اقتصاد وأعمال
الدعم السريع تجفف تجار العملة وحميدتي يسلم المركزي 170 مليون دولار
قالت مصادر إن قوات تتبع للدعم السريع شنت حملات واسعة على تجار العملة بالسوق الموازي في أسواق العاصمة الخرطوم،مما ساهم في اختفاء “السريحة” من الشوارع العامة.
في وقت أفادت فيه معلومات بحسب صحيفة السوداني الدولية، أن قائد قوات الدعم السريع النائب الأول لرئيس مجلس السيادة رئيس الآلية الاقتصادية العليا الفريق أول محمد حمدان دقلو “حميدتي”، سلَّم بنك السودان المركزي 170 مليون دولار لزيادة الاحتياطي النقدي بالبنك.
وشهدت أسواق العملة تذبذباً في الأسعار عقب الحملات الأمنية، وسجل الجنيه السوداني 118 جنيهاً في مقابل الدولار.
الخرطوم: (كوش نيوز)
ناس الدعم السريع البقبضهم منو في تجارة الدهب و العملة.. البشير حاكمتوهو في مذا مليون وراكم صرفها بالقرش و المليم و ده بيتصرف في المليارات على عينك يا تاجر و لا قولة بغم.
عالم جبانات و الظلم ظلمات.
السؤال هو من أين أتى حميدتى بمثل هذا المبلغ المهول ( 170 مليون دولار ) والذى قام بتوريده للبنك المركزى ومثل هذا المبلغ لا تملكه حتى حكومة السودان نفسها … إذ كيف لقائد وحدة من وحدات الجيش وكما يُقال والذى هو مثله مثل قائد القوات البرية وقائد القوات الجوية وقائد القوات البحرية وهي أفرع الجيش الرئيسية مثلها مثل قوات الدعم السريع والتى يقول البرهان أنها تابعة للجيش وتحت إمرته … الفريق البرهان وهو رأس الدولة والقائد العام للقوات المسلحة والتى ضمنها قوات الدعم السريع كما يقولون لا يملك ولا مجرد دولار واحد فى جيبه بينما من يعمل تحت أُمرته وهو حميدتى يمتلك مئات الملايين من الدولارات … الرئيس البشير تمت محاكمته وهو رئيس الدولة بتهمة حيازة عملة أجنبية بمبلغ 25 مليون دولار ومصدرها معروف وهو السعودية والأمير محمد بن سلمان وتمت جرجرته للمحاكم بينما تسكت الحكومة ورئيسها حمدوك وقائد حميدتى المُباشر وهو البرهان وتسكت النيابة العامة عن سؤال حميدتى من أين له هذا !!!…
أول حاجة يجفف نفسه
جاب العملة بياتو وسيلة
يجفف نفسه أولا
جاب الدولارات من وين و بياتو وسيلة ؟
حميدتي جاب 170 دولار من وين قبل سنوات قليلة كان لابس كدمولو و الضبان راكي في وشو
الشغلانة دي بقت مدغمسة زي زمان
مدنية يعني لا يوجد مواطن فوق القانون
جبت القروش دي من وين يا حميدتي مفروض ييسأل و يحاكم بالغانوووون
و شركة الفاخر الظهرت فجأة دي شنو
هل قمنا بالثورة لنستبدل كرتي و المتعافي و الخضر بحميدتي و نستبدل ابان دقون بابان كدمولات
على كدة احسن الكيزان على الاقل عصابة مشكلة و ليست عصابة من قبيلة واحدة
اها .. والكوة متين !!!
اول مره اشوف لى بلد مواطن فيها يكون هو البنك المركزى
أبونا حميدتي… ما عاجبكم شيء كل من يمد يده للمساعدة وخاصة الجانب العسكري ودول الخليج الناس تنقنق.. بالله فكونا من الفارغة وأوهامكم العايشنها دي…
الدولار طاير وكل شيء طاير معاهو.. بنك السودان مفلس لا يملك 28 مليون دولار…
حكومة معظم وزراءها ما فاهمين حاجة..
كثيرين يتاجرو في الذهب ليه ما يساعدوا الحكومة لأنهم أنانيين.
عشت يا حميدتي حتى لو نهبت مالنا لأنو لمن نضيق الشعب ما يلقى غيرك..
والحكم المدني لو ما الله سبحانه ثم دعم حميدتي يكون في خيالكم..
عالم ما تعرف غير الحقد والانانيه لا يساعدوا ولا يخلوا حد يساعد..
مدنياااااااو وبرضو تسلم أيها القائد العظيم أقصد أخونا وأبونا حمييييدتي…