أبرز العناوينسياسية

البشير: إجراءات إسعافية خلال أيام لحل الأزمة الاقتصادية نهائيا


أعلن الرئيس السوداني، عمر البشير، أن سلطات السودان أعدت ترتيبات وإجراءات جاهزة للتنفيذ خلال أيام لحل الأزمة الاقتصادية في البلاد بصورة جذرية ونهائية.

وقال البشير، في كلمة ألقاها اليوم الخميس خلال الجلسة الافتتاحية لمجلس شورى حزب “المؤتمر الوطني” الحاكم في السودان والذي يتزعمه رئيس البلاد: “خرجنا من أخطر الظروف الاقتصادية الحالية، ورفضنا الضغوط الخارجية من أجل تركيع بلادنا، ورفضنا بيع استقلالنا وكرامتنا بأي ثمن”.

وتعهد البشير بأن الإجراءات، التي تتضمن حلولا إسعافية عاجلة ونهائية لإخراج السودان من الأزمة الاقتصادية، جاهزة ونتائجها مضمونة.

وأضاف رئيس السودان: “نتحدث بشفافية وصدق ومن دون تدليس وكذب وعهود لدغدغة عواطف الناس بل نحدد مواضع القوة ونحافظ عليها ونقف على نقاط الضعف لنقويها وأعلن عن قيادة نفير من خلال تدابير وإجراءات خاصة من القابضين بمفاصل السلطة لإخراج البلاد من الأزمة الاقتصادية”.

ويعاني السودان منذ انفصال جنوب السودان عام 2011، من ندرة في النقد الأجنبي لفقدانه 3 أرباع موارده النفطية، وتساوي 80 بالمائة من موارده من النقد الأجنبي.

روسيا اليوم


‫37 تعليقات

  1. اسعفنا بتنحيك وتنحى حزب اللصوص الوطنى. كفاك سرقة انت واخوانك ونسوانك وقرايبك ونسايبك ومحاسيبك

      1. والله قويييييييييية ياعادل هههههههههههههههههههههههههههههههههههههههههههههههههههههههههههههههههههههههههههههههههههههههههههه

      2. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

  2. 30 سنه من الكذب والنفاق ولن اترشح وانا زاهد في الحكم والشعب يعاني , ومازال الرجل يكذب ويتحري الكذب حتي يكتب عندالله كذابا

  3. ياناس العملية واضحة كل ناس المؤتمر الوطني ها يدعمو الاقتصاد بالأموال المنهوبة المخزنة فى البنوك والدولار ها يهبط إلى كم وتلاتين دة كلو عشان الشعب يصدق ويقبل بترشيح البشير.واللة جميع أعضاء المؤتمر الوطني السوداني حرامية لو البشير ما انتخبوا الشعب المرة دى واللة ناس المؤتمر الوطني لازم يشوفو ليهم مخارجة إلى ماليزيا ولا تركيا لأن اى حكومة جديدة ها تطبيق عليهم قانون من أين لك هذا

  4. تحل شنوا انت حبل ماتحلوا رجل فاشل ليك في السلطة ثلاثين سنة من فشل لفشل وتجي وبعد ان ضيعت البلد وجوعت الشعب وغلصت اراضي البلد وتقول حل نهاي .بالله غادرنا كرهناك وكرهنا اليوم البقانا سودانيين .بتضرب مثل بالعراق انت مفتكر البلد امنة؟مافيها امن مافي احد بيامن على بناته ولا على اطفاله.نسيت في عهدك كثر تفشي الخطف واغتصاب النساء والاطفال والقتل المتعمد وغيره من السلب والنهب

  5. الموتمر الماوطني موكد بيجيبوك ثاني ليس حبا فيك وانما لمصالحهم لانك كبيرهم الفاسد وانت حاميهم في الفساد لذلك ليهم حق مادام من حكم
    السودان جنوا مليارات الدولارات كلها اموال الشعب نهبوها ووضعوها في دبي وماليزيا واثيوبيا وغيرها لو اصلا فيك خير كان المفروض تكون حازم مع كل الناهبين وترجع تلك الاموال ماسمعنا بدولار واحد رجع وكان المفروض تبداء باهلك وزوجتك وداد .كلامك عن محارفة الفساد كزب مثل كزبك انا ما حاترشح للحكم تاني ومن اجل حب السلطة والكرسى قتلت الدكتور مجمد الجزولي قتل بشع بس لانه قال قولا حق في فسادك واسرتك ونظامك .تمشي من الله وين انت مفتكر الحج بكفر ليك جرايمك دي دماء ناس سالت انهارا

  6. هل سيعود مشروع الجزيرة هل ستعود مصانع السكر هل ستعود مصانع الاطارات والزيوت
    الازمة حلها الانتاج لايقاف الاستيراد والتصدير لجلب عملات صعبة هل سيعود هذا بين يوم وليلة

  7. (ﻧﻔﻰ ﺭﺋﻴﺲ ﻟﺠﻨﺔ ﺍﻟﺸﺆﻭﻥ ﺍﻻﻗﺘﺼﺎﺩﻳﺔ ﻭﺍﻟﻤﺎﻟﻴﺔ ﺑﺎﻟﻤﺠﻠﺲ
    ﺍﻟﻮﻃﻨﻲ، ﻋﻠﻲ ﻣﺤﻤﻮﺩ ﺃﻥ ﻳﻜﻮﻥ ﺍﻟﻮﺿﻊ ﻓﻲ ﺍﻟﺒﻼﺩ
    ﺑﻠﻎ ﻣﺮﺣﻠﺔ ﺍﻻﻧﻬﻴﺎﺭ ﺍﻻﻗﺘﺼﺎﺩﻱ، ﻣﺆﻛﺪﺍً ﺃﻥ ﺍﻟﺴﻠﻊ ﺍﻵﻥ ﻣﺘﻮﻓﺮﺓ،
    ﻟﺬﻟﻚ ﻟﻴﺲ ﻫﻨﺎﻙ ﺍﻧﻬﻴﺎﺭ ﺍﻗﺘﺼﺎﺩﻱ ﻓﻲ ﺍﻟﺒﻼﺩ) .

    طيب ورينا ياعلى كسرة الحاصل في البنوك ده شنو لانه نحن اول مرة نشوف البنك ما فيه قروش

  8. كان افضل واصدق لو انه
    قال كلامه ده بعد عملية الاسعاف والطوارئ
    ال ح يعملها للشعب
    لكن لان غرفة العمليات ملوثة بالجراثيم الفاسده
    قال احسن يتكلم عن نيته الطيبة ويسيب الباقي يا صاب يا خاب
    صراحة دليل علي عدم ثقته في نفسه اولا وعدم ثقته في من حوله ثانيا
    صحيح في مؤامرات علينا ما هو اي بلد فيه خيرات زي العندنا دي
    كل العيون بتكون علي خيراته ما في واحد بتهمه مصلحة بشر
    كل واحد مع مصلحته
    المؤامرة القاسية علينا لما تكون من بني جلدتنا

  9. انتو يا ابتتكلمو فى اى حاجه وبدون ما تعرفو اى حاجه قدمتو شنو للوطن عشان ما تطالبو رئسكم بحل الازمه الاقتصاديه يا جهاله الواحد بياكل قدر دخلو عشره مرات وبرضو عاوز الرئس يحل ليكم الازمه اتاكدو تمام التاكد اذا لم ننتج ونزيد الانتاج لو جانا رئس من القمر ما حيبدل فى الحال انا ما بقول الكلام ده عشان ادافع عن احد ولكن هذا هو الواقع رضينا ام ابينا بطلو الكلام الهمجى وشاركو فى انتشال البلاد حتى لا ياتى يوم وتندمو فىه على الماضى الرئس ده ما بشر مثلكم ما عندو عصاة موسى حتى يغير الحال بدون تعب ماساتنا فى السودان اى واحد فينا عامل روحه اكبر اقتصادى واعظم سياسى افلح زول بندعى المعرفه فى كل شئ و الحقيقه نحن لا نعرف اى شئ ندعى المعرفه عشان كده بنطبق علينا المثل القائل يمكنك ان تقنع جاهلا و لا يمكنك ان تقنع مدعى رحمنا الله

    1. ياخي طيب هو وقت ماقادر علي حل المشاكل – ولاعندو عصى موسي يتنحي للاجدر منه والاحسن منه والقادر انه يخدم البلد

      ياخي زي نوعك دة هو الخارب البلد

      حسبنا الله ونعم الوكيل في كل ظالم

    2. أنا ما من الناس البردو على التعليقات وإن كنت أستمتع بقراءتها بصورة مستمرة ……
      يا اخ ابو ناجي
      انت البتعرف ده يا ريت تعلمنا واجبات الدولة تجاه المواطن وواجبات المواطن تجاه الدولة
      يا عزيزي الواحد (بياكل قدر دخلو عشرة مرات) ده لو في رأيك دليل على جهل المواطن فيا ريت تلحس كوعك من سكات وما تعمل فيها من العارفين .. يا اخي في اي دولة من أوجب واجبات الدولة تجاه المواطن وضع السياسات البتحقق النماء والرفاهية لشعوبها، وعشان ده يحصل لا بد من وجود بنية تحتية مناسبة وخطط توعوية ومشاريع ضخمة على على نطاق…
      الليلة بلدنا مفلسة (ولو ما كلموك اهو انا كلمتك هسه) بإعتراف صريح من السيد نائب رئيس الجمهورية ، و بلدنا عاجزة عن توفير الدولار بإعتراف صريح من وزير المالية (ممكن تراجع اليوتيوب وتفتش الاعترافات دي … صدقني بتفيدك بدل ما تعوعي ساي) … الدولة يا عزيزي فشلت في ادارة ابسط المهام البتمس امن المواطن (و زي ما قال السيد والي ولاية الخرطوم على قناة الجزيرة: الفشل في كل يوم يشهد الفشل!!)
      يا أخي انتاج شنو وكلام فارغ شنو؟ ما هو تعريف الإنتاج؟ يا ريت تشرحو لينا هنا لو تكرمت
      نحن بنواجه كارثة حقيقية من (قطط سمان) و فساد في كل مناحي الحياة وفشل خطير في ادارة الدولة ، ودخلنا في نفق ربنا بس هو العالم نهايتو شنو و متين .. اما دفاعك المستميت عن السلطة الحاكمة ، و نعتك لينا بالجهل والكسل ما ح أرد عليه من باب الترفع عن مخاطبة الجاهل ليس إلاّ .. بس يا ريت تفتش عن زول فاهم و تسألو كيف ريئس من الارض هنا ما من القمر ممكن ينهض ببلادو و يخليها من الأمم العظيمة .. سبحان الله فجأة كده بقى رؤساءالدول المتقدمة من القمر وليس من الأرض !!!!
      حاجة أخيرة: يا ريت ترجع لدستور جمهورية السودان الانتقالي لعام 2005 الفصل الثاني وحاول اقرأ وأفهم وبعد داك ترد على الناس ، عشان ما تكون زي ديك العدة

  10. يا اخت يا ملاذ مشكوره على ردك القاسى بس عاوز اقول ليك انا ما بدافع عن احد و لكن البقول الحقيقه ديما قلطان ولو ما نوعى ده ما كنتى اتفاصحتى الله يهديك مره ثانيه بقول لو ما انتجنا وبطلنا العطاله والكلام الكثير ما بنتقدم

    1. انتج شنو انت شكلك ياخوي ماعايش معانا في البلد دي الله يهديك .فكر ليك في مشروع ساي وشوف جيش النهيبه من ضرائب وعوائد بسوا ليك شنو اسال حسه المزارعين عن الحاصل ليهم شنو عشان تفهم اكتر واسال عن المصدرين وتعبهم الراح علي الفاضي وبطلوا دفاع عن الباطل لانه الله بيسالكم

  11. يا ابو ناجي يظهر عليك منافع من البشير بتقول لو جاء حاكم للسودان من القمر مابيغير شي منو ألقاب ليك بس الحزمة بتاعك داء يمشي بعدين تعال قول كلامك دا البلد منهوبة يا خوي

  12. هو المواطن قادر ينزل كراعو يا عادل مرفوعة طبيعي المفروض تقول ينزل كراعو

  13. عجز المؤتمر الوطني ان يجد خليفة للبشير …..دا في حد ذاته هو الفشل بعينه………….ثم 30 سنة ومزيد من الدمار يا كذاب داير تحل المشكلة في يومين او 6 شهور ……….رجع مشروع الجزيرة ومصانع العزل و مصانع الزيوت والسكة حديد…… و غادرنا انت والحرامية ال معاك يا تافه>>>> ,والله يا اخوان في الدنيا دي ما كرهت زول متل البشير ولا حتى اليهود …..بسبب الكذب وعدم الحياء بتاع عمك دا وشريعة ويحزنون وكامل الدسم ……….حسبنا الله ونعم الوكيل

  14. اللهم احينا
    حتى نرى الترتيبات والاجراءت التى تتمكن حل مشكلتنا الاقتصادية الحرجة هذة نهائيا خلال أيام

  15. عيش يا حمار لمن تقوم النجيلة………….. عمر الكذاب …..نديك سنة موش 6 شهور

  16. ادينا عرض اكتافك . . تلاتين سنة انت قاعد تصوط من زمان ما كنت عارف الحلول الاسعافية دي؟

  17. نتمنى أن تتقدم الصفوف شخصية وطنية ذو خلفية عسكرية غير منبطحة لحركات التمرد أو متساهلة مع الفساد والمفسدين الشعب واعى جدا ويعلم أن ورقة التوت قد سقطت عن حزب الطأطأة والأنبطاح والأنبراش وكذلك حركات تدمير السودان بشقيها بقايا طريق الحجاج وبقايا قطعان الشمال والحركة الشعبية لتدمير السودان والشعب مساعد للنزول بالملايين لأنزال أقصى هزيمة بحزب الطأطأة والأنبطاح والانبراش ورئيسه العيطة الدلوكة فنناشد شرفاء القوات المسلحة الباسلة تقديم شخصية حازمة وطنية نقية غير حزبية لأنقاذ البلاد من الانقاذ لأن الأحزاب كيسها فاضى أما فاسدة كالحزب الحاكم أو مؤيدة لمن يحملون السلاح ضد الوطن والمواطن وفى سبيل أزآحة حزب الطأطأة والأنبطاح والأنبراش مستعدون للحالف مع الشيطان وأبليس حتى لو أدى ذلك لتشزم الوطن أربا أربآ اللهم أحفظ العباد والبلاد من كيد هؤلاء وشر أولئك.