فيسبوكمدارات

وزير الصحة يقول نحن قدرنا على البشير.. وحا نقدر على الكورونا وصحفي يدخله في فتيل


هههههه وزير الصحة دا أنا ما عارف شغله، لكن تسمع نضمه ما عندو علاقة بالتكنوقراط، وكلامه كلو سياسي، وفي السياسي كتر، أمس في المؤتمر الصحفي قال:
“نحن قدرنا على البشير ما حا نقدر على الكورونا”
بعد شوية صحفي سألو عن استعدادات الخريف، قال:
” نحن ان شاء الله حانكون جاهزين للخريف لو الدولة العميقة ما اتدخلت”

سامح

تعليقات فيسبوك


‫15 تعليقات

  1. ياسيادة الوزير روح علي المستشفيات في اي ولاية عبارة عن ساحة خردة .
    وبعدين هو الشعب لسه بيموت من الملاريا .والسل .تقول حتقدر علي covid-19
    لا انتا مش في وعيك ياوزير

  2. لو الدولة العميقة قادرة تحل مشاكل البلد ما كان اسقطوهم الناس وجابوك تحل انت ….لو خليتو شماعة الدولة العميقة وواجهتوا مشاكل البلد بشجاعة بتمشوا لقدام ولو غلبتكم الشماعة مواعيدها انتهت انتبهوا

  3. كل مؤهلاتو إنو شيوعي أبا عن أم عن جد وأبوهو وامه وزرا سابقين يعني ما بروليتاريا.
    الفشل تتحمله قحت وخصوصا الحزب الشيوعي.
    إنتو ما قدرتو على البشير و30 سنة قوش راكبكم لكن الشعب الغير منتمي هو القدر على البشير وانتو سرقتو الثورة وأرهبتو الرأي العام المخالف لكم والنتيجة فشل وسقوط سياسي لا محالة على يد نفس الشعب.

  4. الدولة العميقة شالت مجاري الخريف دستا في بيوتا ولا شالت نظركم ..اظنها شالت البصيرة وخلتكم ما شايفين مصيبة في الدنيا الا الدولة العميقة ووالله مصيبتنا فيكم كبيرة

  5. يا سلام سمعنا مؤتمر السيد وزير المواصلات و وزير المالية كانوا عمليين اكثر لكن للاسف وزير الصحة لم يكن مهنيا بقدر ما كان كلامه سياسي ..
    كان يفترض ان يكون اكثرهم مهنية فى ظل الظروف الحالية ..

  6. البشير ما شلتوا انتم…
    البشير شالوا ناس الجيش والأمن..
    ايام الاعتصام ماقدرتوا تقلبو الحكومة
    وتأتي حاجة الكوليرا ما قدرت ا عليها
    وشاحد الله كورونا تجي لي مسؤل عشان نشوف التدابير ح تعملوا فيها شنو

  7. والله ما قتدرت أنت ولا أحد من جماعتك

    الله وحده قدر للشعب أن ينتصر ، ولا ننسى الباصات المرسومة بدقة

    بالذات أنت يا حنكشة يا طائفة ” مامي” هل بمقورك أن تفعل ذلك ؟

    شاءت الأقدار أن نبتلى بمثل هؤلاء…فصبرٌ جميل

  8. والله البشير اشرف من انْ تتكلم فيه.

    ولو لا أن الله قضى بنهاية حكمه فلن تستطيع اسقاطه يا هذا ، كما أن الله لطف به ونشله من اناس يجحدون ويكفرون العشير ( الما بيشكر بالقليل ما بيشكر بالكثير ) ، وحمداً لله الذي بيّن للناس والشعب أن هولاء القحاته الفشلة هو من عول عليهم في اصلاح حال البلد.

    وسيعلم الناس بعد حين أن البشير أعظم وانظف واطهر من حكم السودان .

    اللهم اهدي قومي فإنهم لا يعلمون

    الطف بالسودان واهله

  9. فالح قدرتوا والدليل رجعتوا الدولار ل30 وزالبنزين راقد والعملة ما طبعوتها فقط طلعتوا الكان داسيها
    بالله عليكم دا كلام ويزر صحة .. دا هو فاكرة الامراض بالذات الوباءات زي الكورنا بتتحارب بالمظاهرات والكواريك البشير دا بني ادم ونظامه سايسي قابل لاي حاجة والبشير بعكاز بتجيب خبره ..وبعد انت ما قدرت عليه كدا خلينا في الكورنا المابتتشاف بكل اجهزتك الفي الوزارة الا تستعملوا سياسة النظر حقة ويزر الدفاع القديمة يمكن تعرفوها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *