سياسية
حل حكومة الوفاق الوطني في السودان وتغيير رئيس مجلس الوزراء
انتهى مساء الأحد 9 سبتمبر الجاري، بالقصر الجمهوري إجتماع الهيئة التنسيقية العليا لمخرجات الحوار الوطني برئاسة الرئيس السوداني عمر البشير، الذي أبلغ اللجنة عن إقدامه بإجراء تغييرات شاملة في أجهزة الحكم تشمل، حل مؤسسة الرئاسة وحل الحكومة وتقليص الوزارات من ٣١ وزارة إلى ٢١ وذلك بتقليص ١٠ وزارات.
كما ستشمل الإجراءات بحسب مانقل “محرر كوش نيوز” تغييراً في منصب رئيس الوزراء الحكومة، وتغييرات في الطاقم الإقتصادي مما يعني حل الحكومة.
وسيعقب ذلك اجتماع المكتب القيادي للمؤتمر الوطني، والذي سيعلن بعده رسمياً تشكيل الحكومة.
ابومهند العيسابي
الخرطوم (كوش نيوز)
خليك حريص انت القائد و انت الرئيس
ده الشغل
زي ما انتقدناالريس و قلبنا ضده بعد ما كنا معاه
لكن اذا عمل الصاح بنقيف معاهو تب !
المطلوب المزيد يا ريس
الابتعاد نهائيا عن الاخوان تبع حسن البناء
حل كل الحركات التي تسمي اسلاميه او التابعه لليهود
امن وحيش وسيطره ع مناصب الولاه نسبه لامن البلاد
حل كل المجالس الولائيه و البرلمانيه و تخليص الدستوريين من عشره الف الي عشرين
ارجاع سعر الدولار الجمركي ال سته ما زي ما كان اوالي خمسه
الغاء تحرير السوق ووضع اسعار مخفضه من الدوله ملزمه و فيها عقوبات قاسيه للمخالف ودي النقطه الحترفع عنك الغضب الشعبي
التحرك ف ملف تقسيم الحدود وبقوه القانون مع الجنوب قبل تدفق البترول وقبل اشبعو واضربو ويسكي ومريسه وبكره انسوا
التحرك ف اعلان حلايب سودانيه ف اقرب فرصه
حل او دمج الاحزاب ال ١٢٠ الي تلاته احزاب الامه والاتحادي والوطني فقط
وووووو. و نواصل ان شاء الله
همنا المواطن والتراب الوطني
واخيرا اهم شئ الوزراء الجدد اي وزير اكون بروف ف مجاله
وعدم الخلط والتمكين واللخبطه وعدم الكفاءه و المخاصصه والترضيه
نعيد ما كتبناه ( من ) قبل:-
لعلّ وعسى:-
..
..
زمان زمن الروّادي ( والمسجلات ) كانت شغّالة بحجارة البطاريّة لامن الحجارة تموت ( وتنتهي ) كان لازم الواحد يغيرهن الأربعة أو الستة ( مع بعض ) بحجارة بطاريّة جديدة لنج ..
..
لأنّو ( الواحد ) لو غيّر حجر أو حجرين وخلا الباقيّات يلاقي الحجارة الجديدة تموت طوّالي ( وتحصّل ) الباقيّات لأنها لا قادرة تشغّل الراديو والمسجل ولا قادرة تشيل ( معاها ) الميّتات ..
..
..
صاااابر
في ناس كانت بتعصر الحجر وتعضيهو والغريبة برجع يشتغل ليهو كم من يوم ، بس الباقي لي حجارة اليومين ديل عاوزين حلب عدييييل هاهاهاهاهاهاي
طيب يا صابر موش أحتمال تكون المشكلة فى الرادى نفسه ؟؟؟؟
معتز موسى لرئاسه الوزراء و بكري السمين النائب الأول للرئيس و يوسف كبر زعيم سوق المواسير العالمي نائبا للرئيس و حسبو عدس اتشات برا
معتز موسي
لا حول ولا قوه الا بالله
رئيسا للوزراء
الدوام للله
كتبت نهايتها بيدها
معتز عمارو شنو في الكهرباء ومشاكل سد النهضه الاستمرات سنوات
بعدين ما هي مؤهلات معتز موسي
يبدو ان البشير خايف من حاجه
وعايز اجيب ناسو المقربين
علي الاقل جيب البروف غندور رئيسا للوزراء كان الشعب فرح علي الاقل زول فاهم مش مخو فيهو تراب
كان معتز رئيسا لجميع وزراء السودان
الرماد كال حماد
والتغير لزومو شنو مادام بتشيل مكانيكي وبتجيب كمساري ما حافهموا في الطب
وسير سير يا بشير