هاجم شيخ سوداني خلال مخاطبتة جمع غفير من الناس في ساحة واسعة لم يتم الكشف عن مكانها, الرئيس الأمريكي دونالد ترامب بسبب قرارته التي جوعت الشعوب على حد تعبيره.
وبحسب ما شاهد محرر موقع النيلين فقد قال الشيخ أن الرئيس الأمريكي يدعي أنه ربكم الأعلى, وفجر الرجل الذي ظهر من خلال الفيديو المتداول وهو ممسك بمصحف في يده خلال مخاطبته للجمع مفاجأة كبرى حينما تنبأ وأقسم بتحرير القدس خلال ساعات قليلة.
وذهب الشيخ الذي أثار جديثه ضجة واسعة أبعد من ذلك وواصل في قسمه قائلاً المهدي المنتظر تبقى على ظهوره ساعات قليلة.
وواصل الرجل حديثه المثير مؤكداً أن سيدنا عيسى عليه السلام سينزل من السماء للأرض بعد سبع سنوات فقط, وسط تكبير الرجال وزغاريد النسوة الحاضرات اللاتي طالبهن بالزغاريد لله على حد تعبيره.
ووجه حديثه للرئيس ترامب قائلاً: أنا واقف في هذا المكان وإن استطعت أن تقتلني فأقتلني, وأنا أقف هنا لأثبت لك أن محمد هو خاتم الرسل والأنبياء.
محمد عثمان _ الخرطوم
النيلين
(قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّهُ ۚ وَمَا يَشْعُرُونَ أَيَّانَ يُبْعَثُونَ) سورة النمل (65)
جهل وتخلف لمتين نحن مع الصوفية مفروض هذا الرجل يحاسب علي هذا الكلام جامع الناس
وينظر وكمان ماسك القرأن الكريم ويحلف فى اشياء هو لا يعملها تضليل للناس من افرازات الكيزان
الخلافه الراشده علي يد 12 خليفه كلهم من قريش
ثم تحرير بيت المقدس
ثم موت خليفه
فيظهر المهدي
https://youtu.be/RBWvw6cFKN0
ناس النيلين ديل قصدهم شنو معانا ما قاعدين كويسين ونتصفح في موقعكم الاكتروني دا بدون
توترات وخزعبلات في داعي تنكدوا علينا كده
موهوم فى زمن الكرونا …
انت ام ريكا ماشغاله بيك .. خلى امريكا … تورى شنو ياعديم البصر والبصيرة
والله ناس مساكين ومواهيم .. اذا انته جاى تثبت لهم انو الله موجود بتقسم بيهو مالك ؟
وانته قفه والله اضان قفة عشان تثبت انو الرسول خاتم الانبياء وسيد المرسلين ؟
معلومتك دى كفار قريش .. وقساوسة النصارى ورهبانهم عارفنها …
صحى الجهل مصيبة … والمصيبة الاكبر انو كلب ضال ذى ده يضل ليهو الاف معاهو
يغور القبر … ويخليهم لى مصيرهم … ولمن يجى وكت الحساب ينكرهم ويتبرا منهم
والعبط ديل يشحدو فى الله يعتذرو .. ويتعذرو ويطالبو بانو يدبل ليهو الحساب ..
لكن هيهات ..
اعمل حسابك 60 – 70 سنة … والله ذى شختة القلم .. تدنقر تصنقع تلقاها اتلحست
ورافعنك للجبانه … والحساب ولد ..
الله يشفى
دي مصائب الشيوعيين و أشكالهم لأجل تاليب العالم و الشعب ضد الشيوخ و الإسلام و المقصود هو نشر الكراهية ضد الإسلاميين.
كيف لا تعرف اسم الشيخ و لا المكان!!!؟
لأنه اصلا ما شيخ دي الحقيقة و ما اي زول بمسك المصحف مسلم مجرد تمثيلية تأليف و إخراج الشيوعين و البعثين.
و القرآن و السنة لم يذكر فيهما نزول سيدنا عيسى عليه السلام و دي بالذات أفكار المسيحين.
و الساعات القليلة انتهت و لم تحرر القدس!!!!
الذي نشر الفيديو هو من ألفه.
إن غداً لناظره غريب. وبعدين زغروته لى الله معقولة ياخي
ربنا يشفى