النيلين
مدارات منوعات

بالصور.. قصته أشعلت السوشيال ميديا.. شاب سوداني يحارب غلاء المهور في بلاده..يهاجر لأوروبا ويتزوج من حسناء سويدية ويعود بها لأرض الوطن


نجح شاب سوداني في وضع قصة كفاحه كعنوان بارز على السوشيال ميديا في السودان, وذلك بعد إقدامه على الهجرة لأوروبا وتحديداً دولة السويد التي تقع شمال قارة أوروبا.

وبحسب متابعات محرر موقع النيلين للقصة المتداولة بشكل كبير على السوشيال ميديا فإن الشاب السوداني “فيصل” كان قد كافح من أجل الهجرة, وبعد سنوات من دخوله للسويد نجح في الزواج من حسناء سويدية الجنسية.

فيصل لم ينسى وطنه حيث عاد مرة أخرى للسودان وهذه المرة رفقة زوجته السويدية التي جهز له رحلة سياحية لمناطق سودانية جميلة حسبما أكد ناشطون قاموا بنشر قصته بالصور.

وأرجع ناشطون بارزون على مواقع التواصل الاجتماعي سبب زواج الشاب السوداني من فتاة أوروبية إلى غلاء المهور الواضج بالسودان وعدد هؤلاء الغلاء في (الشيلة والمال والذهب والحفلات والصالات) وهي عادات غير موجودة عند الغرب.

ووفقاً لمتابعات محرر موقع النيلين فقد وضع متداولوا الصور والقصة على السوشيال ميديا هاشتاق (كن_مثل_فيصل) في إشارة لمحاربة غلاء المهور بالسودان.

محمد عثمان _ الخرطوم

النيلين

تعليقات فيسبوك
شارك الموضوع :


9 تعليقات

جميل بثينة 2020/02/16 at 10:22 م

لا توجد فرص للعمل والسكن وهذا هو سبب ابتعاد الشباب من الزواج لذلك كان البديل الهجرة وكثير من
الشباب هاجر ورجع اتزوج من السودان لكن لو مشيى اوروبا احسن يتزوج من هناك لكن غلاء المهور
والكلام الفارغ ده مافى زول شغال وعندو سكن مشي تقدم لبنت واهلها رفضوا الاحوال تغيرت ايام
الضيق والفلس وايام بنى كوز كل الشعب فقير الا بنى كوز ومن تابعهم

رد
sawah sudani 2020/02/16 at 10:33 م

الله يرحم السودان اى واحد صائع اتخارج تهريب اروبا أو أمريكا أو استراليا أو كندا و أمريكا أول همه يكون عاهره و مدمنة مخدرات و محتاله و المحظوظ فيهم بقع في واحده تتبع للمخابرات جاسوسه يعني و عميله أو واحده تتبع لمافيا المخدرات و الدعارة.
و الزواج من اى اروبية يكون مبني على المصالح متى ما انتهت انتهت حتى اذا استمر 20 عاما و لا يوجد سوداني واحد مما أعرف كان سعيدا بزواجه أو مرتاح البال أو مستقر نفسيا و عقليا مع اروبيه و يستحيل أن تجد اروبية مخلصه لاجنبي مهما كان مركزه و حالته المادية لأن نظرتها له في نهايه المطاف أجنبي تربطها به مصلحه.اطول فترة زواج تنتهي بعد بلوغ الطفل لسن ال 5 أو 9 سنوات و اطولها لوصول الطفل عمر ال 13 أو 17عاما و غالبية فترة الحياة الزوحيه خلافات و مشاكل و ابتعاد الطرفين عن بعضهما البعض لشهور و سنين قبل الانفصال.
علما بانهن لا يتخلين عن طريق حياتهن المتحررة من لبس و عهر و سكر و مخدرات و ملاهي و حفلات و غيره من المنكرات و عادى جدى الواحده تترك زوحها في البيت مع الاطفال و تطلع مع عشيقه أو تتفق مع صديقتها على …. و الباقي معروف ….

رد
abuahmed 2020/02/17 at 12:43 م

دا التفكير السيء انت بتفكر بيهو واسلوبك كعب في الحديث بالنسبة للصياعة موجودة في بلدك اسال عصابة النقرز عنهم وما كل النساء الغربيات صائعات وبتاعات كحول ودعارة اتقى الله في أسلوب كلامك انا بعرف واحد سافر هولندا اتزوج هولندية قبل 12 سنة واسلمت وجاب منها ولدين ماشاء الله اكبر اولادوا عمرو 11 سنة وحفظ 6 أجزاء من كتاب الله انا بكتب الكلام دا ماحفظ 6 أجزاء واخوه الصغير ماشي في نفس الطريق ومشو مكة عمرو وزوجته محجبة وشها ما بتشوفو واولادوا الصلوات الخمس في المسجد يامعلم الحكاية دي بتعتمد على شخصية الراجل اعدل كلامك كويس والراجل الطرطور هو بالقول الكلام دا

رد
عبدالوهاب البوب 2020/02/17 at 5:14 ص

الجواز يعمل اكتر من كدا….
للحصول علي الجواز او الاقامه الدايمه لازم تشوف ليك واح او واحدة من السكان الاصليين…..
خلونا من حنك المهر و الشياه و الخارم بارم…
نفس تكاليف ال عرس الاجنبي تعادل تكاليف العرس السوداني…
ناس وهم

رد
ابوعبدالله 2020/02/17 at 11:42 ص

طيب ما الجنسية يستاهل يتزوجوا ليها اوربية كان اتزوجت سودانية بيدوك جنسية امريكية ولا سويدية روح اتزوج والله السودانية افضل من الف اوربية لكن ميزات الاوربية في الحلاوة والجنسية يعني ثلاثة في واحد افضل من واحد في واحد ههههه طبعا اذا مسلمة او بنية تدخلها الاسلام

أغلى تكاليف للزواج السودانية في العااااااااااالم

رد
ابوحمزة 2020/02/18 at 8:33 ص

يااخ جميل بثينة … لك تحياتي … مافى زول فى السودان يقدر ينكر ان تكاليف الزواج فى السودان عالي جدا جدا وباهظ كمان وكله بسبب الناس انفسهم … الناس مادايرة تبسط الزواج عشان الشباب يتزوجو مع وجود عدد مهول من العانسات (البيوت مليانة والمكاتب مليانة) ورغم العنوسة دى تعال شوف لما الشاب يجي يتقدم تعال شوف البوبار والطقوس التي ماانزل الله من سلطان وكلنا عايشين فى البلد وشايفين الحاصل شنو … صدقني ياجميل الاسبوع دا فى واحد قريبنا اتزوج بنت عمه هل تتخيل انهم عملوا 3 مناسبات بدل مناسبة واحدة ؟ العقد فى البيت وحنة العروس (البلوة) فى صالة والعرس تاني يوم فى صالة اخري … وهم (الاسرتين) يادوب رزق اليوم ياليوم … انا بضرب ليك مثل بس وما تقول هذه حالة خاصة وليس بمعيار … لا والله ياجميل غالبية الناس للاسف اصبحوا بالصورة دي والعروس وامها للاسف اصبح عندهم الصالات دي واجبة وفرض عين واعرف كثير كثيييير فرتقوا عرسهم بعدم مقدرة العريس للصالة … يعني بإختصار الاسرتين يطلعوا من العرس وهم مثقلين بالديون ويقعدوا يسددوا فيها سنين… وهذه الطقوس العجيبة والمرهقة هي التي تدفع الشباب للزواج من اجنبيات … والمؤسف ان السودانية التي تتزوج الاجنبي اسرتها تجبر العريس الاجنبي الإلتزام بهذه الطقوس المرهقة … انا لا اؤيد الزواج من اجنبية لان بنت بلدي هي الاولي وهي لا ينقصها شىء من العلم والجمال والفهم والادب ولكن للاسف عندما تجي للزواج تنزل عند رأي الاسرة وتفسد علي نفسها وعلي وزوجها

رد
جملون 2020/02/18 at 11:41 ص

يا جماعه المهور ليست بغاليه والموضوع ليس في المهور المشكله في
الصالات واطعام الاف العاطلين
تصوير اوت وان دور
الكوشه والاضاءه

رد
الكوشى 2020/02/18 at 5:02 م

عاد مرة أخرى للسودان وهذه المرة رفقة زوجته السويدية التي جهز* له *رحلة سياحية لمناطق سودانية

والصحيح جهز ***لها*** ده عربى دسيس مان كنداكة جاء بوليس جرى

رد
الانصرافى 2020/02/19 at 6:16 ص

تزوجت مغربية لما جبتها لاروبا وسلمتها اقامة مؤقتة هربت وتركتنى ، فهدفها ما كان زواج ، هدفها فقط ان تصل لاروبا ،
الاروبية لا تخادع ، فاحذروا زواج المغربيات والتونسيات والجزائريات ياشباب السودان لان هذا الاالموضوع متكرر كتير فى اروبا

رد

اترك تعليقا