طمأن متصوف سوداني وأحد مريدي شيوخ أبو حراز الشعب السوداني والعالم الإسلامي بعدم إصابتهم بفايروس كورونا المستجد والذي تسبب في موت المئات بالعالم.
وقال الرجل في مقطع فيديو تم تصويره له ورصده محرر موقع النيلين: (إلى عامة العالم الإسلامي.. مافي حاجة اسمها الكورونا وإن شاء الله حتى لو وجدت الكورونا ما بتجيب ليكم عوجة).
وتابع حديثه الذي تناقلته مواقع التواصل السودانية: (نحنا موجودين في أبو حراز وماسكين ليكم الكورونا, وماسكها الشيخ دفع الله والشيخ يوسف والشكينيبة ورجال أم ضواً بان).
وقطع الصوفي قائلاً: لو لا الصالحين الموجودين في الأرض لأكلت الكورونا عضمكم, على حد تعبيره.
وأوصى محمد عبد الله أحمد الإمام وهو اسمه في ختام حديثه الشعب السوداني والعالم الإسلامي بكثرة الإستغفار وقراءة القران والصلى على النبي محمد صلى الله عليه وسلم.
محمد عثمان _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
تبالك ولى امثالك توووووف
فيروس كورونا أرسله الله عقوبة للناس لعلهم يرجعون ، فانتم يا متصوفة لا تستطيعون إمساكه ولا حتى رؤيته ، أمشوا شوفوا ليكم فته أكلوها
شلت حق ربنا ونسبتو لي شيوخك
كورونا الجهل اخطرعلى السودان من كورونا المرض.
التعليم هو الحل.
اهل الدجل والكفر قال شنو كاسكين كورونا منكم ربنا يهديكم بس
بعد علاج كورونا بالشاي المر .والعلاج بالشطة والعلاج بالمنقة.دخلوا رجال الطرق علي الخط والعلاج بالضرب بالسبحه.
شعب مبدع في الخرمجة ..زي حكومة خرموك.
احد الدجالين السذج. يجب قطع رأسه ورأس شيوخه الضلاليين
اللهم الثبات .. لا حول ولا قوة إلا بالله.
رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ
ههههههههههههه
والله شر البلية مايضحك …
عمبلوق … ولقى ليهو انترنت …
انته لو ادوك الخريطة قالو ليك ورينا ابو حرازك دى وين فيها ماعرفتها
طوالى عملتها ابو حراز فرع اوهان … دفع الله حقك ده قول ليهو امسك لينا الدولار ..
قال ماسكنها هنا .. الله تمسكو وتعوعى
الله يهديه من طريق الضلال الي طريق الحق
الصوفية ضلوا واضلوا كثيرا من الناس
بالله هسي دا يقولوا عليه شنو ، ويردوا عليه بشنو ..
والله يا متخلف ناسك ديل هسي مع ربهم وماعارفين ذاتو البحلهم فشنو انطم بس واملا خشمك دا زبل ونقطنا بسكالتك ..دا تخلف ما بعده تخلف ..يعني ناسك ديل عرفوا خبر الكورنا دي بالبلوتوث ولا عندهم انتنرنت ولا يمكن محطة بتوصل للميتين
يمسك نفسك ماكان تقع فيها عشان نشوف فهمك شنو .. يا اخي اكاد اجزم انت بتاع سيجارة ولا مفوت .لكن العيب ما عليك على البيجوك ويسمعوا ليك ويقعدوا حولك .. يا اخي كدا قوم وهذب نفسك وابقي مسلم مثالي وخلي البهدلة دي
قبل كدا في لقاء صحفي مع بلة الغائب قال هو و مجموعة من المشائخ اجتمعوا و قرروا يقفلوا حدود السودان من تنظيم داعش.
شكراً للماسكين كرونا من السودان..
اسكت يازول سكت حسك ………….
عشان كلامك ده ربنا يقوم يقرضنا كلنا ……
السودان ده مايخلي فيهو نفاخ النار……………
اللهم لاتؤاخذنا بما فعل السفهاء منا ………………………
الوهابيين والدواعش والشيوعيين ساكتين عن بلاوي الدنيا والعالمين وفسادهم والظلم والقتل بس أول ما صوفي شاطح يفتح خشمو يظهروا طوالي ويدعو لي قطع الرؤوس وينعلوا خاش الصوفية وتعال شوف التوف تف تف والعوع والتبا لك ما صوفي لكن بستغرب من الدواعش والشيوعيين.
بالله وروني حديث واحد النبي قال فيهو تف وللا تبا لك؟ ده أسلوب شماشة الوهابية ومستواهم المنفر وده فضيحة قدام اليهود والنصارى والله، هؤلاء البصاقين ما بمثلوا الدين وشخصيا ما شفتا صوفي بتف على زول زي دجاجلة الوهابية وكلها فتن وطرق متفرقة والإسلام واحد بريء منها.
واحد بس عاقل قال التعليم هو الحل.