مداراتمنوعات

الفنانة ميادة قمر الدين: حكومة حمدوك فاشلة..مسكتوا البلد الدولار بــ “62” هسي بــ “150” اما انتو حرامية او ما بتعرفوا تديروا


شنت المطربة السودانية المعروفة ميادة قمر الدين هجوماً عنيفاً على حكومة رئيس الوزراء السوداني حمدوك ووصفتها بالفاشلة, وذلك بسبب غضبها من قطوعات الكهرباء المتكررة التي تشهدها العاصمة الخرطوم.

وبحسب ما نقل محرر كوش نيوز فإن حديث المطربة الملقبة بملكة الرق  الساخن جاء عبر تدوينة نشرتها على حسابها الشخصي بموقع التواصل الاجتماعي فيسبوك.

وقالت ميادة في تدوينتها: (بالعربي كدة.. وزير الطاقه قال الكهرباء يوميا حتقطع من ٧ ل ٨ ساعات لكن الحقيقه كل يوم عندك كهرباء ٧ او ٨ ساعات فقط فال ٢٤ ساعة).

وأضافت ملكة الرق بحسب ما نقل عنها محرر كوش نيوز: (مسكتو البلد الدولار بي ٦٢ هسي بي ١٥٠ وقلتو الفاتو حراميه هسي يا اما انتو حراميه او ما بتعرفوا تديروا).

وتابعت: (نحن ماعايزين ناس دارسين ديل غير فشلونا ماعملو حاجه الشيخ زايد كان امي وعَمر واي زول امي عمر بلدو الا المتعلمين ديل زادو الطين بله الفلسفه الزايده بتجيب اجلكم والشايفاو ده اسمو فشل حكومة حمدوك ومافي زول يجيني ده رأي الشخصي ودي صفحتي ومن الاخر كده أصحى يا ترس.

وختمت الفنانة ميادة قمر الدين تدوينة التي تابعها الآلاف من مرتادي مواقع التواصل: (ملحوظه.. ليس لدي اي انتماء سياسي بهمني ناكل ونشرب ونتعالج واقل شي الهواء البارد ده كلو لمن يكون ماف يبقي شنو؟).

الخرطوم _ النيلين

تعليقات فيسبوك


‫7 تعليقات

  1. عالقين مصر شافو العذاب الوان والسفارة فشلت فشلت فشلت في ادارة الازمه والموظفين من اكبر زول لاصغر زول
    معقوله بس الفشل الكبير في ادارة الازمه مع كل المساعدات من الجالية ورجال الاعمال والمبادرات والدولة ياخ حرام حرام عليكم لاحولا ولاقوة الابالله العلي العظيم

  2. انتي ما تقارني السودان بالامارات الامارات في كم سنة بناها الشيخ زايد؟ 30 سنة مش صوت دا ما طلع وقت الإنقاذ كانو قاعدين ولا بتقدري تفتحي خشمك لمن الإنقاذ كانو قاعدين احمدي ربك انو بعد 30 سنة بقا زيك دا يتكلم . كان الأولى تتكلمي أيام حكم الإنقاذ قول ليهم انتو 30 سنة عملتو شنو للبلد الكهرباء كانت بتقطع في عهدهم ما كان تتكلمي الدولار كان مرتفع في عهدهم كان تفتحي خشمك جاي تتكلمي عن حكومة ليها سنة وتطالبيهم بان يعملوا المستحيل والبلد منتهية قروش ناهبنها السبقوهم خليك في غناكم وامسكي خشمك عليك احمدى ربك صوتك طلع

  3. تعرف ماذا كان رد القحاتة و الشيوعيين خريجي كولومبيا على كلام ميادة التي لم تذكر الا الحقيقة.. ردهم ان عيروها بنشر صورة قديمة لها و قارنوها بصورة حديثة في سخرية شخصية تعكس مستواهم الاخلاقي الذي لا يحتاج لما يدل عليه اصلا.

  4. معليش يا ميادة اصلا الشيوعيين ديل مجرمين وبيحاولوا يخلوكي تنومي في السخانة والحر الشديد ودا حيخلي صوتك مبحوح وفيهو عشرقة وهم حيتبسطوا لانهم بيعتقدوا انك كوزة كبيرة. حسع الوزير بتاع قحت قال هم منتظرين مهندسين هنود عشان يجوا يصلحوا ا كهرباء ولكن قفل للمطارات والكورونا حيتأخروا. اذا كان الرئيس المحبوب الخايب عمر حسن موجود كان ارسل طيارة جابت الهنود وحل المشكلة وكمان كان جاب معاهم ٢٠ مهندس هندي عشان يفتحوا كلية هندسة الكهرباء بجامعة (التيس لبلب) الاسلامية حتى نزيد من اعداد طلاب الهندسة الى ٧ الف مهندس سنويا. لكن حتى اصلاح الكهرباء اقترح انك تشتري جنريتر و ١٠ براميل جزولين من السوق الاسود وتقعدي تحت المكيف تنومي بالنهار وتدخني بالليل الي ان يفتح المطار وتسافري دبي وتعملي حفلة غنائية تطلعي بيها بكذا الف دولار. ولا اقول ليك سيبك من الغناء بس امشي ساكت في شوارع دبي والشيوخ ما حيقصروا وبيدوكي قروش ودهب ومجوهرات كمان.

  5. اي واحد اعترض على كلام ميادة شيوعي ودا من اخر الكلام
    بلد بقت عريانة ويجي مغفل ومقفل يقول ليك بلد 30 سنة كانت يا اخي 30 سنة سجن شنو كل مرة ناطين الكيزان كانوا الكيزان طيب لو كان عاجب شغل الكيزان قمت بثورة لشنو عشان تقول كانت وكانت وتقارن وسخ قحت بالكيزان ..عشان الكيزان كان كعبين عايزين الناس يقبلوا بالكعب ويسكتوا ..حرم ميادة ارجل منك قالت رايها وما جاملت وانت خليك من الدلدلة وخليك راجل ..
    متين كان في كهرباء بتقطع بالطريقة دي الا في زمن نميري والصادق .. وديل هسي مسكو شركة الكهرباء جزر وضبح شلعوها وعدومها الفني وصيانة مافي قطع غيار مافي ..وين بتروح قروش الناس البدفعوها مقدم ..
    لم جات قحت ما كان على الشركة مديونية من السفينة التركية ديل من ما جوا دفعوا اربع شهور فقط وين مشت القروش الكان بتندفع ليها ..
    محطة قري وغيرها من المحطات الحرارية مافي وقود ما يقعدوا يلفوا ويدوروا ..والمصيبة المصفى حيقيف بعد شوية عشان الصيانة ومافي قروش وصيانته من150 ل180 مليون دولار من وين حيجيبوها
    شغالين تخدير وكذب ماقادرين نجيب قمح وما قادرين نفرغ الميناء وحميدتي بقي زي القحاتة يكذب ويقول محفظة بمليار دولار يا اخي اذا بتقدر تجيب المليار دا ما تصفوا ديون سفينة الكهربا التركية ، والدواء مافي وعايز تجمع مليار دولار ..
    يا اخي لم تكون البلد مضروبة في ركبها احسن يبركوها ويحللوها بالضبح ..
    غباء في التصدير للمواشي للسعودية كل الدول تستقبل ولا ترجع اشمعنا السعودية ترجع هل الامر متعمد وفي اوقات معينة ترجع ..يا وزير الثروة الحيوزانية ويا وزارة التجارة اوقفوا الصادر الحي للسعودية العايز يجي يشتري من السودان ويدفع ويتخارج تموت في البحر تموت في الميناء ما شغلتنا يستلم من السودان ,, ودول كثيرة مستعدة تستقبل الصادر فليه كل اسبوعين مرجعين كمية بملايين الدولا ويموت البموت بالجوع والعطش ,
    ليه ما نبقى زي نيوزيلندا واستراليا والهند يبيعوا لهم في داخل بلادهم وهذه هي بضاعتنا عايزة تعال ما عايزة غيرك مستعد ..هل سمعتم يوم رجعوا للهند ولا باكستان هل بهائمهم اصح من المواشي العندنا ..
    ام انه غباء وازرة التجارة

  6. فعلا يوجد مطبالتية بصورة ماعادية يعنى ياتسكت او تقول الحقيقه يطلعو ليك مطبلاتية وجداد القحاته بالفاظ سوقية تشبه اخلاقهم
    شنو المشكله لمن انتقد الغلط – دا قمة كبت الحريات والطغيان والديكتاتورية
    وهذا هو حال الاحزاب كذب وشعارات رنانه فعل صفر كبييييييييييير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *