جرائم وحوادثمدارات

شاهد: مواطنون يتعرضون لحوادث (قُطاع طرق) ليلاً بكباري وشوارع الخرطوم


أفاد عدد من المواطنين من سكان ولاية الخرطوم، بتعرضهم لمحاولات تعطيلهم ونهبهم من قبل قُطاع طرق بأحد كباري وشوارع العاصمة الخرطوم، ليل السبت، بحسب ما نقلت (كوش نيوز).

وكتب ( أبوبكر محمد علي) بإحدى قروبات مواقع التواصل عن حادث مؤسف حدث معه ليل السبت قائلا: السلام عليكم يا جماعة الناس تعمل حسابها من كبرى سوبا بالليل.

البارحة وانا راجع بيهو كنت ماشي في أمان الله فجأة وانا نازل من الكبرى بسرعة القى حاجز عبارة عن لستك شاحنة في منتصف الشارع ربنا ستر، وانعطفت من اللستك، لقيت شماسة طلعوا من تحت الكبرى واحد فيهم رمى حجر في الزجاج الضربة جات ف الكبوت والقزاز والصور بتوريك حجم الحجر قدر شنو المهم بعد الحجر ما وقفتا ليهم لانو ما شايل معاى ولا حتى سكين لو اضطريت تجى بهناك يا ليت تعملوا حسابكم او شيل معاك اى سلاح.

فيما افادت (ناريمان فضل) عن تعرضها لمحاولة نهب مشابهة، ليل السبت في تقاطع شارع الهواء مع الازهري بالخرطوم، 3 رباطه مسلحين واقفين في منتصف الزلط، لمن انا عكست الشارع ومشيت بالمسار التاني.

وأدلى مواطن آخر: نحن برضو حصلت لنا في شارع الهواء ليلا القزاز الخلف مرفوع من شدة الحجر الاتجدع فيهو حسينا بيها طلقة، العربية فقدت التوازن كانت حتنقلب لأننا كنا ماشين بسرعه ربنا قدر ولطف.

وشاهد عدد من المارة قبل أيام بشارع الهوا بالخرطوم، وجود حواجز في فترة مبكرة من الصباح أثناء ذهابهم للعمل، بفعل قطاع الطرق الذين استخدموها في الغالب ليلا.

وناشد المواطنون السلطات الأمنية بتكثيف دورياتها وارتكازاتها ليلاً في هذه الشوارع التي أصبحت مقصداً للمجرمين، خاصة مع تنامي الظاهرة وتهديد حياة المواطنين.
الخرطوم (كوش نيوز)

تعليقات فيسبوك


‫10 تعليقات

  1. شكرا حمدوووووك
    شكرا برهان
    شكرا حمدتي

    البلد انتهت من كلو
    لا اكل رخيص لاعيش لا أمن
    ٣٠ سنه كلام زي ده مافي
    الشعب بقي جعااااان ومافي امان

  2. اسمع ياهجوم كاسح
    دي نفس الحركات السقطت بيها الجبهه الاسلامية الحكم الديمقراطي في 89
    بس اقول ليك حاجه ياهجوم كاسح قصة انكم ترجعوا تاني دي ولاواحد في الالف ممكن تحصل
    البلد دي يامشت قدام زي بلدان العالم وانتو اتحاسبتوا ورضيتوا بالتغيير
    يااما انقسمت لطرشميه بلد وحروب اهليه لاحد لها
    والخياار لكم

  3. هذة هي حكومة المتسكعين والسكاري فهي تدعمهم وتشجعهم حكومة برئاسة دسيس با مان ونائبة مبارك اردول ماذا ترجون منها مع إحترامي وحبي لأهلي في الجبال ومنهم البروفات ولكن لماذا هذا الجاهل هم يعرفو اكتر منى ماذا تنظرون من القحاطة وهم مخدراتية وسكرجية وغير فاسدين هم ملائكة الأرض دسيس يا مان كيس واحد بلد واحد شعارات الااتسام يقصد الإعتصام

  4. الوجود الاجنبي بقي خطر مباشر علي أمن المواطن والبلد بعد كده الكشات تشغل وكل قرد يرجع لشجرتو

  5. عندما تتحول عصابات النيقرز الى ما يعرف بلجان المقاومة فهذه هي النتيجة الطبيعة

  6. الموضوع بسيط مفترض هيبة رجال الامن ومعروف عالميا دائما الشوارع الخارجية مربوطة بكاميرات مراقبة إضافة الى تواجد رجال الشرطة على مدار الساعة..الا إذا وزير الداخلية ان لا يعلم أن الشوارع الرئيسية تكون دائما مراقب وهذه تكون مصببة..ربما يكون هناك حادث او تعطل سيارة لازم يكون هناك اسعاف امني والا كيف ياوزير الداخلية ويا مدير الشرطة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *