نزار العقيلي: (موتى الامريكان ولا شهداءنا ؟)
طلعت من بيتنا الصباح و قعدت اتصل على الشهيد وليد عبد الرحمن عشان اشرب معاهو القهوة لقيت تلفونو مقفول ، قمت مشيت ليهو البيت و قدام باب بيتهم لقيت واحد من جيرانهم وقفني و قعد يحكي لي عن ( المتاريس ) العملوها في المزاد و كيف انو الشهيد وليد وضع ليهم اساليب جديدة تدرس في فن التتريس ساعدت في انو منطقة المزاد تصبح قلعة عصية جدا” ، في النهاية قال لي وليد ده هسه بكون نايم ( عليك الله ما تصحيهو ) .
رجعت بي دربي طوالي و قضيت مشاوير كتيرة و جيت راجع للشهيد وليد نص النهار لقيت معاهو الحبيب Mosab Aljak و قعدنا نتكلم عن الثورة و عن المدنية و كان بتكلم معاي بكل تفاؤل و بحلف بي الله انو البلد ح تتقدم و انو المدنية ح تكون كااااااملة غير منقوصة ، كل الناس البتعرف الشهيد وليد ممكن تتخيل معاي كيف كان واثق من نجاح الثورة و من نجاح الاحزاب في الفترة الانتقالية ، ممكن تتخيلوا معاي شكل العزيمة و الإرادة و القوة و الشجاعة الكان بتمتع بيها وليد و كل شهداء الثورة من عبد العظيم لي كشة ، كشة الكان بقول لينا ( خايفين على ثورتنا من النخب ) .
لازم يا جماعة نعرف انو حق الشهيد البنتكلم عنو ده ما ( قصاص) بس ، حق الشهيد هو تحقيق الاهداف الاستشهد عشانا ، حق الشهيد هو تحقيق المطالب الماتوا عشانا .
لو احنا فعلا” بنحب الشهداء القدموا ارواحهم رخيصة عشان نعيش معززين و مكرمين يبقى نطلع بكرة عشان نحقق المطالب الاستشهدوا عشانها اخوانا ، يبقى نطلع بكرة عشان نحقق الاهداف الاساسية القامت عشانا الثورة ، خلونا نشوف بكرة المزاد بحري بتقول كلمتها و الشعبية بتعرض عرضتها و امدر بترص رصتها ، خلونا نغنى و نقول الثورة لازم تستمر لو حتى نبداء من الصفر .
إحنا ياخ حق شهداءنا ما جبناهو نقوم نجيب لترامب حق موتاهم ؟؟
نزار العقيلي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
انت متأكد تقصد شهداء الثورة ولا شهداء الميل اربعين
كدي انت جبت حق شهداء ثورتك دي و لا ما جبتو؟
اكيد ما جبتو و جاري للميتيين بتاعين ترامب الحدي هذه اللحظة اداك تغريدة بس