الي السيد حمدوك: لاشكرا لك ولا مرحبا بقرارك المجحف ( قرار بيع القمح للبنك الزراعي) : وذلك للاتي:
1. المزارعون الذين اصدرت لهم قرار ببيع القمح فقط للبنك الزراعي…يمثلون نسبة من المجتمع الذي تبحث انت لحل الضائقة المعيشية له.
2. هم نفس المزارعين الذين لم تتخذ اي قرار في مصلحتهم منذ قدومك.
3. هذا القمح لايبيعونه من اجل الرفاهية…بل يبيعونه لشراء اسطوانة الغاز التي بلغ سعرها عندهم 850 جنيه وعندك في الخرطوم 300جنيه ..بمعني انه سعر الاسطوانه عندهم يعادل ثلاثة اضعاف السعر في الخرطوم.
فان لم تستطيع اتخاذ قرار يخفض لهم اسعار المواد التي تملكها حكومتك( الغاز…الدواء…الجازولين…الخ) فدعهم يضاربون في اسعار القمح حتي بستطيعوا مقابلة جزء من غلا الاسعار عندهم..
الجزيرة مغضوب عليها من قبل الحكومة السابقة ومن قبل حكومتك
انا الترماج الركابي اعارض قرار حمدوك بكل ما اتيت من قوة وراي
وتغرق شاحنة
الترماج الركابي
هذا القرار لا بد منه لمقابلة التزامات الحكومة بصرف الدولارات لحاملي السلاح في دارفور مع استمرار حملهم السلاح و نهبهم الذهب.. و انتو في الجزيرة ازرعوا و انتجوا و اطلعوا في الشارع هاتفين شكرا حمدوك و كلنا عبد الواحد.
ايضا نحتاج لفلوس لمقابلة التزام عمبلوك للامربكان الذين فجرهم مواطنو الجزيرة لتعويض اهل البحارة المساكين
و تحتاج دولارات لندفع لجنود الامم المتحدة الذين طلبهم حمدوك ليحموه و قحته ضد جيش الوطن.
و شكرا حمدوك!!
قصدك تجار الكيزان يضاربوا في القمح . قفلها تقفيلة صح اليس كذلك , شكرا حمدوك قفل لسه على الكيزان,
الكيزان العاملين ليكم رجفة ديل في السجن.. البضاربوا ناس الفاخر بالاتفاق مع القحاتة.. و اصحاب القمح المزارعين الشقيانين و رجالتكم عليهم بس.
اذا اصر حمدوك على هذا القرار السنة الجاية ما حيتزرع لا قمح ولا غيره …. الناس مالا ومال الشقاوة يخلو الزراعة ويجو الخرطوم يضاربو في الدولار ولا العربات…الحكومة عينها للفيل تطعن في المزارع المسكين ماتحدد سعر للدهب وتحتكره بدل قاعد هيتهرب على عينك ياتاجر من المطار ولا عشان داك سيدو شايل سلاح
لا مرحبا بقرارتك ولا سهلا تعرف كيف يعيش فيه اهل الجزيرة التعابي … لا شكرا ولا اسفا عليك وانت تورينا غباشة كريعيك وادينا قفاك وامشي مكان جيت واسال زوجتك كيف عاشت الرفاهية لما ابوها كان مدير قسم في مشروع الجزيرة وكيف كانت تمشي الهوينا واختها واخوها وسايق خاص وشغل ملوك ده كلو من تحت راس الجزيرة المدمرة وانت جاي تكمل العضام الباقية … غور ياخي في ستين داهية انت ومجموعة العصابة التي تريد ان تتحكم في مفاصل البلد وتخلينا نحبي ونزح .. لا شكرا لا شكرا ومعاكم الف لعنة تلحقكم امات طه
المشكلة فى القرارت المتسرعه بدون دراسة ودى مشكلة جميع الاحزاب الحكمت السودان رغم انهم عايشين فى السودان وعارفين العادات والتقاليد
فمابالك بي ناس جايين من امريكا واوروبا وماعارفين حاجه وينظرو فينا سااااااااي ونحنا نقول ليهم شكرا حمدوك
خليهم يغتسو حجرنا ذاااتو نستاهل
لكن سؤال يطرح نفسه كل يوم … من القول انو ازمتنا حلها قرار موقع من حمدوك او اي جهة حكومية أو مدنية أو عسكرية ؟ المشكلة حلها اي زول عارفه من اصغر طالب فيك يا بلد لأكبر مسؤل بس زي غيري كتير بيقول بنعاين في الفيل بس بنطعن في ضله.
يعني انتعاوز تقنع القراء انك شايل هم البلد و الشعب
امشي شوف ليك ناس تانيين
يعني انت عاوز تقنع القراء انك شايل هم البلد و الشعب
امشي شوف ليك ناس تانيين
مرحب بالقرار… انا واحد من مزارعين الجزيره وزارع 4 حواشات قمح… انا مع قرار حمدوك.. فهو محصول استراتيجي… كل الدول تستلم القمح الحكومة بواسطة البنك الزراعي أو أي وسيله تراها الحكومة مناسبة… أما الترماج الركابي ولا غيرو هؤلاء هم تجار الكيزان ينبحون من أجل مصلحتهم ومن أجل زعزعت حكومة حمدوك لأنها قضت عليهم…
لذلك أنا ح ابيع للحكومة حتى ولو بأقل من السعر التاشيري.. 3000 أو 3500… والله حتى لو قالت تأخذ القمح مجان انا ما عندي اعتراض… بس الكيزان الحراميه الكلاب يندفنوا في التراب إلى يوم القيامة….
شكرا حمدوك ومرحبا بك وبقرارك . فليذهب الكيزان وتجار الدين في الجحيم . نشفها عليهم . وأنا مزارع عندي 3 حواشات وببيعهم البنك الزراعي باقل سعر ماعندي مشكلة . فليصمتو الكلاب
الكاتب انو مزارع من الجزيره … ورينى 4 حواشات حق الحراته كان بكم بداية الموسم للفدان ؟ .. وبعد مابدا الموسم بحوالى 3 اسابيع عمل كم ؟؟
ولو فرضنا انك زارع قمح .. مبروك عليك شيل قمحك امشى وديهو لحمدوك هدية .. وادفع ليهو انته على كل شوال 5 الف جنيه … 3- 3.5 سعر تركيزى والباقى هدية تركيزيه منك
لاحمدوك ولا كرروك ولا كائن من كان له حق تسعير محاصيلنا … يجمعها كبار تماسيح السوق .. يهربون منها مايهربون والباقى يضاربو فيهو طول السنة ..
الدولار طلع .. الدولار نزل .. لغاية ما الليمونه بقت بى 10 جنيه التقول نحنه فى هاواى .. تسعروهو لصالح المحتكرين من كبار التجار
والبنك الزراعى بتاعك ده اوسخ بنك .. لانو ماببيع السماد للمزارع مباشر .. يبيع كل السماد للسماسره بكميات وهم يبيعوهو لينا بعد كل واحد فيهم يخت طاقيتو
اذا عايزين تسعرو كل البلد تتسعر من الليمونه … لغاية غرفة العمليات فى المستشفيات … بل كرروك معاكم … عالم وهم
يا صديق ابو ادريس.. انت عندك ٣ وللا اربعة حواشات.. كلمنا نحن الكلاب العندنا قنابير ديل.. هههههههاي