دفع جسم تحت مسمى “شرفاء القوات المسلحة”، بمذكرة إلى هيئة الاستخبارات العسكرية، شرطة ولاية الخرطوم، نيابة امن المعلومات، طالبوا فيها بالقبض على الإعلامي حازم حلمي، على خلفية ما اعتبروه ظهور مقاطع بذيئة تمس شرف واخلاقيات بنات الشعب.
وقالت المذكرة التي حصل عليها “النوس نيوز” على نصها إنه بالاشارة إلى ماورد نفيدكم علما اننا ابناء وشرفاء قواتنا المسلحة تم تكوين لجنة مع زملاءنا بهيئة الاستخبارات العسكرية نناشد قوات الشرطة ان تتم القبض علي حازم حلمي وتتم محاكمته عاجلا وهذا لا يرضي اخلاقيات شعبنا السوداني”، وأضافت “اذا لم يتم القبض عليه فنحن عليه بالمرصاد”
النورس نيوز
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
دى بلطجة كيزان جديدة ولا شنو! أي زول عندو شكوى يمشى يقدمها بالطرق القانونية، قال شرفاء القوات المسلحة قال!!
مذكرة مفبركة لجلب التعاطف معهما وجعل الخصم هو الجيش والشرطة والأمن وبالطبع الكيزان وليس المجتمع والشعب أي أن الشعب مسرور ويرضى بهذا والذي يرفضه هو الجهات البغيضة المضادة للثورة مثلا وهذه هي اللعبة والغرض من المذكرة المفبركة، لكن المانع شنو من الطرق الرسمية؟ ماقي مانع والقانونيين جاهزين وحيتحركوا، اللهم سترك.
ويا نمر انتا خلاص البلطجة بفت على ديل بس ما شغلتكم كلها بلطجة.
شرفت السودان وبنات السودان يا عشا البايتات يا مقنع الكاشفات، يا ود القبايل يا حفيد أبطال كرري وأم دبيكرات يا حقيد الشهيد شكري أباظة فرغلي المستكاوي والبطلة بكيزة الدرملي والشهيدتين ريا وسكينة نجمات السودان اللامعة.
ألعبوا بي السودان وبي شرف بنات السودان وشعب السودان وعقول السودانيين كويس وأي زول يعترض قولوا كوز لحدي ما يومكم يجي يا سفلة يا شذاذ الآفاق يا لصوص الثورات.
كلام الطير فى الباقير …
يابتاعين القوات المسلحة شوفو العجل الناشر الخبر ده منو
ولموهو مع اللوشى الاسمو حازم وهو مفروض يسموهو زاحم
وحولوهم الجوز لوادى الحمار عطبرة .. لمدة 3 شهور
عايزين نعرف رأي وزير الشئون الدينية بتاع حزب الإمام عبد الرحمن المهدي وأنصاره وهو يعمل تحت قيادة الشيوعيين رأيو في الكلام ده شنو؟ وإذا كان حرية شخصية كيف الشعب كلو عرفو؟.
وللا ده طلع لحماية الثورة وشغل الشباب عن أهلهم الجوعى والمرضى والمصلوبين في صفوف الخبز والوقود والدوا..ممكن برضو.
مذكرة ارفعوها فيكم ياعبدة المال كيزان خليتو الجنجويد رجالكم يضربوا علي الشرفاء النار في القيادة امشو شوفوا ليكم شغلة
حسبنا الله ونعم الوكيل فيكم
بالله ياسيد حازم عائزين لينا لقاء كارب مع الموهوم دسيس مان من داخل سجن الهدى مافى مشكلة كل يوم اعملو لايف لانو اصلآ ماعندكم حاجة تعملوها مع اطيب الامنيات بالاقامة السعيدة ،،، كتمت ياحازم