أخرج متصل سوداني خلال برنامج الصباح على فضائية النيل الأزرق مقدمة البرنامج بسمات عثمان عن طورها وذلك على خلفية اتهامه لأخبار التي تزيد من الطاقة السلبية على حد تعبيره.
وبحسب ما شاهد محرر موقع النيلين فإن هجوم المتصل “صلاح” لم يعجب مقدمة البرنامج وهو ما دفعها للرد عليه بطريقة “الردح” حسبما أسماه متداولوا المقطع على السوشيال ميديا.
بسمات عثمان ردت على المتصل على الرغم من تدخل عمل البرنامج من خلف الكواليس والذين طالبوها بالتوقف على الرد على المتصل لكنها واصلت الرد والتبرير على المتصل.
وقالت نجمة النيل الأزرق في ردها: (أنا لا أكتب أخبار الصحف حتى تقدم لي هذه الإتهامات, وأجيب ليك أخبار مفرحة من وين حبيبي أنا).
وواصلت بحسب متابعات محرر موقع النيلين: (يا ولدي أنا أجيب عناوين صحف من وين, وتابعت في مثل بقول المحرش ما بكاتل وإذا بتتهمني إني مندسة أحب أوضح ليك أنا زولة واضحة وفارسة جداً وعندي واحد زايد واحد يساوي اتنين).
وختمت بسمات حديثها وردودها على المتصل: (على العموم تغاضى عن يومي وما تحضره وانتهينا).
محمد عثمان _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
من حقها أن ترد عليه بهذه الطريقة لأن سؤاله غريب وعجيب … المذيعة ليس ذنبها بأن كل الأخبار غير مُفرحه … هي تقرأ ما يأتى من أخبار فى الصحف وفقط … وما كان يجب على المُتصل أن يستفزها … والله تلك المذيعة أُتابعها فى قناة النيل الأزرق وبالذات ألــBN FM الصباحى وهي أكثر مذيعات النيل الأزرق تهذيباً وأخلاقاً وليس فيها ما يُعيبها إلا أن يكون البعض يستهدفها من غير وجه حق .
ما عنده موضوع شكله احب شكلك ويبقى تكوني اطول فترة في الشاشة احييك اختي الفاضل وفيتي وكفيتي ..ما عليك منه شكله زهجان المرة مطالبه بقفةالملاح
حقيقة اول مرة اتفاعل مع مذيعة لاني رايت فيك البساطة والطيبة والذوق والجمال ….واللباقة
طبعًا المحبط ردك وخاصة الحته : (على العموم تغاضى عن يومي وما تحضره
دي المهنية فيها صفرًا كبيرًا لم تتوفقي في إدارة النقاش والمتصل كان هادئ
ومهذب و الغريب تغير الصوت والأغنية دخلت عليها كانو النقاش الحار
كان رمية بالتوفيق في الجايات.
حتى لو كان السؤال غير مناسب فهناك اكثر من طريقة واسلوب للرد بصورة لائقة ومحترمة
طيب ما كلاما ظابط وميه ميه
بلا ردحي بلا…….. معاكم
الشفع والقطيع ده داير دق صااااااح
كرهوووونا العواره والعباطه
ولازم القطيع افهم اغلب الناس ما كيزاااان
وكارهاكم وحكومتكم اكتر من الكيزان مليار مره
أو وووووووووو لكم
احييك على لباقتك واصرارك على الرد على حثالة المجتمع .
تاني حاجه بالجد تجيبي خبر مفرح من وين والشيوعية والمرتزقة دمرو البلد اكتر من دمار الكيزان الله ينتقم منهم كلهم كيزان والحكومه الحالية حكومة الجوع الله يجوعهم ويعزبهم زي ماعزبونا .
رد المزيعة غير لائق مهما كان تصرف المتصل هو في الاخر واحد من آلاف المشاهدين ففيهم الطالح والكويس اذن مطلوب من مقدم البرنامج ان تستوعب كل العقول وكل المستويات مالكم كيف تحكمون
المتصل دا شكلو ما عندو موضوع و داير اخلق موضوع في الفاضي و عرف اخلق الموضوع دا كيف ، المذيعه اعتبرت اتهامو ليها اتهام شخصي و دافعت عن نفسها و دا حقها و الله، بس كان ممكن تدافع عن نفسها بي لباقه اكتر من كدا، اكتر حاجه زابطه لمن غيرت نبرة صوتها ?
Merooo majike
ماعندو موضوع … الاخبار بقى عندها مليون مصدر .. بالله هسه ( غير زول عاطل ماعندو شغله ولا رمتالى ) القاعد يرجى ليهو برنامج فى تلفزيون عشان يشوف ليهو اخبار جرايد بايته وقديمة ولا اخبار اتجاوزتها الاخبار واتجددت .. …. لا ولمن يشوف اخبار يشوفها في قنوات سودانية ..
ده رمتالى قاعد مكسر قدام التلفزيون وداير ليهو معاك موضوع وانتى اديتيهو الدايرو … والمخرج غلطان بسال فيك لى شنو cut يامعلم .. مهنية للمهنيين … ده شن عرفو بالمهنية قال ليها ان ملاحظ انك انتى بالذااااات .. يعنى مركز معاك يابتنا .. وبعدين تبررى ليهو لى شنو .. مندسه ولا منجحره كل زول حر ( حريييييييييييييييييييييييييه ) … ده مش شعار …
قديتونا الكيزان الكيزان الكيزان … الكيزان الناس كرهتهم عشان اخلاقهم … لكن غالبية الناس الما كيزان.. اخلاقهم اخلاق كيزان … واى واحد يلقى ليهو فرقه في اى حاجه حرام على بالقسم يقشها ويجى يتفاخر … نظام شوفونى تفتيحه وكده .. اى زول عشان يكسب تعاطف الناس الحولينو .. ويحاول يفحمك في لاموضوعو طوالى يزلق ليك كوز ومندس وخبوب
الأخبار المفرحة بلقاها ااااااولد في قناة اسمها ( الشاشة الغشاشة ) اخبارهم ظابته لمن بى هناك ومفرحين جدا .. وجدولتهم كالاتى : 63 ثانية في الدقيقه و400 دقيقه في الساعة و 29 ساعة في اليوم .. و13 يوم في الأسبوع و34 يوم في الشهر و368 يوم في السنة مفرحين .. انته بس امشى لى ماما خليها تجهز ليك 6 كرتونات اندومى و23 كرتونة كروت رصيد عشان النت ( للوطسبه والفسكبه والتوتره وكده ) وشوف ليك كم فرده من رمتالتك … والله يعين اهلك على العلف البدون حتى رطل لبن ..
أولا: اتغاضى عن يومي وما تحضروا دي لغة اعلام ولا لغة شارع؟
ثانياً : المذيعة تفتقد للذكاء فقد تمترست بصورة شخصية ولم تحاول أن تغوص في فكر المتصل ، لأن هناك فرق بين الخبر في حد ذاته ، وطريقة قراءتك له ونبرة وجهك المؤيدة له او المحايدة تجاهه
هههههههها إتغاضى عن يومي ما تحضرو!!!!رد يفتقر للحصافة والذكاء!!!! مذيعة الBBC ومن داخل الاستوديو،،،ضيفها قال لها إنت قبيحة!! فقالت له شكرآ لكل إناء بما فيه ينضح إذهب الزمن إنتهى!!!! فهى مؤهلة للتجاوب مع كل الناس (دورات تدريبية مهارية فى كيفية التعامل مع الآخرين والتواصل الفعال) فلو كنتي يا بسمات بالاستديو ومعكى هذا الشخص لكان الوضع (أمسك الزولة من الزول) فبإختصار دا وضعنا في السودان، ،،، الأسد النتر وتمساح يا عشارى والبنية التشق الظلام ضبلانة شايلة السيف،،، و جاية من فوق البنية،،،، فى النهاية لا يهمك شيء أنت سودانية و ليس لبنانية
ياخي انتي عسل والله.
المشكله وانا واحد من هذا الشعب الناس ركبة موجة مدنياااو وبقوا يشطحوا كل علي هواه
ياامه ارحمونا شويه فلقتوا راسنا الراجل عكليت وبايخ وممل جد. اعك في الكلام يمين وشمال. والموضه الجديده انت كوز وانتي كوزه الكوز الاطقوكم بيهو في راسكم الكبير ده.