فيسبوكمدارات

عمسيب: بلد حاكمها موظف أممي متوسط الامكانيات معاهم عسكري غير منضبط والتاني مدني لم يتلقى تدريب عسكري

2019/10/25
16
عبد الرحمن عمسيب

ليه انتو قافلين نفسكم على خيارات كلها سيئة لمن يرتبط الموضوع بحكم السودان ؟
ليه نحن نرهن نفسنا لخدم الأستعمار الجديد .. واشباه العسكريين ؟

جزء من لعبة الهيمنة الشغالة في البلد الأسمو السودان ده التخيير بين كيانات واحد بيدعى أنو بيمثل الشعب والثاني بيدعى أنو بيمثل شعوب الأطراف والثالث بيدعى أنو بيمثل الدولة بمؤسساتها و على رأسها الجيش ..

والثلاثة كيانات ما بتملك مشروعية ومعزولة عن قواعدها ومستقوية بالخارج .. وممكن لو قعدنا ليها واحد واحد نشرح بالتفصيل كيف أنها كيانات ورقية ساكت ..

ملف أمن قومي واحد زي ملف الأمن المائي وسد النهضة .. هم عاجزين كليآ عن التعامل معاه .. بلد حاكمها موظف أممي متوسط الأمكانيات معاهم عسكري غير منضبط قال بلسانو أنو شارك في أنقلابين ورصيده بلا أنتصارات عسكرية .. والتاني مدني لم يتلقى تدريب عسكري ويزين أكتافه بأرفع الرتب المتاحة في الجيش ..
ويقول ليك مدني رجع الشيك و فرتكانة فتحت بلاغ .. وكلام كلو فارغ ساكت ..

يقول ليك حماية الثورة من الثورة المضادة !
هسع في ثورة مضادة غيركم !
ناس مطلبها عدالة أجتماعية وأكل و شراب .. تعملوها لي سيداو والمريسة و “الكورعين ” وبلاغات و شيكات ..الخ

هو أختطاف الحراكات الجماهيرية شنو غير أنك تحرفها عن مسارها وتوظفها لتحقيق أجندتك أنت .. نخبة مشاكلها كلها أنو لمن تعمل لياليها الحمراء ما تداهمهم شرطة النظام العام والواحد لمن يجى مترنح أخر الليل ما يرفعوه ناس السواري .. الخ .. وهي دي الأن أولويات الحكومة ..

تقوم قوات الدعم السريع بحراسة أمن وسلامة الشق المدني في المجلس السيادي وحكومة حمدوك ..
يقولون لك أنهم “قتلة “ومليشيات” ..الخ ثم يأتمنونهم على أرواحهم .. يا أراذل الناس ..

عبد الرحمن عمسيب

مواضيع مهمة

ركوب الخيل لا يناسب الجميع؟     أيهما أصعب تربية الأولاد أم البنات؟      جسر الأسنان

هل تعقيم اليدين مفيد؟              الكركم والالتهابات             أفضل زيوت ترطيب البشرة

2019/10/25
16

‫16 تعليقات

  1. يا عمسيب اذا حمدوك موظف اممى بامكانيات متوسطة كيف قدر يتحصل على وظائف فى مواقع رفيعة فى منافسات دولية!! كلامك ده ما منظقى , وما تقول لى بواسطة لان الرجل عصامى ومن أسرة سودانية متوسطة الحال, يا عمسيب المناصب و الوظائف التى كان يشغلها والتى تخلى عنها من ناحية دخل و امتيازات منصب رئيس وزراء فى السودان لا يسوى ربعها, الرجل ضحى بكل ذلك فقط لخدمة وطنه و أتى بشعور وطنى خالص ليسهم فى المساعدة فى بناء دولة من جديد دمرت تماما , وأنت وأمثالك تكتبون عنه بسخرية و احتقار هذه ليست من شيم الاخلاق السودانية الاصيلة,

  3. و الله يا عمسيب انت زعلان شديد و لكن لك حق ..حال البلد يزعل العدو

  4. لو عندك حل قولوا لينا يا عمسيب بدل ما تشكك الناس فى كل شئ يعنى السودان بكلامك ده عليه العوض يعنى مافى ولا شخصية واحدة محترمة تستحق الثقة من هذا الشعب المنكوب ؟! كلهم مرتهنين بالخارج وعملاء واصحاب مصالح حزبية ضيقة وشخصية وعائلية الخ..اذا حكامنا ومسؤولينا يسهل شراءهم بالمال السياسي من الخارج والداخل تبقى دى مصيبة ما ليها حل ﻷن الشخصية السودانية تتغير بالسلطة بشكل غريب وتصبح قابلة للفساد والنسبة عالية جدا لﻷسف وكأن المسؤول يعتبر نفسه اجنبي يضرب ضربته ويهرب خارج البلاد يتمتع بما اختلسه من اموأل والسودان ده طز فيهو..فى مثل انجليزى بيقول اخر ملاذ للنذل هو ادعاء الوطنية.. ونحن لﻷسف ادعياء الوطنية والتدين عندنا منه فائض للتصدير..

  5. يعنى تعليقى كان احر من كلام عمسيب ده عشان تحذفوه يا ناس النيلين؟!

  6. والله انت غريب جدا يا عرصيب??
    قلت لي حَمَدوك امكانياتو متوسطه ؟؟؟؟
    طيب سيدك عبد الرحيم محمد حسين كانت
    امكانياتو كيف ???
    انت يا عرصيب شغال تسفيه وتخذيل وانتقاد
    ساااااي بدون ما تجيب اَي فكره او مقترح معين
    من عندك للمشكله البتنبح فيها
    واضح جدا الغرض في كتاباتك
    عيب عيب ياعرصيب

  8. طيب البشير ما كان عسكري و النميري عسكري و و حتي الجزولي دفع الله دكتور ، صعب جدا تجد شخص خريج علوم سياسيه يحكم بلد حتي ترامب رجل أعمال المهم الصدق و الأمانة و الدولة يديرها الشعب مع الرئيس فساد الرئيس من فساد الناس الحوله و العكس .

  9. الحل في الخل
    تغيير جديد بهدوء مع مشاركه الجزء الواقف مع الإسلام من المجلس العسكري بمسانده روسيه صينيه…وبعد النجاح وفرح كل الشعب و المحاكمه الكبيره

  11. يعنى عمر البشكير كان خبير فى الذرة ولا ماخد جائزة نوبل للاداب؟؟

    ما عسكرى سقط فى الشهادة السودانية شاف واسطة دخل الكلية الحربية– عمل ماجستير مخجوج زى زى حق الفاتح عز الدين

    بعد مابقى تيس فى السودان ورئيس لل الكيزان

  12. كدي خلينا من حمدوك انت البتنتقد مؤهلاتك شنو؟ وبتساوي مع حمدوك شنو؟ ياااخ خلي النفخة بتاعت الكيزان الجبانة دي وم يحرشوك وتجي تتكلم بدون علم،،، اذا حمدوك تقلد منسك في الامم المتحدة وانت تعرف المعاينات كيف تقيم في الامم المتحدة والا انت اصلا مجربت تدخل نفسك لانك م تقدر تركب جملة بالانجليزي ياعرص

  13. اذا كان مسكوها الإسلاميين 30 سنة وغشونا باسم الدين والشعارات الدينية الزائفة وحكموها العسكر وكان اشد كفرا ونفاقا من الاسلامين انتا عاوز شنو يااخي امسكها انتا وريحنا الموظف الاممي دا بتتكلم عنو نحن بندعمو لاخر نفس لانو ما تاجر دين زي الناس بتنتمي ليهم انتا وزول ما سك ليهو 5شهور وكزانك دمروا البلد ونحنا بنصبر معاه للنهاية لو عندك حاجة كويسه قولها ولو ما عندك اسكت أخير ليك

  14. وضع السودان غير مطمْئن وحتى الآن ما في زول فاهم الحاصل شنو. الناس منقسمين بين متشائم ومتفائل … وكله بالتخمين بس.

  16. موظف اممي يحاكم فى من سرق البلد ويسلم رئيسك للمحكمة الاممية شفت كيف