توضيح حول ما اورده السيد وجدي صالح في المؤتمر الصحفي المنعقد مساء يوم الجمعة ١٠ ابريل ٢٠٢٠
بخصوص اراضي علي كرتي :-
اولاً : الاراضي المذكور ة هي في الأصل كانت مزرعة ملك حر لمالكها علي احمد كرتي ، تقع شمال شرق ويتا .. مساحتها تقارب ال٣٠ فدان .. تمت زراعتها لمدة ١٠ سنوات ..
ثانياً:- تم تحسين المزارع بالمنطقة حولها من زراعية لسكنية … وتبقت تلك المزرعة كأخر مزرعة .. مثمرة ومنتجة لست سنوات .. .
ثالثاً :- تحت ضغط التمدد السكني حولها تقدم المالك وفق الإجراءات المتبعة بالتخطيط العمراني ولوائح التخطيط العمراني لتحسينها الي أراضي سكنية… واستمرت الإجراءات لمدة عامين حتي اكتملت اجراءاتها بالتخصيص لعدد ١١٨ قطعة دون اي تجاوز لأي من إجراءات ورسوم لجان التخطيط العمراني وقد وافقت لجنة التخطيط العمراني بولاية الخرطوم على كلٍ الإجراءات وأحالت كل قطع الأراضي السكنية المذكورة إلى سجلات الأراضي التي يشرف عليها قاضي محكمة عليا والأوراق التي تثبت ذلك وفق القانون واللوائح بطرف سجلات الاراضي والمالك..
رابعاً :- المزرعة لم تكن يوما ملكاً لحكومة السودان ، ولم يستفد المالك من اي تسهيلات او معاملات خارج الإطار القانوني وما نصت عليه اللوائح وفق قانون الاراضي لجمهورية السودان..
خامساً: سيقوم المتضرر برفع دعوي تشهير امام القضاء السوداني ضد وجدي صالح
واعضاء لجنة تفكيك النظام
منقول
فيسبوك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الواحد فيكم مابنستر.
هسع سؤال لكاتب البوست: المزرعة دي اشتراها متين علي كرتي قبل الانقاذ ولابعدها؟ من وين جاب القروش حقتها؟
واحد شارك في انقلاب وبقى وزير يعطى الاموال والاراضي من مال الشعب السوداني
بالله تعال بري اللاماب والشريف وحي الشاطي شوف بعينك كل قطعة كل عمارة كل بيت كل فيلا علي كرتي هل يعقل بالله الكلام دا الله وكيلك مربعات واحياء كاملة علي كرتي هل هذا هو عدل الله في خلقه هذا ففط ما اعلمه عن هذا الرجل وفي بري فقط
والله البتسوي فيه لجنة إزالة التمكين ده كلو كلام فارغ ساي و ضياع زمن
ياخي اي زول عندو كارو اسالوه جبت قروش الكارو دي جاب ليكم شهود انو كان عتالي و بقروش تعبو اشتري الكارو دي قوليه مبروكة عليك وربنا يرزقك ما جاب شهود طوالي دخلوها الماليه
العندو عمارة و قروش اسالوه من أين لك هذا قاليكم والله دي ورثتها من ابوي راجعوا اعلام الورثة لقيتوها مذكورة قوليه ربنا يرزقك و يزيدك ما مذكورة طوالي دخلوها المالية واذا قاليكم بتعبي وشقاي قوليه حباب تعبك ورينا من متين و جيبوا ملفو الضريبي اذا ملتزم وبدفع ضرايبو حسب الموجود خلاص قولوا ليه ربنا يزيدك واذا ما ورانا جابها من وين و باثبات تام بالملف الضريبي تصادر و يحاكم بتهمة التهرب الضريبي و طوالي على السجن
لكن البقوليك اداني ليها البشير وصذقها لي الوزير ده طوالي تشيلوها منو بارباحها
الموظف البني ليه حيطه يوريكم جاب قروشها من وين و خاصة إذا ماسك شغل مالي ولا إداري لانو الرشاوي نهت البلد
حيحاربوكم ناس التهريب و تجارة البشر وناس مافيا الدقيق والبترول والغاز و مافيا الأراضي والصمغ العربي وناس الجمارك و الضرائب وتجار العملة وغيرهم
وعشان كده انتو دايرين ليكم ناس رجال شرفاء صامدين ما بخافوا ولا برتشوا والله البلد دي تاني تمشي زي الطلقة
راجعوا ملفات الجمارك اي زول جاه إعفاء جمركي ان شاء الله قبل ٣٠ سنة يورينا ليه ادوه إعفاء جمركي و وطوالي تصادر اي فائده جناها من الاعفاء ده
عندي (سعالين) بعد الاعلان اننا مع استرداد الحقوق بالقانون و ليس بالخم..
هل لجنة التمكين قراراتها قرارات جمهورية تلغي ناس سجلات الاراضي و النائب العام و القضاء.. يعني عدالة ثورية فقط؟
التاني.. السماسرة بالالاف عندهم اراضي بالالاف من غير الكيزان هل ديل حلال عليهم ان ان الموضوع جزء من.. بل.. الكيزان فقط
عندي (سعالين) بعد الاعلان اننا مع استرداد الحقوق بالقانون و ليس بالخم.. هل لجنة التمكين قراراتها قرارات جمهورية تلغي ناس سجلات الاراضي و النائب العام و القضاء.. يعني عدالة ثورية فقط؟ التاني.. السماسرة بالالاف عندهم اراضي بالالاف من غير الكيزان هل ديل حلال عليهم ام ان الموضوع جزء من.. بل.. الكيزان فقط
سؤال :- حسب القانون لما زول يعملوا تحسين لي مزرعتو بيعطوهو عدد محدد من القطع السكنية ؛ إم يعطى بدل المزرعة كلها قطع سكنية ؟؟
مافى كوز شريف الا لمن رحم ربى وخرج منهم فى اول بدايتهم لكن اى كوز واصل مع الانقاذ حرامى واسرتو حرامية
اكلو اموال الشعب حاسبوهم جميعا ولا ترحموا فيهم احد سرقوا لم يرحموا الشعب السودانى طوال 30 سنه وحتى اليوم
الشعب يعانى من ظلمهم وسياستهم التى اقعدت البلاد والعباد واصبحنا فقراء ننتظر دعم الاخرين وربنا وهبنا الكثير
من الخيرات التى يحسدنا عليها الكثير فقط الحرامية واصحاب الضمير الميت هم سبب كل مشاكلنا الاقتصادية
والسياسية
السؤال يا بتاع فيسبوك المجهول، هو كيف تحصل كرتي على هذه الأراضي سوى كانت زراعية أو سكنية؟ المسألة بسيطة إثبات ملكيتها بالطرق الشرعية، دون الاستحواذ عليها بصفة دباب من الصف الأول فقط.
قلتو مساحه الارض تلاتين فدان وناس الاراضي بعوضو عن كل فدان بي قطعتين ارض يبقي كرتي مغروض يدوهو تلاتين فطعه ارض سكنيه بس مش ميه وتمنتاشر قطعه