بعد سنة على الاطاحة بالرئيس عمر البشير لسان حال السودانيين: اسفين يا ريس
يوم السبت 11 أبريل 2020 يصادف مرور سنة على عزل الرئيس السوداني عمر البشير، حيث تدهورت الأوضاع الإقتصادية في السودان بصورة غير مسبوقة بعد مرور عام على خلع الرئيس السوداني عمر البشير ونظامه من السلطة عبر ثورة شعبية إنحاز لها الجيش السوداني يوم 11 أبريل 2019 أدت لحكومة شراكة بين ممثلي الحركة الثورية بقيادة قوى الحرية والتغيير وقادة من الجيش تكون بموجبها مجلس سيادي وحكومة مدنية تمتد لنحو 3 أعوام برئاسة الدكتور عبد الله حمدوك رئيسا للوزراء لفترة إنتقالية لم يتحسن وضع السودانيين ولم تتحقق أحلامهم وأمالهم الكبيرة بل واجهوا أوضاع سيئة في مختلف المجالات حيث تدنت معظم قطاعات الخدمات وإرتفعت الأسعار بصورة غير مسبوقة.
وبحسب مراقبين مازالت الأزمات التي أدت لإنهيار نظام البشير ونجاح الثورة الشعبية تراوح مكانها مثل أزمة الخبز وطوابير الوقود، وعندما أعلنت بعض الولايات عن زيادة في أسعار الخبز إشتعلت بموجبها الإحتجات الشعبية أيام البشير وتراجعت الحكومة في وقتها عن الزيادة .
وإرتفعت أسعار الوقود في السودان بعد وصول تحالف قوى الحرية والتغيير للسلطة أكثر من أربعة أضعاف بحسب السعر التجاري والخبز لأكثر من ثلاثة أضعاف سعره عبر إنقاص وزنه أو بالسعر التجاري وسط ندرة غير مسبوقة بل إنعدام تام في بعض ولايات السودان، وإرتفع سعر الدولار في السودان لأكثر من 140 جنيه.
وهتف السودانيون في تظاهرات مختلفة (لا غاز لا عيش يا بشة خلاص معليش) وبشة لقب يطلقه السودانيون على الرئيس السابق “البشير”.
وتزايد حنين السودانيين للنظام السابق ورئيسه المعزول بعد عام واحد بسبب أنهم يرون أن الحكومة الجديدة لم تحل المشكلات المزمنة التي يعاني منها الشعب مثل أزمة المواصلات وغيرها بل تدهورت الأوضاع وزادت أعباء المعيشة بصورة غير مسبوقة خلال الشهور التي وصلت فيها قوى الحرية والتغيير حلفاء تجمع المهنيين لمقاليد السلطة وبات المواطنون يقولون علناً “حليلك يا البشير” ويبدون أسفهم ويعضون أصابع الندم على دعمهم للثورة التي أطاحت بالبشير وأدخلته السجن هو وقيادات حزبه “المؤتمر الوطني الذي تم حله” .
ويقول أحد المواطنين على فيسبوك (حليل أيام البشير لم نصبر على القليل من الأزمات ، فزادت الأزمات بصورة طاحنة وأصبحنا نعيش في جحيم، لقد جئنا بأفشل حكومة على مر التاريخ في السودان والأن نجني ما كسبت أيدينا بسبب خروجنا على البشير، ونقول له أسفين يا ريس).
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
لسان حالنا مسروق البشير بلي وانجلي يا وطني و القادم أسعد ان شاء الله
اسعد دا منو كمان يا مهدي ؟ كفانا اقحط .. وربنا ازيلو من الوجود … مافي اسعد ولا يحزنون لو لم تتغير الافكار والنوايا والنفوس طابت وروقنا المنقة وختينا الكورة واطا صدقني البلد تلحق امات طه وماشه علي كده
ياالمعتصم ياخوي ماعنك صبر.الكيزان كانوا ممشينها بمال السحت والحرام يعني كانوا زي مابقولوا لاعبي لكورة باصي لي واباصيلك او شيلني واوشيلك.شغل رسمي مافي كله فساد في فساد فتح اعتمادات مافي يهربوا الذهب والمحاصيل وغيرة ولاتورد الي المالية الا باستيراد السيارات والاثاث.اما ماينفع الناس ففي خبر كان.
البلد اصلا لحقت امات طه والسودان على وش مجاعة عديل.. في اقل من سنة بعد سقوط البشير الدولار من 55 يصل 150 جنيه
طيب كحكومة قاعدين تعملوا شنوا بعد ضاعفتوا مرتباتكم عشرة اضعاف وبدلاتكم عشرة اضعاف؟!
وفي النهاية تشحدوا المواطنين المسحوقين عشان تركبوها انفنيتي موديل السنة سعرها ١٥ مليار جنيه سوداني وتنفقوها نثريات سفريات خارجية وهدر مئات الآلاف من الدولارات في فنادق وبدلات سخية..
هههههههههههههههههاى والله زول ملفى بيقول معليش للبشير وكل الشعب بيقول الله ينتقم منك يا بشه انت السبب
فى كل مشاكل هذه البلاد بلاد بدون انتاج وبدون مشاريع زراعية وبدون سكك حديدية وبدون بواخر وبدون طائرات
وبلاد منبوذة من دول العالم اجمع السودان واهل السودان الطيبين اصبحوا ارهابين فى زمن اخوان الشيطان وحصار
اقتصادى من سنين من قتل فى كينيا يقول السودان ومن قتل دار السلام يقول السودان ومن قتل البحر الاحمر يقول السودان
دمار شامل للتعليم والصحة وطرق تعبانه صرف عليها ملايين الجنيهات من اموال الشعب السودان وانهارت من اول خريف
وفى الخريف تكثر الامراض لوجود مياه الامطار بدون تصريف وهذا طوال 30 سنه ونصف الشعب السودانى
خرج يبحث عن لقمة العيش فى الدول الاخري بعد سياسة التمكين البغيضة والله الشعب السودانى ينتظر ان يحرق البشير
وكل بنى كوز بجاز وسخ فى مكان عام وعملوا تقسيم البلاد شمال وجنوب وتنازلوا خوفا وجبنا لمصر عن حلايب
وصمتوا علي دخول اثيوبيا الفشقة وبعض من اراضي القضارف الله ينتقم منك يا بشه اينما كنت فى الدنيا والاخرة وانت
وجميع اخوان الشيطان الاموات منهم والاحياء
البشير والكيزان هم السبب في تدهور اقتصاد وأخلاق الناس
٣٠ سنة والرأي لهم وحدهم و الاقتصاد لهم وحدهم حكمونا بالدم والبارد
اختلطت دموعنا والامنا واناتنا و حرمنا حتى من حق الصراخ صودرت ألسنتنا و سملت أعيننا
تاه شبابنا في اضابير النت وصاروا صنيعة الضياع والوهم
حصدتهم المخدرات و ذلتهم جماعات الفسق و الغش
ماذا تريدون أيها الكيزان
اما كفاكم ما اخذتوه
اما اشبعتكم صرخات الأمهات
اما اسعدتكم انات المغتصبات
اما ارضتكم هرولة الطلاب في الجامعات خوفا من سيخكم و رصاصكم
اما سراكم تكدس المعسكرات بالنازحات والجوعي
اما اضحككم تشتت الشباب في الصحاري و في حواري الغربة
كيف يطلبكم الشعب و لو جاع وعري وعاد للعصور المظلمة
ارجوكم اصبروا قليلا لن نفعل فيكم ما فعلتوه فينا ولكن سنساويكم امام القانون و نسترجع منكم بعض ما تبقى من شتات احلامنا بوطن محبوب فيه قيم الحرية والمساواة والعدالة
سيشرق الصبح غدا و ستفر ضحكاتنا وجوهنا و سنستجم تحت شمس العدل والسلام والحرية
و سيصبح وطننا أجمل خاليا من شروركم من خداعكم و زيفكم من فسادكم ونفاقكم
سنعبر ان شاء الله
خلي قحط تقع في شر أعمالها لأن الحصل في السودان هو ما فعلته قحط والأحزاب السياسية الأخرى والحركات المسلحة المتمردة من تدمير وهدم للسودان عندما كانوا في المعارضة فقد حاربوا الحكم القائم 30 سنة ولفقواء الادعاءات حتى وصلوا إلى المحكمة الجنائية وإلى وضع بلدهم في قائمة الإرهاب والآن هم يحصدون نتائج شر أعمالهم.. وهم أسوأ حكم يمر على السودان .. وكيف يتوفقون وهم جاءوا لمحاربة الدين الإسلامي الذي يؤمن به 97% من أهل السودان. وإن شاء الله نهايتهم أصبحت قريبة جداً جداً.. قاب قوسين أو أدنى
هههههههه البتغزلو فى بشة ديل خليهم يمشوا يطلعوهو من الإصلاحية و يعتذروا ليهو و يرجعوه القصر مع باقى الحرامية و المجرمين و يترجوهم يحكموهم و يركبوا فى ضهورهم تانى، لكن اولاد وبنات ألناس الشرفاء لا يمكن أن ينحنوا لطاغية مجرم حتى لو ماتو جوعا مرة أخرى.
انتم لسع مصدقين البشير راح البشير بعاع الكيزان لانهم هم حركوا المظاهرات عاوزين يستلموا الحكم بي طريقة تانية وعمر والجيش فهموا اللعبة اعطوا الحكم ناس الحرية التغير بصراحة ديل ما كانوا مصدقين يستلموا البلد ما مستعدين بدليل اين اخو البشير او اسرة البشير اما الفي السجون هم الكيزان انتم فرقوا بين الكيزان وناس الجيش بي مافيهم عمر
كل انجاز عظيم تم في زمن الجيش من قديم الزمان @ وكل عماله وارتزاق وخونه وفاقد تربوي واكاديمي وطابور تمت في عهد الأحزاب اليسارية وبعض من قياده أحزاب الوسط العلمانيه@ عليه نتمني أن يكون هذا البوت العسكري الحاكم في هذه البلاد والمرحله الخطره لمده عشره اعوام@ للذين يخوفون العسكر بتغريده صليبيه أو تصريح صحفي ماسوني او بطيخ… نقول لهم السودان في حصار منذ الاستقلال ماذا حدث؟ ولا شئ عايشين بحمد الله ومطلعين بترولنا ودهبنا ومعمارنا وتقدمنا وجامعاتنا وجيشناوامننا ومنظوماتنا العسكرية والأمنية والجهادية والصحية والاجتماعية والثقافية والصناعية والزراعية والدفاعية ووووو رغم جور حصاركم وظلم قرارتكم..نتنصر ونصير صليب هيهات..نتبع ملتكم هيهات….لكم دينكم ولنا دين@
اعقلها وتوكل يا برهان….عسكريه ميه الميه….لعشره سنوات….شاء من شاء وأبى من أبى@
هذه البلاد ليست كلها ملائكه ولا ينفع معها الا البوت @
لن تحل مشاكل التمرد الا البوت وصاحب البوت هو الحاكم@
لا نفاذ لقرار امريكي او اوربي أو بطيخي وروسيا الأسد بوتن والصين مرعبه الامريكان في صفنا@
فيتو صيني روسي
مع دوله صديق ثري انتهي!
وكفي!
دك بس!