تجاوب نشطاء ورواد على مواقع التواصل الاجتماعي المختلفة بالسودان مع رسائل توعية للحد من انتشار فايروس كورونا المستجد بعثت بها ضابطة بشرطة مرور ولاية الخرطوم عبر مقطع فيديو وجد حظه من التداول والشهرة.
وبحسب ما شاهدت محررة موقع النيلين فقد تحدثت سعادة النقيب والتي وصفها المتابعون بحسناء الشرطة السودانية وقالت: (عزيزي السائق كن حريصاً على سلامتك وسلامة أسرتك.. ارتدي الكمامة واغسل يديك باستمرار مستخدماً المعقمات أثناء العمل).
نصائح النقيب نالت اعجاب واستحسان النشطاء الذين أبدوا تجاوباً كبيراً معها حيث كتب أكثر من معلق على الفيديو عبارات رضاء وقبول على شاكلة (سمعاً وطاعة يا سعادة) وكتب آخر (ما سايق لي حاجة لكن حاضر من عيوني يا جنابو).
بينما انصرف معلقون للغزل في الضابطة وفي أناقة بدلتها العسكرية حيث كتب أحدهم (الدبابير يخلوها ليك) وكتب آخر (توعية تفتح النفس).
رندا الخفجي _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يعني أصلا مالقيتو تعليق محترم عن الفيديو دا في الفيسبوك ؟! كل اناء بما فيهو ينضح
ربط الحزام داخل السيارة من ابجديات السلامة المفروض تكون بقت سلوك تلقائي لضابط المرور.. يعني ناس المرور الاولى كان تركزو في ما يليكم عشان ما يبقى عليكم المثل البقول (عريان من صلبو ولبسهو صديري)
اول ايجابيات الكرونا .. النضافة الشخصية …. ودى والله مكيفانى حد الكيف ..
لانو حتى الشفع بدو يتعلمو رغم انو دافع التعليم هو الخوف …
وعلمت كل الوسخانين اساسيات النضافة ( النظافة من الايمان ) … البدايتها غسيل اليدين واستخدام المناديل
طبعا السودان فيهو سخافه ( ثقافة ) عجيبة جدا .. وهى التصنيف حسب العادات للناس
مثلا البيستخدم منديل .. او يلبس نضارة ( غير نضارة النظر ) او يلبس ليهو كرفته .. او يغسل يدينو فى الطالعه والنازله
ده بيتصنف متفلهم .. ولا شايف نفسو يقول ليك ده ( فاكيها فى روحو ) … ولا رافع القزاز
اها المافاكيها فى روحو … يخالف الناس الفاكها فى روحو .. ومايرفع القزاز … يخلى الفايروسات والغبار والباكتريا تعطنو
ونشوف بيكون شغال بسياسة القطيع ولا بيمشى رايو ..
What u have seen ,u saw nothing,u make me laugh