف الحقيقة
This is an apple. Some people might try to tell you that it’s a banana. They might scream, ‘Banana, banana, banana’ over and over and over again. They might put banana in all caps. You might even start to believe it’s a banana, but it’s not. This is an apple.
Quote from CNN
ماشاء الله اصلا الدناقلة متفوقين فى جميع المجالات .
انا بنتى حصلت على 64.1 علمى وناجحة فى جميع المواد رغبتها فى مختبرات طبية ومالاقية تسجل حتى فى القبول الخاص وانت تقول 60% كلية الطب ياخى حرام عليك الكذب حتروح فين من ربنا يا (احمد السودان ) والبنية دخلها شنو تبقى مدير قسم مدير جامعة والراكوبة من زمان بتلم ناس حقدين ساى .
الله يوفقك رفعت راس السودان والى الامام باذن الله