الكيزان
الحق احق ان يقال: الكيزان ما لينين ولا نيين ،،، الكيزان لابتين بتوجيهات لعضويتهم وبشكل واضح (مكانك لا تفعلو شيئاً) ،،،
وديل خبرتهم التنظيمية والسياسية تتعدي اعمار العاملين فيها قادة الان،،، في تجمع المهنيين وقوي الحرية والتغيير ،،، العايزين يستفردو بالسلطة زي الــ (بشيل كورة الدافوري ويجري بيها بيتو ويقطع راس البلعبو دافوري) ،، في النهاية ثاني يوم بشترو كوره ويحرموهو ثاني يلعب معاهم الا بعد فترة طويلة جداً لتاديبه (هذا الوصف بالضبط البعملو فيهو ناس تجمع المهنيين وقوي الحرية والتغيير حالياً في المشهد السياسي السوداني)،،،
سكات الكيزان كلهم يدل علي انهم أدري واكثر معرفة لمجريات الامور،،، وده بعني شيئاً واحداً أن تجمع المهنيين الي زوال وقوي الحرية والتغيير الي مذبلة التاريخ،،، وانهم يعملون علي إعادة انتاج تنظيمهم بشكل يتناسب مع المرحلة القادمة،،،
كل الاحزاب والتنظيمات والحركات المسلحة في المستوي الاول والثاني والثالث سياسة وعمل عام وتنظيمي والكيزان علي الاقل متفوقين علي الجميع بمائة مرحلة متقدمة عليهم،،،
وستثبت الايام صدق ما اقول ،،، معلومة اخري مهمة للجميع الكيزان مافي افضل منهم علمياً وعملياً وسياسياً وفي الحرب والسلام هم الأفضل والاكثر خبرة وقدمو للبلاد مئات الالاف من الجرحي وعشرات الالاف من الشهداء ،،،
وهل يعرف جيل الــ90 و الـــ 2000 (وقود الثورة الان) أن غالبية عضوية الكيزان هم الثلاثة الاوائل لكل دفعة دراسية في المدرسة او الجامعة (أكيد لا يعرفون ذلك) وهذا المعدل منذ بداية تاسيسهم لتنظيمهم السياسي في السودان.
محمد السر
نعم وهو معلوم بالضروره
انت كوز أو منتفع الكيذان انجس بشر الكيذان العملوه في بلد يقطع أي قلب سليم اذا كان لك قلب سليم. أتعجب من مدحك للكيذان نعلم الله عليهم رجعوا السودان مليون سنة لواء يا أخي حرام عليك يظهر انت منتفع أو كوز وعشان كده عشمان يرجعون للحكم وتاني مابيحكموا إلا يجوا بقوة السلاح لأن الشعب كرههم ولدرجة كرهوا الشعب كل ماهو إسلامي رغم أن الإسلام بري
يا زول قوم لف كيزانك ديل انتهوا إلى الأبد في السودان،
السر اخوى المنطقة واسيادا رافضين الاسلام وممثلينوا عشان كدا الكيزان مافى ليهم حتى ولو كانوا الاكفأ. الحكم جاهم فى طبق ذهب من عملاء المنطقة وحكمة الوطنى.
اما فيما يخص الشعب السودانى الرافضى الكيزانى فهم ينطبق عليهم نكتة الراجل المرتوا سمحة ومجيهة وست بيت شاطرة ومهذبة ولبقة ومرتبة ووووووو قام عرس فيها الناس اندهشوا وقالوا لى كيف قال محسسانى بى عدم الاستقرار
منتفع ونص وخمسة..
ابتداء من اتحاد التايكوندو وانتهاء بمشروع الكتاب الاليكتروني اكلت حقهم عشان كده ليك حق تدافع عنهم..
تعال راجع من السعودية سدد قروش عمر قرين بتاعت اللاندكروزر الكنت راكبها وايجار صالة التايكوندو جوار تقاطع المبارك للمرأة المسكينة دي حتي اتكلم..
كيزان وسخين بطالة
shoot to kill hahahahah
اولاً ي اخي الكريم اخير تصلح معلومياتك كويس عني ،،،
تتحدث عن سيارة نحن العايزنها منه ودفعنا مالها ونقص القليل والان هي في طرفة فلا تتحدث عن شيء لا تعرفه حتي لا تشطح كثيراً الشيء الثاني من انت لتعرف ايجاري لصالة تدريب تخصني او غيره مع الناس لا احد يريد مني ايجار ،،، ومدام ماسكنا لاندكروزر وصالة وتعليم تكنولوجي فانت شخص قريب لي وده يثبت حقد متناهي منك ساي وبعدين انا ما في السعودية انا في امريكا مدير عاماً للشبكة الدولية للتعليم التكنولوجي دي برضو عايز تعرف اخبارها تعال امريكا فتش لمعلومات عننا مدام مهتم بينا شديد كده
قول لصحبك عمر قرين سيارتنا بنشيلها منك بموافقتك او عدم موافقتك الحساب العلينا،،، ما نحن البنخلي حقنا
يعنى الراجل معلوماته صحيحة يعنى انت كوز منتفع من النظام البائد الذى دمر الاخلاق قبل الاقتصاد واصبح الفساد ترونه شئ طبيعى اصبح الثراء الحرام ونهب المال العام ذكاء وعلم وافلست البنوك ودمرت كل مؤسسات الدولة وبيعت للكيزان بابخس الاثمان واصبح خبر القبض على كبار المسئولين فى شقق الدعارة خبرا عاديا فى الصحف لا يثير الدهشة وهربت حصائل الصادر للخارج لبناء القصور وشراء الفلل فى دبى وتركيا ومصر سوف تتفتح كل ملفات الفساد فى الفترة السابقة وان كنت تمتلك الشجاعة تعال السودات لتبرئ ذمتك فلت يؤخذ بريئا بجريرة غيره فى هذا العهد الذى اتى بداء وتضحيات الشعب السودانى
الكيزان ما بدقوها تاني في السودان إلي مذبلة التاريخ لا مأسوفاً عليهم
أظنك تريد أن تقول أنهم كلغم يتكتك تحت الأقدام!!!
الكيزان شئ والشهداء الابرار (اوائل الشهادة السودانية) شئ اخر
الاسلاميين الحقيقيين النظيفين النقيين كلهم رحلوا وتبقى الكيزان الحرامية المنتفعين ما عايز افوا زيك لكني مضطر اقولها زيك
محمد السر
كوز يا جماعة ..
انت والكيزان الي مزبلة التاريخ
حس الصورة دى عشان تقارن نفسك بالاسم!! بالنسبة للكيزان اسأل أصغر طفل في السودان عشان تعرف من هم هؤلاء ؟؟ و تانى مااااااافى ليكم سقطت خلاص
الكيزان شطار وغلطة الشاطر بالف
هم سودانيين نادرا ما تخلو اسرة منهم لا تستهينو بهم
وعملوا لهم الف حساب ولا تطمئنوا حتى يرسخ حكم المدنية وتسقفوا الشعب السوداني
الذين اكثرهم لا يمهم الا لقمة العيس لا يهمهم من يحكم
و الله يا كيزان تاني ما تشموها قدحة
طيب يا كووووووز يا مصدئ ما دام انت في امريكا مالك عامل لينا إزعاج، خليك في أمريكا دي وعقبال ما تبقى مدير ناسا، يعني فرحان أوي يا وااااد!!!! المهم رجع قروش المرأة المسكينة دي وكوووووولها كم دولار يا المدير العام وخليك من تجمع المهنيين ديل لأنهم قاعدين ليكم يا كيزان السجم يا حرامية يا أوباش يا ……. ولا مافي داعي لأنه دي حاجة من شروط عضويتكم. داهية تاخدكم يا حثالة البشر
كنا نتمنى ان تتكلم عن من سيصلح حال البلاد ايا كانت ملته او جهته.. لا ان تتحدث عن ما تم تجربته بالفعل وآل الى ما آل اليه.
لا احد يتمنى عودة السيئين مهما كانت صفاتهم وومميزاتهم، كما لا حق لاحد ان يصف الآخرين بصفات توحي بانه هو من يعلم الخير وسر النوايا وحقيقة البشر ومكانتهم عند الله..
لوكان صلاح البشر بالدين والتدين وحده لما وصلت شعوب أخرى الى ما وصلت اليه ونحن لا نزال نحبو..
ولوكان صلاح البشر بالمتعلمين والمثقفين وحدهم لم كان خير البشر محمد (ص).
المعادلة اعمق من كيزان او شيوعيون او غير ذلك من اسماء ما انزل الله بها من سلطان.
المعادلة هي شعب فقير بائس، لديه كل ما يحتاج للعيش الكريم – فمن هو الاجدر ومن هو الاصلح بالعمل وبالفعل.. لا بالتاريخ والزخارف.
كوز وهم واللهي تاني السودان ده ما تحكموه لو كتوبه ليكم…
دفعة شنو الكيزان اوائلها ياخي انت واللهي راجل خارج الشبكة.. في كوز ما حرامي؟؟
عندك شك في انو الحكومة السودانية هي الافسد على وجه الارض؟؟
كدي قول لي مسئول واحد انت فعلا معتقد انو كان في مكانوا الصحيح..
انت بتتكلم عن ياتوا كيزان وياتوا سودان..
عليك الله اسكت بس حرام عليكم افسدتوا الماضي والحاضر وكمان ما عاوزين الناس تامل في مستقبل..
عليكم لعنة الله في السماء والأرض..