وجدي صالح بعد إطلاق سراحه: سقطت ورقة التوت التي كانت تغطي عورة الانقلابيين
أفرجت السلطات السودانية مساء يوم الإثنين عن أبرز أعضاء لجنة إزالة التمكين والقيادي بحزب البعث العربي الإشتراكي، الأستاذ وجدي صالح وبحسب متابعة كوش نيوز فقد كتب على حسابه بموقع فيسبوك.
(احرار كما ينبغي
من الشوارع وإليها ، ذادنا الايمان تحفنا أرواح الشهداء متمسكين بسلميتنا ،، لا نجنح للعنف او نرضخ للاستفزاز .
مايحدث يجعلنا نستشعر المسئولية فنتصدى للردة بالوعي اللازم
الان الوطن على المحك في وحدته وتماسكه وسقطت ورقة التوت التي كانت تغطي عورة الانقلابيين
نكمل المشوار فالثورة مشوارها طويل لتحقيق أهدافها.
تكشفت اليوم لكل جماهير شعبنا من الذين يتربصون بالثورة لكن
هيهات فالشعب اقوى والردة مستحيلة .
#الردة_مستحيلة).
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كل التوجس انو اكون كل الحصل مسرحيه كبري مطبوخه لارضاء الجيش الغضبان مؤخرا …معقوله ناس اتحبسو كم يوم وتاني يوم طوالي اطلعوا اقلو ادبهم وكلهم قالو ده انقلاب من كبيرعم حمدوك والاغرب كلها تجي ف راس المنظومه الامنيه بالرفد …مع انو بالمنطق الواقع هو انتصار لكل المنظومات الامنيه ومفروض تكريم وليس اعفاءات …السياسه لعبه قذره …لا نثق ف الاقوال ربما نثق ف الافعال 🔥🔥🔥🔥
لا لا لا لا
ده كلام ني
ما بخش مخ جداده
معقوله بس بعد كل جرائم الاتهموا بيها وجدي اطلع كده من غير و لا شئ
اين المال المنهوب واين حقوق المظلومين والماتو بسبب لجنه التمكين وهم بالالاف
ابشغل ده ريحتو طقت ومرقت
اعيدو المحاوله
سقطت انت وسقطت قحت يا جاهل بالسياسة شوف ليك شعل تاني يا كاذب
للاسف ما جاكم الانقلاب البيأدبكم جد و الرجال البيعرفوا ليكم و لكن غدا لناظره قريب و لن ينسى الشعب ظلمكم و فسادكم.
مشكلتك انت ورقة توت ذاتها ما عندك.
هاك الصاموله دى !!!!
احنا بناكل قمح ونركب مواصلات … تنظير وكلام مجعلظ .. مابناكل ولا نشرب ، والعبارات المنمقه والشعر تقدمى ولا اشتراكى ولاقومى حتى … ديل كلهن تموصن فى دموعك التماسيحيه على الوطن وتلفهن فى ورق ساندوتشات طعميه وتحشرن فى ………… مزبلتك التاريخيه
الردة لقحت مستحيلة يا واهم .
والفترة الحكمت بيها الناس سمبلة اداك ليها الجيش البتنبز فيهو دا يا خسيس يا ناكر الجميل مغروض تحمد الله وتشكر الجيش لكن طبع البعثيين هي قلة فهم وغياب وعي يجعلهم يرفضون كل ما حولهم ويعضون كل من يمد يده لهم انكشفت انت يا حاقد علي الجيش والبلد.
الحمد لله ظهرت نيتك بتفكيك الحيش عن طريق خازوقك لجنة التدمير وكل العالم ماشي في اتجاه تمكين الحيوش الا انت يا جاهل يا احمق لو السودان فيهو خمسة زيك يتفكك في نفس اليوم
السجن مفروض ما تطلع منو لانك استوليت علي اموال ناس واتصرفت فيها وعينت ناس خارج القانون
نستغرب خروج مخربين واشخاص مارسوا الظلم عن طريق لجنة الظلم والتشفي .
برهان جبان وحمدوك عميل عشان كدا اتفقوا علي اخراج كل المجرمين ليدمروا البلد بافكارهم وافعالهم.
انتم لا تقبلون بتي سلطة لستم جزء منها لغياب الوطنية ومفهوم الحكم والمعارضة .
امتك شر من مارس السياسة يا فحاتة.
خرجت بي اوهامك زاااااتا يا زول شعرك دا زمنو انتهي وقحت بعد سجنك زاتا اتفرتقت امش العب بعيد من السلطة والشعب.
خليك مع اوهامك دي وابقي راجل انتظر الانتخابات .
خلي الجري وراء السلطة لانو انتهي عهد السلطة الكنت فيهو بدون انتخابات.
شكلك السجن حرقك و طلعت بقيت تقول شعر الوهم .
يا زول اعقل وقت برهان ما حاكمك وسجنك مدي الحياة عليك العظة والاعتبار في تصرفاتك وليس الشطح ومتابعة شيطان الخلاف وركوب موجة التطرف والتشفي والانتقام التي لازمتك .
ما هكذا تبني الاوطان ولا تنهض الامم يا جاهل تبصر وارجع تعلم الف باء السياسة او غادر غير ماسوف عليك وعلي امثالك.
انت لا تصلح لاي منصب لانك جاهل ومتطرف ومتنطع ولديك نوايا تدمير الجيش وتخريب البلد.
اللهم ارحمنا وارحم البلد من شر هؤلاء الجهلة
ليك يوم بإذن الله
تبآ لك ولأمثالــك
ايضاً ردتك مستحيلة
من المضحك أن يقول وجدى صالح أن ورقة التوت قد سقطت عن ما سماهم بإنقلابيين بينما الواقع والحقيقة تقُولان بأن ورقة التوت قد سقطت بالفعل عن حزب البعث العربى الإشتراكى وعن لجنة تمكين قحط وعن وجدى صالح نفسه … يبدوا أن وجدى وحزبه ولجنة تمكينه كانوا فى سكرتهم يعمهون حيث أن السلطة المُطلقة للجنته والتى جعلت لجنة تمكين قحط دوله داخل الدولة وأصبحت هي الخصم والحكم والجلاد فى آن واحد وتلك هي أسباب جعل هؤلاء يسكرون بما وجدوه ولم يكونوا يتوقعونه ولم تطير منهم تلك السكرة إلا فجر 25 أكتوبر حينما فوجؤوا بالجُند يعتقلونهم وهم اللذين ظنوا أنهم فوق القانون ولا يستطيع كائن أن يتحداهم ويقول لهم بِغِمْ … اليوم نرى وجدى وحزبه وحلفائه يشتكون لطوب الأرض ويتباكون على سلطه طارت من بين أيديهم بسبب الحماقه الزائدة عن اللزوم حيث أن المثل يقول ( لكل داء دواء إلا الحماقة ) … لقد تكبرت أحزاب وحكومة 4 طويله وتجبرت على خلق الله حتى أطاح بهم الله جزاءً وفاقاً على ما إرتكبوه فى حق السودان وشعبه … يا وجدى ويا حزب البعث ويا لجنة تمكين قحط أن الله يمهل ولا يهمل !!!
من وين لك المال لتشتري لولدك عربة ثمنها 20 مليار وغيرت اساس البيت كله ب22 مليار من اين لك هذا من القروش النهوبة والتسويات التي تقوم بها والله لااحزن عليك بل من الشباب المخدوع الذي غسل دماغة واصبح اداء لتمكينكم في السلصة وين اموال لجنة ازالة التمكين ورسالة لسيد برهان حاسب هذا الوجدي وانشر الملفات للعلن لكي يفهم الشباب والشعب السوداني ممارسات هذا المحتال
انت قزم علي اكتاف الثورة والثوار والشهداء صعد امثالك………..لجنة ازالة التمكين جعجعة بدون طحين ………وجدي عناقريب امثالك مزقوا الوطن…..ارحموا البلد واهله من اطماعكم الشخصيه والحزبية …..تبا لكم يا جهله اهكذا تبنى الاوطان ؟……..ابالاحقاد وتصفية الحسابات من غير دليل …….اين قروش لجنة ازالة التمكين؟ …اصابتك يا عناقريب دعوة مظلوم فجعلتك وامثالك في سجن كوبر مع من سبقك من الكيزان الذين لم تستطع انا تاخذ منهم درهم او جنية مما سرقوه فقط انك آذيت الضعفاء واسرهم بفصلهم من خدمة عامه لا تسمن ولا تغني من جوع ….هاك الصامولة دي