فيسبوكمدارات

نصائح للناس الدايرة تسافر من السودان الى الإمارات وتفتش شغل


الناس الدايرة تسافر من السودان الى الإمارات وتفتش شغل . 😍
أولاً.
1/وصولك للمطار اشتري شريحة اتصالات او دو من المطار تم ايقاف البيع للزياراة إلا داخل الدوله
🤍
2/ اشتري بطاقه اسمها نول تكلفتها 25 درهم وفيها رصيد 25 من المطار وطوالي في مترو المطار بيوديك اي منطقة في دبي اقل تاكسي العداد بفتح معاك ب 25 درهم قبل مايتحرك .
🖤
3/ بالنسبه للسكن كالآتي في سكن شيرينق وبيتراوح تكلفته من 300 درهم للسرير لغايه 600 درهم .
💚
4/مصاريف أكل وشراب بتكلفك اقل حاجه 20 درهم في اليوم وانت وجازك .
5/مواصلات اذا انت في دبي بتكلف 20 درهم اقل تقدير ونصيحتي ليك شوف زول مقيم ويعمل ليك خدمه البطاقه حقت المترو اشتراك شهري 140 درهم وبتريحك شديد وتتحرك علي راحتك .
💛
6/بالنسبه للشهادات لازم تكون موثقه من الخارجيه والسفاره الاماراتيه .
💙
7/لازم تعمل سيرة ذاتية محترمه ويفضل تمشي اقرب محل انترنت بعملها ليك ب 20 درهم او في السودان .
💜
8/بالنسبه للمجالات اذا انت دكتور لازم تمتحن امتحان الوزاره واذا انت مهندس برضو في امتحان ولو محاسب في برنامج محاسبه الكترونيه ولو سكيورتي في كورس اسمه سيره لازم تعمله ،
اسعار الامتحانات ومكانها كلوو في النت موجود .
🤎
9/ افضل توقيت للوظايف من شهر 8 لغاية شهر 2 .

💗
10/ اهم نقطه للمعاينه تطلع بدري عشان لو تهت ماتضيع فرصتك لازم تكون قيافه لابس بدلتك الظريفه ومورنش جزمتك البلد اي جزمتك ولبسك نقاط كلها في المعاينه ودايما المعاينه بتكون عن خبرتك عملتا فيها شنو والوظيفه الجاي ليها بتعرف عنها شنو .
💖
11/ يفضل تجي بزياره 3 شهور لانو شهر صعبة ولغاية مايعملو معاك المعاينة ويردو عليك ممكن يكون الشهر خلص.
💕
12/ قروشك فكها في صرافه اسمها ارسال بيدوك اسعار كويسة .

13/ الانجليزي الانجليزي الانجليزي .⚠️⚠️
💔
14/ للناس الحرفيين وفنيين في موقع اسمو مرجان وممكن تعمل اعلان عن طريقه الجرايد الخليج والامارات اليوم بيحاسبوك بالحرف اعتقد بيكلف 50_ 90 علي قدر الكلام المكتوب تلاته ايام ايام ففي الاسبوع .
💘
حاول أركب اي حاجه قدامك وأشتغل وبعد داك تضمن إقامتك وتقدر تشوف الوظيفه العاوزها بي راحتك.
وياريت الناس تقيف مع بعض والله الجاليات هنا واقفه قنا مع بعض الا السودانيين
اتمني من الناس تتشارك الافكار وتقدر تقيف مع بعض
ربنا يوفقكم .🇸🇩🇸🇩🇸🇩وطني وإن جار علي عزيزٌ🇸🇩🇸🇩🇸🇩
تاقي ناسك خليهم يستفيدو 🤍💛❤
بالتوفيق
متداول على فيسبوك


‫6 تعليقات

  1. يا أخي ربنا يجزيك كل خير وياريت كل الناس تكون زيك بتحب الخير للآخرين
    تحياتي
    نعمان

  2. والله اسم صاحب المقال ما قريتو لكن والله احبك في الله ولله. جزاك الله خير علي قدر بساطة هءه النصائح اكن اكيد ستفيد شباب كتيرين. الله يوفقك ويسدد خطاط .

  3. لمتين الاغتراب وارضك واسعه اذا بسبب الحكام الحالين عصيان مدني كامل يروحو في ستين الف داهيه~ الكلاب لاتبكي عليها الاسود! الي متي تستنزف طاقتكم للغير هو العبد لازم يكون اسود نعم كلنا عبيد الله وليس لبشر مثلكم اساس وجودك اعمار الارض سيبك من جنه ونار الاساس الاعمار وهنا الثواب والعقاب والعمل عباده افضل من العبادات الحركيه ارضك واعمارها واجب مقدس~تهاجرون بصحه وعافيه وترجعون عجايز مكسرين ولااراكم الا في المساجد قايلين حسن خاتمه والارض بور بلقع لماذا ضحو الشباب من اجل من افيقو قبل غضب الله بلا اغتراب