ما الذي يمنع والي الخرطوم من نظافة العاصمة التي اصبحت مكب نفايات كبير ؟
اكوام الزبالة ..الذباب ،والخريف على الأبواب..
الشوارع الرئيسية تكتظ بالأوساخ..لما تفيض المواطنين بيحرقوها ..
سؤال حقيقي ..حكومة الولاية شغالة شنو؟.
اذا كان الشوارع عبارة عن حفر ،تكون ماشي في امان الله تلقى نفسك جاك غضروف من دقداق الحفر وتهالك البنى التحتية ..طيب عرفنا واصلا عارفين النظام البائد فاسد وما عمل صيانة للطرق ..انت يا الجيت باسم الثورة ..وين مجهوداتك..وين شغلك ..
احب ابشرك السيد الوالي انك مقبل على كارثة ..مجاري الصرف مقفولة بسبب اكوام النفايات ..الحفر في الشوارع حتمسك موية المطر . .الخرطوم حتدمر اكتر مما هي مدمرة ..
شغالين شنو انتوا؟
رشان أوشي
طيب علاقة الصورة الفوق بالموضوع؟؟؟؟
حتى الصحافة بقى فيها قونات
أهو كلمة كلمتين … وانا بقيت صحفية
وأهممممم حاجه الصورة … لازم تكون جذابة .
دي تعتبر مسألة في غاية الأهمية ولا زال هناك وقت لمعالجة الطرق الخرطوم اصبحت بلا طرق بإستثناء طريقي افريقيا و شارع النيل طريقين فقط و الباقي كلوووووو متهالك ان لم يكن غير صالح و سيصبح الوضع خطر جداً عند هطول الأمطار لان الحفر و الفجوات الموجودة سيدخل من خلالها الماء إلى جوف الطرق و تصير هشة غير متماسكة و تؤدي إلى هلاك ما بقي من الاسفلت و عندها ستزيد و تضاعف تكلفة الصيانة في بلد منهار اقتصاديا لذا لابد من تدارك الموقف الان حفاظاً على أموال البلد و سلامة الطرق
خلونا من الصورة ناقشو المشكلة الحقيقية فى موضوع مصاريف الخريف والخطر المقبل على صحة الناس يامطبلاتية
وانتو اكعب خلق الله انتو المطبلاتية وعارفينكم بتصرفو 50 الف شهريا نظير التخوين للناس والنقد الغير بناء
بايعين القضية بشوية قروش بس
اللي بتكلموا عن الصورة هم ديل الماجورين الواحد يدوهو حق ساندوتش عشاش ينبح ويعوي ..اما الموضوع فهو اصلا لا يعرف النقاش ..
شغالين .. سي…دااااو
مسؤولين م ( ناقشين حاجة ) كلام كثير شغل قليل ( حنك بس وتنظير ) !
حكومة الولاية شغالة شنو?
شكرا ياستاذه السيد نمر مشغول بقبيض الكيذان والفنانين.
من زمن ولاة الخرطوم الكيزان … عبد الحليم المتعافي وعبد الرحمن الخضر وعبد الرحيم محمد حسين .. أصبحت الخرطوم في حالة سيئة جداُ من ناحية النضافة والشوارع .. والسبب الأساسي هو تطاول الكيزان في البنيان على الاراضي التي استولوا عليها والتي كانت ساحات وميادين خالية كمتنفس للناس في الأحياء . وكان هم الكيزان محصور فقط في تشييد عماراتهم ذات الطبقات العديدة دون أي أهتمام بالتخطيط بحيث تكون بينها طرق واسعة ممهدة .
فالذي بينها الآن هو طرق ترابية ضيقة مليئة بالحفر والمجاري المحفورة عشوائياً وأكوام الزبالة .
معالجة هذه الحالة المتدهورة للخرطوم عمرانياً .. يتطلب اساليب هندسية مبتكرة مع توفر المال اللازم لتنفيذها .
من غير ذلك فإن إبداء السخط على الوالي والمطالبة بتغييره لا يجدي بشيئ
كلامك صاااح مائة بالمائة لكن برصو كانو بشيدوا في الطرق الكباري والانفاق والسدود والمستشفيات والجامعات واستخراج البترول وتوفير الخبز والغاز وكل شيء يحتاجه الوطن اما انت وحكومتك بس حلاقيم كذابة هتيفة منافقة .. ماحورين للتفاق والتصفيق ..
لكن نهايتكم قربت ..
مرفين الليل حاااااكم
البلد يحكمه شلة صعاليق شوعيين ومشردين كانوا يعيشون في الغرب من مكتب لمكتب ومن شارع لشارع شغالين ضد السودان ولما وجدوا فرصة وقدموا للسودان بعد الثورة واصبحوا وزراء ساقطون وها عملهم نراه في استمرار دمار البلد وشعبه الجعان …
شلة صعاليق طغاة جدد ما لهم اي خبرات جميعا في ادارة انفسهم ناهيك عن ادارة السودان ، ومعظمهم اصلا مقطوع ليس له اسرة
فكيف لهؤلاء ان يحكموا بلد دون خبرة .وقد شهدنا فشلهم منذ تراؤسهم للوزارات الآن والآن بداءوا يقدمون استقالاتهم وينعتون الحكومة بالفاشلة وهي فعلا فاشلة لانها مكونة من شلة ناس عديمي الخبرات مثلما قالت الدكتورة عائشة السعيد بان الحكومة فاشلة ولم تقدم للسودان شيء سوي مزيد من الدمار والخراب للشعب السوداني الحر .
لكي التحية والإحترام موضوع في غاية الأهمية و لكن يا استاذة رشا اليس من واجبنا نحن كمواطنين و اصحاب اقلام حرة مثلكم أن نعترف بفشلنا في الحفاظ ع نظافه المدن خاصه العاصمة ؟ من يرمي الأكياس والنفايات في الشوارع والأزقة؟ و أحيانا بالقرب من مكب النفايات حتي يعصب الأمر علي من يحملها التفريغ.. والكثير الكثير لا يسع المجال لذكره .. نحنا ادمنا و عشقنا كسر القوانين والفوضى والخلافات و المعاكسة حتي وان كانت لمصلحتنا .. و لذا ان اردنا المخرج الحقيقي ان نتحمل المسؤلية جميعا حكاما و كتابا و أغنياء و فقراء ….. الخ ..
هههها.
الفشل الفشل الفشل.
وأبدأ مني انا كانسان فاشل و اقر بذلك…
نظافه شنو … وحفر شنو… وشوارع شنو….
الانسان الما نظيف لن ينظف و يستقيم ولو وضعته في مويه صابون..
يعني الوسخ دا جاء من وين .. اي حاجه اجدع الشارع… اي وسخ ارمي في اي حته ما مهم لانو دا ما ييتي.. مش كدا الفهم… نعم الحكومة مقصرة ولكن ليس كل اللوم على الحكومة…
وبعدين ناس انو الحكومه يساريين ولا شيوعيين ولا اجانب ديل ناس الحنك البيش وناس علق فشلك في غيرك او حتي كيزان والعيازة بالله…
كل زول ينضف نفسوا بالاول حتي بعدين يتبجح و اولكم انا ثم الكاتبة الفاشلة دي
نمر الورق يصرخ في المنابر ويجعر زي النمر لمن استلم طلع نمر من ورق خديعه اتحاديين وامه وجميع احزاب السودان سفله عملاء لدبي 64 عربة 4 مصفحات ما بتخجلوا يا جيش حزب يمنح عربات مصفحه ليه نحن وين
مشكورة على قول الحقيقة
انا ما كوز ومؤمن انه الاخوان دمروا البلد بس والله هؤلاء الصعاليق لو حكموا السودان عشرة سنة فقط لاختفي السودان من الخريطة
هؤلاء مجموعة من الفاشلين الحاقدين الجهلاء بلد كل شي فيها انتهى كل شي بلد عاصمتها اكبر مكب للنفايات
بلد ارصفة الطرق بدل تزرع فيها الزهور أصبحت مكب زبالة
انتم فعلا مسؤولين زبالة