سياسية
توقعات بانهيار عدد كبير من المباني بالخرطوم بسبب حديد تسليح مغشوش مهرب من ليبيا
توقع المدير العام للهيئة القومية للمواصفات والمقاييس السابق ومدير ادارة بحوث المستهلك بالجمعية السودانية لحماية المستهلك الدكتور ابراهيم محمد احمد – توقع انهيار عدد كبير من المباني حالة استمرار وجود السيخ المغشوش والمخالف للمواصفات بالاسواق منوها الى وجود اثار سالبة على البناء .
وأقرت الهيئة القومية للمواصفات والمقاييس – بحسب التيار – بعدم مطابقة كميات ضخمة من السيخ المهرب من دولة ليبيا للاراضي السودانية في الوقت الذي أعلن فيه عدد من المنتجين المحليين لسيخ التسليح عن توقفهم عن الانتاج مطلع سبتمبر المقبل حال عدم البت في الامر من قبل الجهات المختصة.
الخرطوم (كوش نيوز)
طيب وين الحكومه؟ ول حاميها حراميها
السيخ مطابق للمواصفات وتصميمو إيطالي وممتازة جدا وكمان نإفس كل المصانع
انتو بس عاوزين المواطن يكون تحت رحمة جشعكم انتو والمصانع
سعر السيخ الليبي أرخص من الحديد السوداني وجود لو ما كدا المصانع ما كان قالت بنقيف شهر 9
ناس المواصفات والمقاييس عاوزين مصلحتهم مع المصانع ما مع المواطن
ياحبيب لوبتعرف زول في مختبر كليات هندسه حتي لوفني ساكت خليهو يعمل ليك اختبار شد للسيخ ويشوف اجهاد الخضوع والكسر لسيخه واحده بس شوف جامعة الخرطوم او السودان بس . او تخلي الحداد يتني ليك سيخه بالملوينه . الحديد دا بكون قصف وفيهو نسبة كربون عاليه وبتكسر سريع , ماتنتظروا وقوع الكوارث لاقدر الله اتحركوا انتو وامنعوها , البلد دي مافيها حكومه عديل . ولعلمك حتي لو السيخ الليبي دا جاب اجهادات خضوع اعلي من المنصوص عليها دي براها كارثه مابعرفها الا مصمم انشائي في السودان بيشتغلوا باجهاد خضوع 460 ميقاباسكال احفظ الرقم دا كويس .. المشاكل مابتظهر ليك وقتيا في نفس اللحظه لكن بتاخد وقت وفجاه بدون مقدمات زي الطبشير بنكسر البيت ماتستهتروا بالموضوع
وهو سيادتو كان بيعمل شنو لما الحديد دخل وتربع وبيع بكل الاسواق واستفاد كم من السماسرة والتجار. يجي الحين يتوقع. والله هو قمة الفساد.