السودان.. (الأمة) يعلن عودة المهدي في 19 ديسمبر الساعة الخامسة مساء
أعلن حزب الامة القومي أن الامام الصادق المهدي رئيس الحزب سيعود للبلاد يوم الاربعاء الموافق ١٩-١٢-٢٠١٨ م الساعة الخامسة مساء بعد غياب دام زهاء العام خارج البلاد التقى خلالها بكل الجهات المهتمة بالشأن السوداني سيما الاتحاد الافريقي و الاتحاد الأوروبي والتريكو.
وقال اللواء معاش فضل الله برمة ناصر نائب رئيس حزب الامة القومي في المؤتمر الصحفي الذي عقد السبت بدار الحزب بأم درمان حول برنامج استقبال رئيس حزب الامة قال إن حزبه اكمل كافة الاستعدادات لاستقبال الامام الصادق وزاد أن برنامج الاستقبال سيبدأ من مطار الخرطوم بالاستقبال القيادي ومن ثم الحشد الجماهيري من بوابة عبد القيوم حتى قبة المهدي مقر الاستقبال الرسمية .
و استعرض نائب رئيس حزب الامة برنامج الامام الصادق بعد وصوله اليوم الثاني حيث سيلتقي بقيادات الحزب و بالقوى السياسية بدار حزب الامة و بالاعلاميين و البعثات الدبلوماسية كما سيلتقي برؤساء حزب الامة بالولايات وقيادات الانصار بهيئة شئون الانصار و ستصحبه برامج مصاحبة .
و قال فضل الله في سؤال عن دخول حزب الامة القومي في حوار مع الحكومة حول إعداد مشروع الدستور إن حزبه لا يجري اي حوار ثنائي مع الحكومة الا حوارا شاملا يشارك فيه كل أبناء الشعب السوداني و القوى السياسية لضمان استحقاقاتها .
و قال “في ما يتعلق بالدستور والانتخابات القادمة فإن حزب الأمة لا يشارك فيها إلا مع جميع القوى السياسية بالبلاد حتى يضمن ما يلبي تطلعات الشعب السوداني” .
و من جانبها قالت سارة نقد الله الأمين العام لحزب الامة القومي إن مشاكل السودان لا تحل إلا بقوة إرادة الشعب السوداني و طالبت بإطلاق سراح المعتقلين السياسيين.
ام درمان ١٥-١٢-٢٠١٨م(سونا)
خلي يجي ولا يمشي، والله ما منك أي فائدة ولا بتقدم ولا بتأخر ومنظراتي ساكت ، وإنت واحد من أسباب دمار البلد، و لو ما أختفيت أنت و الكهنة أشباهك ما ح نمشي لقدام ….إنت لسه بتكابس ؟ ياخ أرحمنا أنت معارضة و أولادك مع الحكومة وبنتك معاك أرحمونا أرحمونا أرحمونا أطلعوا من حياتنا سيبونا في حالنا أرحمونا أرحمونا .
ياخ من الاستقلال مافي غير الزول ده ومرتزقة السياسة المعاهو من أحزاب فاشلة و أسياد و شيوخ وأمراء و كراكيب أكل عليها الدهر وشرب ، والله نحن سئمنا وجهوكم ووجوه أبناؤكم و ندمنا على اليوم القامت فيه الثورة المهدية و ياريت لو كان الإستعمار موجود للآن ، على الأقل كان تكون بلدنا نظيفة و حياتنا ماشه بدل الحال الواقف ده.
إنت شغال شنو يا أخونا الصادق المهدي؟ ما هي وظيفتك ولا مهنتك ولا عملك الذي تتكسب منه ؟ أفيدنا بالله عليك …إنت قاعد تتمصرف من عرق الشعب المسكين ده ولا قايل الناس ما عارفاك ….أرحمونا بالله الرحمة حلوه ، الرجاء الإختفاء من حياتنا وسوقو معاكم أولادكم وبناتكم وكفاية على الشعب المسكين ده الحاصل عليه ، و الله حضورك للسودان لا يقدم ولا يؤخر ، أنت قبل كده كنت رئيس وزراء بالسودان فماذا قدمت له؟ والله يا ناس الأمة و الأتحادي إنتو مشاركين في الحاصل حاليا و مستفيدين و ما عندكم أي مشكلة حالكم ماشي…. كفاكم فكو دربنا لأنه أنتو عاملين زي الركشات في شوارع الزلط ….زحمة و حوادث و كلام فاضي والله الركشات أفضل منكم كمان
الله قديتونا بي كلمه جاي جاي تقول جاي من السماء قاليكم هو المهدي المنتظر ولا شنو