باقان : سيكون الإنفصال هو البديل إذا خسرنا الإنتخابات

يا دا باقان ياناس النيلين ارحمونا من الرجل دا يا اخي ممكن فرد لا راح ولا جاء تكون اخباره اكثر من رئيسه او حتى رئيس الجمهورية

مع الف سلامة اخذت وضع اكثر مما تستحق ايه يعنى كل مره تهدد بالانفصال انفصلو وريحونا بلا وجع راس

يا خي انشاء الله ينفصلوا ويشيلوا الجنوب ويمشبيهوا استراليا عشان نرتاح منهم

كان الشعب يتوقع ان يصبح الجنوب اقليما حضارياراقيا حسب ما كنتم تنادون به ولكن للاسف نهبتم اموال بترول الشمال ووزعتمونها على قياداتكم ووزعتم الفتن على القبائل فها هو الجنوب على شفى الانهيار بل قل انهار تريد بعد ذلك ان تفوز في الانتخابات؟اتريد ان تجر الشمال الى اتون الجنوب مرة اخرى؟انفصل الاّن وريحنا من طلاتك الكئيبه(عملتو لينا وجع وش انت وعرمان)

والله ما ضعيف ومهلهل الا انتي

السيد باقان هذا أحياناً يتنبنى مواقفاً تستقرأ المستقبل الذي يتخيله ويتمناه أن يسير حسب ما يريد. نحن نعمل اليوم لعدم انفصال الجنوب ونقوم بكل ما في وسعنا لتحقيق ذلك. ولكن إن شاءت غالبية الجنوبيين الانفصال فلينفصل الجنوب فهذا خيارهم ، أي هم لا يريدون سوداناً جديداً كما يريد جون قرنق أو باقان أو السيد محمد عثمان أو السيد علي عثمان. وما سيحصل في هذا السيناريو هو تقطع اوصال الجنوب أما الشمال فقد ظل محافظاً على وحدته طوال ويلات الحرب وطوال فترات الجوع والعطش والفقر وهذا عندما كانت كل الميزانية تذهب للحرب في الجنوب وسيظل على حاله بل وأحسن. أما أن يضغط باقان مستعيناً بالامريكان على الحكومة فليكن ولكن لا يجب أن يتعدى ذلك الإمكان وتجاهل الأزمات التي تحيق بالسودان ككل جامع. فكأني بباقان يريد أن يحصل على تنفيذ لنيفاشا حتى إن كان ذلك على أشلاء يي واكوبو وكتم وعد الفرسان والقاش. من يريد السودان الجديد الموحد لا يحتاج منا إلى أربعة عيون لمعرفته ، فكل ما نراه في باقان وغيره ينصب في دائرة الاهتمام بالجنوب الآن والمحافظة عليه لحين الانفصال وليذهب ما يتبقى من السودان للجحيم. نحن واخص الجيل الذي يعرف الكثير عن السودان نريد أن نرى الجنوبيين يعملون مع الجميع لوحدة السودان ونريد أن نثق نحن فيهم مثلما يردوننا هم أن نثق فيهم في هذا الطريق!!! نعم أتت الحرب على أراضيهم وثرواتهم لأنها كانت في ديارهم وقراهم واحراشهم وهذه حقيقة ولكن هل يبرر هذا أن ينقلوا آثارها بمزيد من الدمار للشمال. إن السبب المباشر في أزمة دارفور هو حصول الجنوبيين على الكثير في نيفاشا بسبب حملهم للسلاح ومقارعتهم للحكومة. ألم يشجع ذلك أهل دارفور المظلومين أصلاً على نهج نفس الدرب طمعاً في الحقوق من دولة هي من أفقر الدول في العالم. على باقان أن يفهم أن منا من يريد دارفور وجنوب النيل الأزرق وجنوب كردفان والشرق والشمال بنفس القدر في السودان الجديد الموحد. وإذا كان لا بد من ما ليس منه بد فلينفصل باقان ولينضم من الجنوب للشمال من يريد دون امتثال لأحلام السيد باقان !!

اولا يا مناضل اموم كل سنة وانت طيبة ، وانت الوحيد البتعرف تضغطهم علي الجرح الحكومة واقل تصرح منك بتخلي وسائلهم الاعلامية تكتب وتحلل و علي فكرة الانتخابات لا يهمنا في شي ، يهمنا تقرير المصير في المقام الاول وثانيا انشاء قوائد عسكرية لتصدي لاي عدوان من الشمال في المستقبل ، بعد تصرفات الحكومة بجلد الصحفية حا يخلي الامريكان غيره راهم وح يتاكد ان الحكومة بتمارس الارهاب ضد المراة وكل وسائل الاعلام كانت تتابع القنابل واكيد الامريكان حيقول لحكومة لمايكون المرة عنده حقوق حا نرفع العقوبات و نقيم التطبيع معك

…. اعتقد انك ان نجحت فى الانتخابات … ستقول كانت حرة ونزيهة … وان لم تنجح ستقول غير ذلك وان هذا يهدد مشروع السودان الجديد (اى جديد يا بقان اكثر من ذلك) وتهدد بالانفصال فى حالة عدم نجاحك فى الانتخابات وكأن الانفصال سيكون نهاية الدنيا …. حيرتنا معاك !!!!! صرح وتكلم بشفافية اكثر ….. فالانفصال واقع فعليا منذ فترة …. والعداء واضح فى تصريحاتك داخليا وخارجيا …. ولكن بمشيئة الله وبرجال السودان الاوفياء اقول لك السودان سيظل موحدا شئت أم ابيت .. ي عميل.

يارب تبق فيك نار الدنيا قبل الأخرة أنفصل (قطر عجيب يودي مايجيب ) بالله عليك من يتمني الوحده وهل انت الجنوبي الوحيد الذي تتحدث بأسم الجنوبيين

شتت وخلينا نرتلح 😡 😡 😡 😡 😡

ياخ انفصل وريحنا انت بتهدد فينا يعنى نحن خلاص عايزين وحدة معاكم انت وياسر عرمان ..

انت عملت شنو للمواطن الجنوبي المسكين ؟؟؟ وين التنمية والتعمير وين المشاريع استلمتوا مئات ومليارات الدولارات ؟؟ اين صرفت كلها في الصرف على سفرياتك ايها العنصري انت عنصري وشاذ جدا” الاخوان الجنوبيين عايشين معانا في الشمال من 56 انت عايز تفصلهم افصلهم وشيل البترول بس خليك راجل امين وصادق مع نفسك وقدم خدمات للمواطنين المساكين في الجنوب حتى الان هم ما لاقيين ملابس ولا اكل ولاشراب شوفهم كيف عائيشين وانت وعرمان وشرزمة من الحركة الشعبية كل يوم في بلد ..

نحن عايزنك تخسر الانتخابات واصلا” انت خسران وعارف نفسك عشان كده بتهدد في الشمال لكن لكل وقت حديث وبنشوف تهديدك انت وامثالك من العنصريين ..

يا ريت ياخ ..طيب انشاء الله تخسروا ..البلد تنضف شويه من الزي دا يسمعك الله بس انت بتقدر ترجع تاني ترقد في القطيه ؟

الانفصال حق من حقوق الاقاليم وسترون انفصال دارفور

والله نحنا احترنا مع هذا الباقان كل يوم نسمع له تصريح أسوا من القبلو الظاهر الزول دا شكلو ما يقدر يعيش بدون الظهور في الاعلام و موضوع الانفصال أصبح يبتز به الشمال كرهوا الناس في الوحده بالله فكونا و أنقصلوا نشوفكم تعملوا شنو؟

لولا الشمال لما كنتم انتم يا خونه اي واحد عايز ينفصل ينفصل لكين اهلي العرب قالو العرجه لي مراحه انشاءالله ماعدتم:cool: 😎 😎 😎 😎 😎 😎

يا بيين ديلينق إنتي مسكينة سديد والله،،،، يا حبيبي الأمريكان الآن يجرو وراء الحكومة عشان مصالحهم وكل يوم آلاف الأمريكيين يفقدوا وظائفهم ومساكنهم بسبب الأزمة الإقتصادية ،،، وأمريكا مش فاضية لمشاكلك ولا مشاكل السودان ولا حتى مشكل العالم كله ،،، في زمن عزها وعنجهيتها أمريكا بتفتش لمصالحها ومصالها أول وقبل كل شئ ،،، ما بالك الآن ،،، والأزمة بتضغط على كل مفاصل البلد ،،،، بعدين قواعد عسكرية شنو يا حبيب ؟؟؟؟ القواعد لو بتنفع كان نفعت في أفغانستان أو العراق ،،، حتى لما كانوا في الصومال كان العسكريين أمريكيين أو غربيين ما بيطلعوا من المعسكر بالليل ويتبولوا في الخيمة وسط بعضهم ،، وبعد دا كله تقول لي قواعد عسكرية إن شاء الله بس يقدروا يفكوكم من بعض بعدين ،، هل تفتكر بعد نفصلكم ونخلص منكم حا نفكر حتى في شئ إسمو الجنوب ؟؟؟ يا بطل نحن والله العظيم والله العظيم قرفنا وصل حدو ونحن هسه المنتظرين 2011 بفارق الصبر ،،، لكن هسه أنا متحير كلامي دا يدخل رأسك ورأس باقان وأمثالكم كيف؟؟؟ يا عالم أصحوا أصحوا ،،،، والله ما في حد فاضي ليكم وعليك الله يا ديلينق لو قدرت تفهم كلامي دا أرجوك فهمو لأخوك ال ……. معاك ولو لقيت عندو حبات مررو أقعد أقرشن معاهو.

سئمنا تهديدكم بالانفصال وكان الاصح ان يكون الاستفتاء لاهل الشمال لتحديد تبعية الجنوب.ازهبو غير ماسوف عليكم باقان عرمان سجمان واحملو معكم بقايا الشيوعيين وازيالكم.ولا تنسو ان تزهب معكم لبنى بنطلون حتى تجد راحتها فى لبس مايحلو لها فى جوبا.دعونا من الوحدة الجازبه والوهم الكبير.لن نتقدم والترلة الجنوب تأخرنا وتتشبك بالوحل.دعوهم يأكلو بعض فهم مازالو فى الغابه.

زى باقان دا وزى الهبلة المسكوها طبلة

أين تعليقي يا نيلين (عدد2 تعليق) ؟؟؟؟ حكايتكم شنو معاي؟؟؟؟ لو فعلا بتؤمنوا بشئ إسمو ديمقراطية أنشروا تعليقاتي ،،،، وهذا من حقي عليكم .

بصراحة هذا الباقان فات حدودو ومعه حق اذا كان الحكومة مدت له حبل الصبر ومازالت تستعمل معه سياسة اللين فاعتقد بأن ذلك ضعفا و أمثال باقان يحتاج لمن يقول له الزم حدودك . واذا عاوز ينفصل ليفعل ولكن لايمكن ان يستمتع بمزايا الحكم وامتيازاته على حساب دافع الضرائب الشمالى الذى نفذ صبره وفى نفس الوقت يهددنا بالانفصال من وقت لاخر ليس ذلك فقط كمان قال ايه ( لا بديل عن الانفصال اذا خسرنا الانتخابات ) وهذا كلام خطير جدا وعلى المؤتمر الوطنى والحكومة ان تأخذه مأخذ الجد فالرجل هو الناطق الرسمى باسم الحركة الشعبية وكل ما يصرح به يحسب على الحركة الشعبية .
هو يقول بصريح العبارة ( يا نفوز فى الانتخابات ونحكم السودان أو ننفصل ) ولكل من يفهم اللغة العربية فان الحركة الشعبية مقدمة على الانفصال لان فوزها فى الانتخابات وبلغة الارقام مستحيل . اذا لماذا انتخابات واستفتاء مع الحركة الشعبية . فاليتم الانفصال منذ الان طالما ان الناطق الرسمى للحركة يهددنا به وهو يسافر ويستمتع بالامتيازات على حسابنا وويستعدى الغرب علينا كما فعل فى واشطن ولو فعلها اى وزير شمالى اخر لكان مكانه الابعاد او حتى السجن فلماذا لا يحاسب باقان امون على تصريحاته هذه وهو جزء من الحكومة . وعلى رأى اخوان المصريين ( زهأنا )

لاحظوا تعيق ……………. تعلم الادب لتتعلم كيف تقيم دولة فاذا كانت هذه هى الفاظك فأنت فاقد تربوى……لنتخيل انك وزير اعلام دولة الزغاوة الكبرى أو ذلك الذى تحدث لقناة الجزيرة يوم غزو امدرمان (شى مخجل)… تعلموا الكلام والاخلاق اولا ثم اقيموا دولتكم ثانيا.

أيضا تعليق دينق………… ليس بعد الكفر ذنب وهى معركة بين الاسلام والكفر الى قيام الساعة………..طبعا يتمشدقون بحرية المرأة التى هى فى رأيهم (فى عريها) ليرضوا الشيطان

يا……………. انت تفتكر كل دارفور……………. زيك الناس هناك كلها مسلمين وناس قران مش بتاعين فنادق وسكر وعربدة زي ناس خليل وغيرهم انت موهوم ياخ نحن من دارفور لكن ما بتاعين مصالح بيهمنا السودان وانت لو باقدر تنفصل انفصل في ستين داهييييييييييية

اول حاجة انا اعز اصدقائي كان من الجنوب .
ولكن نحن كشماليين عانينا ما عانينا من الجنوب ومن الحرب في الجنوب التي كانت على حساب التنمية في الشمال وباقي اجزاء السودان حتى الجنوب نفسو .
لو ما الجنوب انفصل وشال شيلتو براهو نحنا ما حا نرتاح لانو لو اتحلت مشكلة الانتخابات زي عينة باقان دا حا يطلعوا لينا بي مليون مشكلة .
وبعدين انا عندي سؤال ياسر عرمان وهو الوجه الاخر لباقان اموم لو انفصل الجنوب حا يمشي وييييييييييييييييييييييييييييييييييييييييييييييييييييييييييين .

والله ياجماعة جزء قليل من جماعة الحركة الشعبية وعماليهم الغير معقوله ده كرهتنا في السودان الواحد – السودان الجديد انا صراحة بقول ينفصلو ويرحونا وفي ستين دهية لكن الحاجة الشايفة انا الجنوب ده طالما الحركة الشعبية فيه الان ماحيتقدم ابداً بداً لان جزء كبير من العقليات المسيطرة على الحركة عقليات غابية تعتمد على اسلوب الغابة في الحياة وباقان امون ده واحد من الناس اللي حيخربوا السودان كله بسبب تعنته وجره للمشاكل في الشمال مع الحكومة المركزية بسبب وبدون سبب وهذا كله ليسكب اكبر مصلحة ممكنه له وليس لشعب الجنوب المغلوب على امره وبعدين حتى لو الجنوب انفصل حتقوم الحروب فيه من اول يوم وهذا شيء متوقع فالشمال والجنوب لو اتحدوا مشكلة ولو انفصل الجنوب عن الشمال مشاكل اكثر واكثر