منوعات
الراصد المنذر: مناخ السودان سيعود كما كان قبل 100 عام و(القادم أجمل مما تتخيلون مناخ الخرطوم سيكون شبيهاً بجنوب كردفان)
قال الراصد الجوي السوداني المعروف “المنذر احمد الحاج”، بأن مناخ السودان سيعود كما كان قبل 100 عام، وأن القادم أجمل مما تتخيلون، وفق ما نقلت (كوش نيوز).
وأضاف المنذر: من يخطط للمستقبل ويفكر في افضل بيئة للإستثمار الزراعي والحيواني والسياحي ننصحه بالتوجه الى السودان فدورة المناخ بدأت تعود كما كانت قبل 100 عام وأكثر، وستعود الفواصل الى طبيعتها الشتاء البارد والربيع الجميل والصيف القصير والخريف المبشر، وسيعود السودان أخضر ان شاءالله.
مضيفاً: من قبل عدة أعوام بدأنا نبشر بان مناخ الخرطوم سيكون شبيه بجنوب كردفان وسنشهد من هذا العام بداية التحول والتغيير الذي سيحدث في الطقس من نشاط مبكر للرياح الجنوبية وأمطار أعلى من المعدل الطبيعي والأجواء الغائمة معظم فترات الخريف وارتفاع معدلات الرطوبة.
الخرطوم: محمد الطاهر
كوش نيوز
كلام غير علمي وبدون اي ادلة او براهين الا البرهان القاعد في حلقنا نجر من الراس
اخبار حلوه
تاني زول يجي يستثمر في السودان انسو الكلام ده ….
الشوارع مقفله ومكسره وكل يوم مظاهرات ….!!!!!!!!!!
الدولار كل يوم طاير السما ……!!!!!!!!!!!!!
المواد البتروليه اسعارها كل يوم زايده ….!!!!!!!!!!!
المواد الغذائيه غاليه وكل يوم سعر جديد…!!!!!!!!!
قول لي المميزات العندكم شنو عشان الناس تجي تستثمر عندكم …..
ياخي تجار العمله خربوا البلد والحكومه قاعده تتفرج كان الموضوع ده لايعنيها !!!!!!!!!!!
امشي مصر الجنبك دي مافي راجل يقدر يبيع او يشتري الدولار خارج القنوات الرسميه ولو راجل سولت
له نفسه يعمل كده يروح ورا الشمس …حزم والضرب بيد من حديد على المتلاعبين بالاقتصاد
ده امن دوله مافيهو لعب… لكن عندنا في السودان حدث ولا حرج تجار العمله يكشوهم اليوم ويدخلوا
السجون تلقاهم بكره متحكرين في السوق العربي وقاعدين يمارسوا في نشاطهم كانه ماحصلت حاجه!!!!!!
وكمان تقول لي استثمار .!!!!!!!يارااااجل!!!!!!!!!!!!!