النيلين
منوعات

محتجون غاضبون من الغلاء يطردون “بائعي الاضاحي” من الاسواق بالخرطوم

قام عدد من المحتجين المتذمرين على غلاء أسعار الاضاحي بالخرطوم بطرد البائعين ببعض مراكز البيع باحياء العاصمة، وإجبارهم على مغادرة الأسواق مع خرافهم، بحسب ما شاهد محرر “كوش نيوز”.

وشوهد عشرات المحتجين يوم الاثنين ثاني أيام عيد الأضحى، بشارع الهوا أكبر شارع لبيع الأضاحي بمحلية الخرطوم، يهتفون “يا تاجر يا طماع خروفك ما بتباع”، بينما غادر عدد من البائعين بخرافهم مواقع البيع.

 

كما تظاهر عدد من المحتجين بسوق اللفة بالكلاكلة جنوب الخرطوم، وهم يهتفون ضد تجار الماشية ” اطلع بره .. بره بره ” .

وكانت أسعار الأضاحي قد ارتفعت بشكل جنوني في العاصمة السودانية الخرطوم في اول وثاني ايام العيد مقارنة بيوم الوقفة، وقفزت اسعار الخراف من ٧ ألف و٩ الف جنيه إلى ١٥ و ٢٣ ألف جنيه، مما اثار موجة من الغضب والسخط في اوساط المستهلكين.

 

ويعزي عدد من تجار الماشية إرتفاع الاسعار لزيادة الطلب وقلة العرض بسبب انقطاع الطرق من مناطق الانتاج نتيجة السيول والامطار، بالاضافة إلى ارتفاع أجور النقل، والخسائر الباهظة وسط الأضاحي ونفوقها بسبب غزارة الامطار.

كوش نيوز

2 تعليقان

محمود 2019/08/12 at 6:27 م

يطلعوا من الخرطوم ذاتا ويمشوا يأكلوا خرفانهم باسطة لحدي السنة الجاية، وتاني أي زول يغالي في سعر أكل وللا تعريفة مواصلات يشوف شغل، الشعب قادر يأدب أي واحد جاي ينهب نهب مصلح.

رد
خا ل اماسى 2019/08/13 at 10:40 ص

همجية وقلة ادب ديل كواطنين سودانين زيكم وواحد اطردوا بتاعين البقالات اطردو بتاعييين الصيدليات جات ع ديل السنة كلها يربو ف الخرفان اسعار علف عالية واسعار ترحيل مبالغة العندو يشترى والماعندو هم ذنبهم شنو قال عداة وين العدالة قالو حرية وين الحرية

رد

اترك تعليقا

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.