حملت ما قسم الله مساء اليوم مع صديقي موفق قبل المغيب ‘ ومن صينية بري بعد القليل من الزمن ركبنا (هايس) متجهين صوب المحبوبه امدرمان (الشهداء) !
فاخبرنا سائق الحافلة ان هناك مظاهرات في الشهداء ولا يستطيع دخولها فسوف يقوم با نزالنا جوار حوش الخليفة فشكره احد الشباب علي الوضوح !
سالتهم با ستغراب الشباب متظاهرين عشان شنو ؟ مالهم ؟!
فكان علي يميني شاب ضخم الجسد رد بصوت جهور كيف يعني هو شنو الفي ؟!!
اسي عاملين لينا حظر من ٨م وعاوزين يعملوا من ٦م !
نموت يعني ..
فقلت له ياخ دا عشان صحتك !
صحة شنو نموت من الجوع !!
فقلت له اصبر !!
فهنا اخرج الشاب الذي يجلس امامي سماعته و انزل نظارته من اعينه وبغضب جم سالني قلت شنو ؟
قلت نصبر بس علي الحكومة دي !
حينها هاج جميع الركاب نصبر علي شنو ورينا صفوف العيش ولا البنزين ولا الكهرباء البتقطع اليوم كلو !!
والله يا جماعة قربت اقول ليهم يا جماعة انا كوز ??
ماتبع جماعة حمدوك بس بتونس معاكم ساي!!
الحاجه اللافته للنظر ان معظمهم شباب فردوموني ردم شديد بسبب دفاعي عن حكومة حمدوك !
واخيرا قال احدهم انت فاكرهم عاملين الحظر دا عشان كرونا ‘ ديل عاملنو عشان البلد واقفه مافيها اي شي لا وقود ولا دقيق ولا اي شي !!
علي حمدوك ان يحزم حقائبه و يتوكل !
ما كتبته حدث معي امس !
#وكفي
محمد النظيف
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
أنت فعلا كوز والشباب المعاك فى الحافلة كيزان _ الكورونا وباء أجبر كل العالم على التعامل معه بحظر التجول لذلك كان واجب عليك الدفاع عن موقف الحكومة
حينها هاج جميع الركاب نصبر علي شنو ورينا صفوف العيش ولا البنزين ولا الكهرباء البتقطع اليوم كلو !!@
هذا هو لسان شعب السودان الصابر الحليم الذكي الأسد الفارس
لكنه جاب اخره
احذر غضب الحليم
غضبه هذه المره عنيف جدا جدا جدا
اكاد اشم رائحه المعركه الضخمه الاخيره
بانفي….. لاعذر لمن انذر
تحسس جوازك ياعميل وابقي مارق بالحدود أو زحفا أو حبوا….
ولأنصار هؤلاء الشرزمه الشر بجمعكم،
لادين لاعجين لارخاء لا اخلاق لا وطنيه لا فكر لارشد لاعقل لا امل لاتفاؤل لا
علي ماذا يصبر ولماذا يصبر
سقطت تب!
اريتم كان دقوق .
دي لحظات الواحد بدافع عن خمجوك ولا عن الوضع.ياخ الناس الفيها مكفيها.ضيق عيش صفوف عيش وصفوف بنزين وصفوف مواصلات والحال الحرن.
كلام فارغ وفاضح يا رجل الشعب واعي وعارف الازمة الاقتصادية من هم سببها وليس لحكومة حمدوك
سبب فيها حمدوك استلم البلاد ومعهم العسكر طبعا وهى فاضية تماما تعتمد علي الدعم الخارجي ومحاصرة
اقتصاديا ودولة راعية للارهاب ومنبوذة من كل دول العالم وحروب فى كل اطراف السودان وبنيه تحتية
منتهية تماما وسرقة ونهب وقتل هل تفتكر حمدوك وجد دولة اصلا هو بيحاول يعمل دولة من العدم
وان شاء الله يتوفق وكل شرفاء الشعب السودانى من خلفه يدعونه حتى يحقق لهذا الشعب الدولة التى
تحترم المواطن بدون محسوبية او جهوية كما كان يفعلوا اخوان الشيطان
بالله عليكم تمعنوا اول تعليق …شوفوا النوعية اللسه سايقنها بالخلاء دي دا لمتين جوا قفص الوهمة انت كوز انتوا كيزان ديل الكطيزان .يا اخي قوم يا عاطل النس اتنجضت وعينها طلعت وانت لسه ماسك في الكلام الفاضي الساقوه بيه من اول يوم
يا سلاااام مدام كادوا يضربوك اذاً انت مناضل جامد جداً ضد القوى الرجعية المندسة والشعب البرجوازي وناس العميقة، انت لابد ان تستفيد الدولة من افكارك. نرجوا الاذن من حركات الكفاح المسلح والجبهة الثورية والاخوة في قحط لو سمحتو الزول دا يعمل كورس انجليزي سريع ويستلم سفير للسودان في المحور الاوربي.
وشكرا…
قلت لي اسمك شنو؟