أثار مغترب سوداني ضجة واسعة داخل مواقع التواصل الاجتماعي ببلاده بعد نشره لاستشارة عبر إحدى الصفحات المتخصصة في نشر ومعالجة الاستشارات العاطفية والخلافات الزوجية.
ووفقاً لما قرأت محررة موقع النيلين فقد قال الرجل في استشارته التي تداولها الكثيرون بغضب كبير:
(اقسم بالله اقول الحق )
(انا الحمدلله متزوج لي10 سنة اتزوجت عن حب بحبها شديد هي برضو بتحبني شديد انا الحمدلله ما مقصر معاها في اي حاجة ولا هي مقصرة معااي في اي حاجة امورنا كلها ماشة تمام انا عمري 32 وهي 27 وعندي ولدين واحد عمرو 9 و 7سنة.
نجي لي المشكلة جاني عقد عمل سافرت الامارات وكل سنة بنزل اجازة بقعد 50 يوم وبرجع ويشهد الله برسل ليها المصاريف وبتصل عليها كل يوم بتكلم معاها وتديني اولادي بسلم عليم طبعا هي مع اولاد قبلي ما انا اسافر وتديتهم لي ناس امهم وسافرت فجاه كدا اتغيرت 180 درجة انا بتصل بلقاها ما قعد تفتح النت ذي اول وانا بدفع ليها حق نت كل شهر مرا بقت تفتح نت مرا ما تفتح علي كيفها قلت ليها خير ان شاءالله في شنو الموبايل حصل لي حاجة قالت لي لا مافي اي حاجة رجعت فتحت النت ذي اول نتكلم مع بعض استمر اسبوع كدا بقت تاني ما تفتح النت اتصلت اتصال ارضي اتكلمت بقت تقول لي مبررات الكهرباء كان قاطعة قلت ليها الكهرباء قاطعة 3 يوم انتي بقيتي ما زي زمان دي ما حبيبتي انا بعرفة اتغيرتي قلت لي لا مافي حاجة والله انا اتغير بوعدك معليش وكل مرا بتقول لي نفس الكلام وما اتغيرت وانا بعد الكلام دا كلو بحبها حب شديد نزلت اجازة مشيت لقيتها مبشتنة وخبشة لا حنة ولا شي مع العلم انا كلمتها قلت ليها انا جاي بكرا بيتكم استقبالها لي مازي كل مرا سألتها قلت ليها اولادي وين قالت طلعو ما عارفة مشو وين سكت خليتها قلت ليها خلاص انا ماشي بكرا بجي بسوقك نمشي بيتنا قالت لي انا عندي التهاب في مهبل قلت ليها كيف عرفتي عندك التهاب قالت انا مشيت قبل 4 يوم عملت فحص قالو لي عندك التهاب في المهبل قلت خلاص بكرا تعالي في المستشفي نتقابل هناك فعلن جات وخشينا لي الدكتور قال لي مرتك حامل ليها 6شهور وعندها التهاب شديد في المهبل و انت زاتك عندك التهاب قلت لي انا جيت من الاغتراب لي يومين بس كيف يكون عندي التهاب الدكتور قال انت سافرت متين قلت انا سافرت لي سنة الدكتور دافع عن مرتي وقال لي انت شاكي الجني دا الا بعد تلد تعمل DNA طبعن دا ماداير دكتور زاتو معروف انا لي سنة مافي كيف تكون حامل عندها 6شهور اتصدمت والدنيا ضلمت في وشي اتكلمت معاها كيف حصل كدا قالت انا زاتي ماعارفه شعرت وجع في المهبل قدر ما حاولت عشان تعترف ابت تعترف كلمت اخوانها واخوانها مشو عصروها اعترفت ليهم قالت انا غلطت سامحوني يا اخواني اخوها اتصل علي وكلمني بالحاصل كلو حتي ما اتصلت علي قالت لي انا غلطت سامحني ولا اي شي لمن سافرت جيت لي سنة اسي اتصلت بعد 7 شهور بعد ولدت قالت انا غلطت سامحني ندمانة طبعن اولادي شلتهم منها قالت داير تشوف اولادها قلت ليها لا.
وختم استشارته التي تفاعل معها المئات من متابعي الصفحة: انا طلقتها طلقتين و الحمدلله ملتزم بي صلاتي في وقتها وبقرا القران الحمدلله لكن ما قدرت انساها قدر ما حاولت انساها ماقدرت انساها بحبها ومتعلق بيها شديد وداير ارجعها بعد العملتو فيني وخانتني رايكم (معليش كلامي مامرتب طولت عليكم يا اخواني واخواتي تنصحوني بي شنو؟).
رندا الخفجي _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يلا يا المستشارين أرعوا فى القصة المثيرة دى, و باين حتطول لأنو الزول ده متعلق بمرتو الخاينة دى شديد, ههههههه, غايتو زى ما بقولو الفايق يهمز……….
انصحك تترك الهبالة
سبحان الله ولا اله الا الله! حسبي الله. اسوأ شئ قضايا الانساب وهذه نتيجه طبيعيه للفعل نفسه. ولكن لاادري ماذا اقول او اعلق علي هذه القصه سوي ان يلهمه المولي صبرا ويجبر كسره …ويستره رغم انه قد فضح سره ..اما الاغرب فقد حن للعوده لام اولاده _ان جازت التسميه _ والستر من عند الخالق علام الغيوب وماتخفي السرائر. ماكان مفترضا فضحها بعد ان ستره وستره الله طالما حن للعوده لها. فقد الهمنا الله النظره البعيده للاشياء …والعافي الله سبحانه وتعالي. اعجز ان استوعب واعجز عن اكمال التعليق فقد تشابكت الرؤي لدي وتداخلت الي حيث ينعدم الوزن. اللهم اجبر كسره وصبره والهمه الحكمه. اكتفي غير قانع !
دي قصه لتشويه بنات الناس ماهي هبله ماتهعلرف نفسها حامل اي اهبل كلامك مابصدقوا وانتا كاتب المقال تفتري علي عباد الله اسفا ربنا يهديك لو كلامك صح حب شنوانتا ماراجل ترجع ليها يرجع فيك لودر غلطت تتحمل غلطتها دا لو كلامك صح
سيد القصة هو الوحيد البيقدر يقرر باعادة محيطه الاسري بتروي وعليه ان اعادها وهذا رأي احبذه ان تكون هنالك مقدمات …اولا يعيدها ويجلس معها ببيت الزوجية فترة لا تقل عن شهر واذا زاد يكون افضل باخذ اجازة من الغربة وهذه الفترة التي يكون فيها الصدق بين الزوجين للائتلاف او الاختلاف بعد الذي حصل …ونتمنى الائتلاف …وعليه يجب ان يقرر الزوج اما ترك الغربة او اخذهم معه …لان اولاد الحرام الجبناء لضعفهم ومرضهن دايما ما يحومون ويرمون شباكهم حول من تكون الحماية لديهن وحولهن قليله ومهما التزمت الفتاة تجد المراوغ الجبان يعدد اساليبه وفنونه الشيطانية … …ونسال الله السلامة
دى قصة طلس ساى ، معقولة تكون حامل مدة ستة شهور كاملة وما تعرف ، لو كانت ما ولدت قبل كدا ممكن نعذرها بأنها جاهلة وما عندها تجربة ولكن ستة شهور والجنين يتحرك فى احشائها معقولة بس وتكتشف مع إلتهابات المهبل ، مافى مرة بتصل للشهر السادس وتدخل فى السابع و ما تبعرف انها حامل ، ياخ إنقطاع الدورة المدة دى كلها ما بتخليها تعرف نفسها حامل ، عشان كدا القصة دى خيالية و مؤلفة و الكاتب ما عرف كيف يحبكها و هدفه يلفت النظر له و يحقق البوست الترند الاعلى وقد نجح والدليل على ذلك رندا المخفوجة دى لفحته على طول وجابتها عندنا .
تحليل منطقي جداً .. هذه القصص لا تظهر الا عندما تحدث مشكلة سياسية في البلد ولطمس آثار جريمة 30 يونيو ظهرت هذه القصة في مواقع التواصل وقد نجحت في إلهاء الشباب عن قضاياهم الاساسية
كذاب ورندا دي فارغة ومبارية الفارغة