مطربات يسافرن الي نيجيريا عن طريق القاهرة
كشف فنان كبير عن استعداد عدد من الفنانات والفانين الذين ابرموا تعاقدات في وقت سابق مع مندوب علي الشريف حاكم ولاية مايدوغرى النيجيرية ، كشف عن نية اولئك السفر الي نيجيريا عن طريق القاهرة في محاولة للاتفاف حول قرار السلطات الذي أصدرته في وقت سابق ومنعت بموجبه الفنانين والفنانات من السفر الي الشريف. وقال الفنان الذي فضل حجب اسمه رغم ان السلطات اصدرت قرارها القاضي بمنع الفنانات والفنانين السودانيين من السفر الي نيجيريا بغرض الغناء في قصور الشريف ، واكد في حديثه ان المطربات والمطربين الذين وردت اسماءهم من قبل للسفر لنيجيريا يستعدون الان لمغادرة البلاد تأهبا للغناء في قصور الشريف عن طريق العاصمة المصرية ، مشيراً الي ان تلقى دعوة من الشريف للغناء في قصوره الا انه فضل عدم ذهابه بسبب اللغط الكثيف الذي دار حولها . جدير بالذكر انه سبق لصحيفة فنون ان نبهت الي ان سماسرة رحلات الشريف غيروا وجهتها من السفر بالخرطوم الي السفر عن طريق القاهرة وابوظبي .
اها دا الكلام الكنا خايفين منو ذاتو – وبعدين ندي القلعة وين من الكلام دا وبعد كدا بقول لندا اعصابك حليلة وبقول ليها صدق النطق (واللكزس علاقة شخصية مو هدية ) وهاك الماسور دي وطلعتي فعلا غبية ………………………….. يا حليلك يا ……………….
)
:lool: هم مسافرين لي ولي السلطات منعتهم يعني الموضوع فية إنة :lool:
السلطات ذاتها ما عندها موضوع تمنعهم ليه؟؟؟؟ مواطن و مسافر بره السودان،،،شنو يعنى؟؟ فى مواضيع اهم من كده بى كتييييير حقو “السلطات ” تشوفها…على رأى المثل : اسد على و فى الحروب نعامة…فالحين بس مع النسوان..ربنا يصلح حالكم
ان كان هنالك شي بعملوه مخل بالآداب والتعاليم الاسلامية وفيه اشانة سمعة للبلد فعلى السلطات أن تطبق فيهم القانون الرادع حتى ولو دعا ذلك الى سحب الجنسية السودانية …
شوفوا ليكم شغلة !!!!
يا هو دة الكلام الغلط ………. طيب لو حصل سافروا حتعملوا فيهم أيه ؟؟؟؟؟؟؟؟؟؟ وبعدين ندى القلعة دي واحدة متخلفة وأنا ما عارف ليه إنتوا مدينها كل هذه القيمة والهيلمانة … خلوها وشوفوها حتعمل شنوا …هي بس تعتمد على أن جسمها فاتن ولكن هي بكل صراحة لا تملك سوى هذا والتذهب على حسب تعليمها وفهمها إلى أي مكان تريد …. والبقية مسؤولية ولاة الأمر …………………ز
يا جماعة ما تشوفوا ندي وتسألوها شنو الحاصل في قصور الشريف .. واللكزس الهدية وده كله غناء وبس يا عالم ما هي واضحه .. وبعدين المجنني هل الشريف ده بفهم غنانا ده .. طيب ما نرسل ليه شرحبيل وكمال كيلا إمكن يفهم الإيقاع .. وبعدين نرسل نجوم الغد
موضوع اصبح بايخ والنفس اولي من الصاحب وكل واحد بعرف مصلحتو وين وبعدين يعني مافي الا السودانيات
يا جماعة المسافر منو ؟ و وين ؟ وفيها شنو كاس العالم ده ما كلنا حنشوفو والسلطات بس داير تحرم الناس من ناس دروغبا وكاكا ….
يا جماعة شريف نيجيريا دا رطب بي ندى القلعة خلوا نجوم الغد اليمشو يمكن يلقوا ليهم انشاء الله ركشة بدل اللكزس
يا جماعه خافو الله فى ندى القلعة خلوا الخلق لخالقة بعدين انتو ما عندكم موضوع غير ندى دى ما كتار بيمشوا نيجيريا ودى حرية شخصية ليس الا ، انشاء الله تسافر هانوى
ربنا يحفظها ونحن دايرين ناس يشرفونا فى القنوات ذى المذيعات ( النيل الازرق ) وندى وغيره