ندى القلعة: حملات (تخوين) الفنانين ما بتودي البلد قدام
استنكرت الفنانة “ندى القلعة” هجوم البعض على الفنانين الذين قالت: إنهم يمارسون مهنتهم التي يأكلون منها عيش ويصرفون على أولادهم وبيوتهم .
وأوضحت “ندى” في حديثها: (ده أكل عيشهم بيكون في الغناء وكتير من الناس بتمارس عملها.. ليه الموضوع يقيف على الفنانين بس.. ولو الناس دعوا الفنان أنو يتوقف عن ممارسة مهنتو من باب العدالة أن يتوقف المهندس والمحامي والصحفي عن عملوا) .
وتابعت “ندى”: (في بعض المرات نضطر للغناء في ظروف صعبة جداً لأنو الفنان بيكون مرتبط بعقد بينه وأهل المناسبة)، وتساءلت: (هل يسعى البعض الى أن يدخلونا الى السجن بعدم الإلتزام بالعقود.. ولو دخلت السجن ح يجوا يصرفوا علي أولادي؟!) .
وأضافت “ندى”: (الناس لو ماقبلت الآخر وأبتعدت عن تخوين البعض البلد دي ماح تمشي لقدام، والناس بتقدر الظروف دي لأنو بكون مرتبط بعقد، وهل أنت عايز تدخلني السجن..؟!) أتمنى الثورة تكون لمصلحة الجميع والفنانين ده مصدر رزقهم والفرق البيني وبينك أنا بغني وما معناها أنا فرحانة … قبل كده غنيت لكسلا أثناء ما ناس كسلا كانوا بيموتوا) .
وتابعت “ندى”: (إذا كنت أنا مطربة خائنة معناها ناس المناسبة ذاتهم خائينين بالمنطق الأعوج ده.. لأنو فيه ناس قدرما فقدت أولادها عايزة تفرح بأولادها التانين .. والبتكلموا عن الحرية لأزم يمنحوا الأخرين حرية الرأي الآخر..) .
وزادت “ندى القلعة” وبحسب صحيفة المجهر: (أنا بحب السودان وده بعيد تماماً عن السياسة وبعرف أعبر عن وطنيتي بالكيفية البشوفها مناسبة) .
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كلام في محلوا ياندي
الشيوعيين طلعوا كل الشعب خاين وهم بس المخلصين.
طيب اطلعوا براكم يا الشيوعيين نشوف فلاحتكم يا دستة ونص.
يللا استعدي بعد كده ح يلموا فيك نبذ لي ابو جدك.. دي عالم لا تؤمن بالأخلاق و لا حتى الحرية البهنقوا بيها دي.
تسقط بثث
يللا استعدي ح يلموا فيك نبذ لي ابو جدك ..دي عالم لا يؤمنوا بالاخلاق و لا الحرية البهنقوا بيها دي.
ندي تصرف بركاوي لتجمع المثليين وتعطيهم درس في الحرية وتقبل رأي الأخر .
أقصد المهنيين
في النهاية رايك شنو
تسسسسقط بس
والا هناء
والا
تقعد بس