وردي : سنوقف شريف نيجيريا عند حده
أطلق فنان إفريقيا الأول د.محمد وردي إشارات تحذيرية نبه من خلالها الي ضرورة إتخاذ إجراءات حاسمة حيال مندوب شريف نيجيريا الذي يتجول هذه الأيام بحرية كاملة في إبرام التعاقدات مع الفنانين والفنانات السودانيات، كاشفاً في ذات الوقت عن تحركهم كفنانين لوقف تمدد المندوب النيجيري. وقال د. محمد وردي في حديثه لـ(صحيفة فنون) أن مايحدث الآن في الساحة الفنية من إرسال الشريف مندوب له للإتفاق مع بعض الفنانات لإحياء حفلات في نيجيريا لابد من حسمه، وقال إنهم سيجتمعون كفنانين بدار الاتحاد لمناقشة هذا الأمر، مؤكداً ثقتهم المطلقة في إيقاف هذه الرحلات نهائياً، مشيراً إلي أن مثل هذه الأمور إذا لم يتم حسمها الآن فإنها ستتفاقم وتاتي بما لا يحمد عقباه. الجدير بالذكر أن مندوب الشريف قد أجرى اتصالاته داخل البلاد، وأتم اتفاقاته مع عدد من الفنانين والفنانات بمبالغ دولارية يسيل لها اللعاب وتتراوح قيمتها مابين 120 و50 و15 ألف دولار.
نحن مقتنعين ياوردي بس البقنع ناس الشريف مبسوط منى ديل منو؟
حقو كمان مع المنع يعرفو المعجبين باسماء الموقعين والموقعات عشان الواحد يعجب بالسمح وكمان نقابة الفنانين بعد كده يكون عندها سجل للفنانين ويكون عندها قاتون تقدر تشطب اي اي متجاوز للحدود ؟؟؟؟؟التلفزيون والاذاعة مايذيعو ليهم اي حاجة
لو دعاك ياوردى صدقنى حاتمشى انت اول واحد لان الماده عندكم يافنانين اهم حاجه وبطلوا دجل:mad:
عشت يا وردي .. والله قلت كلمة البشير ما قالها ..
وين يا ناس الأعراض ؟؟؟؟؟؟
الله يسألك يوم القيامة يا حكومة البشير ؟؟؟؟
والله لو بغلة …. رحم الله ابن الخطاب
عرفنا الفنانات كما قال دائر فنانين ؟؟؟؟؟؟ امسكو الخشب ده دائر جهاد
إنت يا دكتور وردي ما تمشي مع البنات ديل وتشوف بعيونك البحصل هناك شنو وبعدين تجي تقول لينا الحقيقة وتأخذ ليك كم ألف دولار ذي ندي القلعة ما ركبت عربية ودولارات وبعدين نحكم على الشريف الماشريف ده
بلله عليكم القاعد يعملوه فى السودان دا ما شايفنوا والله اعفن مما يتعمل فى نيجريا. والحكايه اصلها انحطاط فليكن وكل فنان او فنانه ما عندو اصل فليفعل مايفعل اذا رب البيت بلدف ضارب…..
أشراف آخر زمن دا شريف فرع أبوجهل وأبولهب زي ماقالوا الاخوان أمسكو بناتكم وبس:lool: :lool: :lool: 😡
😎 امسكوا بناتكم بس كلام كثير ما ينفع لا يودي ولا يجيب
التحيه والاجلال والاحترام لفنان افريقيا (( الاول)) وردي ونرجو منهم اذالة كل ما يشين لسمعة وكرامة الوطن من اشباه الفنانين والفنانات حظر كل الفنانين والفنانات من السفر لاي مكان في الدنياءالا عند اخذ موافقة ((نقابة الفنانين)) وان تسد كل ابواب اجهزة الاعلام لمن يسيء الي سمعة السودان من اغاني ((هابطه)) بذيئه او من يرتكب افعال مخله يندي لها جبين الوطن .
الزول دا مالو ما بتعاقد مع ناس أبو الأمين وسيف الجامعة , أما للعرضة عندنا قيقم وعندنا ناس ستونة مالا ما فنانة زيهن ؟؟!!!
هو ما يختانا ويقع لبنان دي !!!
واحدة ترقص ببنطلون ( قلت بنطلون أحتراماً للقراء ) وبعد دا تغني وتقول ( بغني بي أحساسي … وتوبي فوق راسي ) !!!
سبحان الله والله يا بناتنا الزول دا شين شنا !!! الله يقطع نفيستكن !
مامن حق اي زول يمنع الناس من السفر لانو دي حريه شخصيه العندو كلام يوجهه للفنانان وما يوجهه للزول الشين ده لانو ما عليه اللوم الحكايه عرض وطلب بيناتهم يا تقبل او ترفض (وبامانه العرض مغري) واكيد ماحيرفض من فناناتنا اللافحات تيابهم …
واخيرا انا ماعجباني الحكايه(بتاعت سفر الفنانات نيجيريا) او بالاصح كل سوداني لكن نعمل شنو دي حريتهم وهم اختارو ……عوضنا الله…….