رسالة محمد علي للسيسي: المباراة لم تنته بعد
مع انتهاء فعاليات “جمعة الخلاص” التي دعا إليها الفنان محمد علي، ضد الرئيس المصري عبد الفتاح السيسي، نشر علي فيديو جديداً، حيّا فيه استجابة الشعب المصري لطلب التظاهر، والذي اندلع مجدداً، ولكن هذه المرة في الصعيد، وبعض المناطق في الوجه البحري، وغاب في محافظة القاهرة نظراً للتشديدات الأمنية، وإغلاق المداخل والمخارج خاصة عند ميدان التحرير.
وقال علي: “لشعب مصر العظيم الله ينور، أنا فرحان جداً جداً جداً، كل الأحرار اللي نزلت ولسه، إيه اللي عاجبني بقى في الجيم، اللي عاجبني في الجيم إن السيسي نازل في المطار وحاشد شوية ناس عشان يقولهم ما تقلقوش”.
ووجّه رسالته للسيسي قائلاً: “يكفيني فخر يا عبد الفتاح إني خوفتك، يكفيني فخر إني قلقتك، يكفيني فخر إني خليتك نازل النهاردة مرتبك، في المؤتمر كنت مرتبك والنهاردة مرتبك وجايب ناس تقولهم ما تقلقوش”.
واستكمل: “إيه رأيك واحد بموبايل عمل فيك إيه وبقلم روقك، عشان تعرف إنك راجل لا مؤاخذة مالكش لازمة، قاعد تصرف ملايين وقاعد تدي للمعرضين بتوعك، اطلعوا غنوا واطلعوا في الشوارع وأيدوني وانا لو عملت إيه، إيه رايك في التكلفة اللي كلفتهالك دي وخليتك عملت مؤتمر بمئات الملايين؟ ولسه هي الجيم خلصت؟”.
وتوعد علي قائلاً: “أنا عارف إنك راجل كبير ويمكن ما توعاش على ده، فيه حاجة اسمها بلاي ستيشن، البلاي ستيشن دي فيها جيم استراتيجي، بتبقى عبارة عن مراحل مافيش حاجة بتبقى في يوم وليلة، هاجهدك وهاجهد الداخلية وهاجهد الجيش”.
ثم وجّه رسالته لوزير الدفاع: “بعت رسالة لوزير الدفاع وما استجبش، ما انت شكلك برضه بتخاف منه، هاتعمل إيه أكل العيش مر، انتصار لا مؤاخذة نوقفك قدامها انتباه وحياة ولادي مع إنك وزير الدفاع”.
وكرّر تهديده مرة أخرى: “أنا مبسوط النهاردة إن فيه ناس أيدتني، وأنا قدامك يا عبد الفتاح يا سيسي، أنا هاروقك، أنا هاخليك لا تنام لا ليل ولا نهار”.
ثم وجه رسالة إلى أفراد الشرطة: “إنتم بتحموا أسيادكم مش بتحموا الشعب انتم جبناء، يعني إنتم شايفين الرئيس بتاعكم جبان يا جبناء، مش قادرين تقفوا قصاده ولو لمرة واحدة؟”.
وكرر الشكر للشعب المصري على النزول، مؤكداً أن “الجيم” لم ينته وأعاد السخرية من مشهد استقبال بعض أفراد الشعب المصطنع عند وصول السيسي إلى مطار القاهرة صباح اليوم عائداً من نيويورك.
وعاد للتوعد قائلاً: “أنا لسه هاربيلك الرعب ياريس، هاتشغل الداخلية 24 ساعة، وهاتشغل الجيش 24 ساعة، محمود (في إشارة إلى نجل الرئيس محمود والذي وصل لمنصب نائب رئيس المخابرات) مش هاينام لازم يحمي الكرسي بتاعه”.
العربي الجديد
