ثقافة وفنون
قالت أنه لم يتفهم طبيعة عملها كفنانة: طلاق نجمة الغد فهيمة قبل رمضان !
كشفت الفائزة بالنسخة الأخيرة من برنامج نجوم الغد فهيمة عبدالله عن انفصالها عن زوجها وطلاقها منه قبل قدوم شهر رمضان الكريم بثلاثة أيام، مشيرة إلى أن خبر طلاقها أصبح واقعة حقيقية بعد أن كان شائعة تناقلها الناس قبل وقوعه اثناء تصويرها لبعض حلقات البرنامج بعد أن لاحظوا خلو يديها من الحناء.
وقالت فهيمة في حوار مع صحيفة فنون أن زواجها كان بمثابة محطة في حياتها مشيرة إلى أنها كانت تتوقع من زوجها أن يكون داعما لمسيرتها الفنية وتابعت: ولكن أتت الرياح بما لا تشتهي السفن فحدث الانفصال قبل شهر رمضان بثلاثة أيام وكان السبب الرئيسي هو عدم تفهمه لطبيعة عملي وعدم تقبله للكثير من الاشياء التي تهمني كفنانة لها حفلات وبروفات ومعجبين. مشيرة إلى أنه بعد حادثة طلاقها لم تنهزم بل تجلدت وأصبحت أكثر قوة بحسب قولها.
صدقينى بيتك وزوجك اهم لك من الغناء دنيا واخرة ،،،،،،،
الاخت فهيمه اعرف انك من اسره محافظه اسره قرويه دينيه فانتى اول من يعلم قبل زوجك ان هذا الجو لا يتماشى مع طبيعتنا وبيتنا القرويه لذلك كان من المفترض ان تتزوجى من يفهم ويتاقلم مع هذا الجو او تعتزلى الغناء ولك امثله افراح عصام حرم النور اما امثله من اعتزلو الغنا بسبب الزواج فلا حصر لهم لكى التحيه وربنا اوفقك فى زواجك القادم انت صوت جميل واضافه لصوت الفنانه السودانيه
اتقى الله وارجعى الى دينك وزوجك ..اتركى حبل الشيطان والله ليس لك من الدنيا الا كفن وود الاحد .كل هؤلاء المعجبون سيتبرؤن منك يوم لاينفع الندم .. غناء ايه يابت انتى ماعندك راس .
أتقي الله ربك انت بنت ناس وتذكري الموت وضمة القبر وسؤال رب العالمين يوم لاينفع مال ولابنون ولامعجبين ولافن و
يا عباس سجم الرماد انت بدل ما تهديها للصح جاي تقول ليها كان تبقي زي افراح وسجك رماد؟؟؟ نوعك ده عاوز جلد
نسال الله ان يهدي سركم ويردكم بالحلال ويقرب بينكما لكي وزوجك الكريم التحية وارجو ان تعطوالا انفسكم فرصة
الاخت فهيمة حكمى عقلك وارجعى الى اصلك >يبعث المرء يوم القيامة مع من احب ارجعى الى زوجك اهل الفن والطرب ما شبهك انتى بنت جميلة حصنك زوجك
الساعه انت لا يعجبك العجب ولا الصيام فى رجب كل تعليقاتك نقد الاخت فهيمه مالها هل ارتدت عن الدين هل الغناء حرام انت ارجع لله واستغفر وبطل شماته على الناس بطل حقد الله اوفقك
ما كان أحسن ليك تكوني لسه ما تزوجتي بدل السرعة دي الظاهر أنو أهلك عاوزين يكلفتوك قاموا أدوك واحد ما عارف أيه يعني فنانة .. وطبعا تقيمنا ده من ناحية واحدة وهي ناحيتك لأنه هو غير مهم … الشيء الآخر أنتي بت قبيلة وليك أهل وعزوة … يعني عينك ملانة وجاية من مليان .. علشان كده لازم تقتحمي وتدخلي لهذا العالم وأنت واثقة من نفسك , وصدقيني ما في زول حيقول عليك أي شيء طول ما أنتي ماشه في طريقك بدون أي انكسارات .
المفروض تضحى بالفن مش بالذواج سلكتى طريق الندامة والحسرة وعدم الاستقامة وتصرفو طبيعى وتصرفك فيه كلام
يابت غناء شنو وزفت شنوا ارجعى لزوجك بلا كلام فارغ معاك ياريت لو كنتى جنبى كنت كسرت ليكى راسك بالعكاز بلا غناء بلاسجم رماد عليكم:mad: 😡 😡
الاخت فهيمة انا طبعا ماشفتك بتغنى وما من الناس البتابعو الفن والفنانين زمان كنا بنسمع للمرحوم مصطفى سيد احمد ومن ديك واييييك الفنان لو بيغنى تحت سريرى ما بنجيب ليهو خبر ..
سؤال انتى اختر ت شريك حياتك كبف صدقنى انتى لو عايزة راجل بيرضى ليك وضعك كفنانة بتلقى لكن ما حتلقى زى راجلك الحسع بتلقى الناس البيلبسو السلسل وعاملين زى بوب مارلى واكيد ما حتلقى زول محترم الاخت فهيمة ارجعى لى دينك وراجلك الناس كلهم عرفوك فنانة من خلال شنو كدة الغد زى ما مشار فى العمود وانا اخر زول عرفتك وانا بشر شخصيا انا ما فارقة معاى يعنى شنو فنانة خليك من فنانة بقيتى رئيسة جمهورية ايييه يعنى صدقينى الدنيا والشهرة ماااابتفيدك فى شى ارجعى لى زوجل وجيبى ليك جنا جنايين ينفعوكى
لا حول ولا قوة الا بالله العلي العظيم
ربنا يعوضك خيراً ان شاء الله ..
لكن هي وقفة للحساب مع النفس .. هل انتي في الطريق الصحيح ام الخطأ
ابوالليل الجاهل هل الغناء حرام ام انك حاقد جاوب فقط
يا أخواننا الزواج قسمه ونصيب , وفهيمه فنانه زي كل الفنانات بالسودان واكثرهم مستقرين مع أزواجهم , فهيمه من أسره لاغبار عليها وانشاء الله نصيبها بيجي وأنا مستعد أتقدم ليها وألف من يتمناها
انا عندي ليك اقتراح انت انسانة مادحة وصوتك جميل واظن الراجل ماعندو مانع تمدحي المصطفي …. لكن حكاية الطلاق دي ما تمشي فيها ساكت ويغشوك اقول ليك دا راجل ما متفهم وما مثقف وما بقدر الفن ….. الراجل دا لو فرطتي فيه حتندمي كتير …. وصدقيني مجتمع الفانين فيه العجب الا من رحم ربي …. وكل حاجة ممكن تحل بالحوار و العقل …… وربنا يهدي سرك يا بنيتي ويرجعك لي راجلك
حسب وجة نظري انو الوزر كل يقع على بابكر ومجموعة العواجز المعاه ، هذا البرنامج الذي يفرخ الفسوق ويساعد على نشر الفساد في المجتمع ، نحن لمن يقلد الامريكان فمن الافضل ان نقلده في شئ يصلح الامة ، فهذه النسخة المشوه من البرنامج الامريكي الذي يصر عليه بابكر لا ينسجم وقيمنا وتقاليدنا حتى في الغناء المحترم الذي يدعو للحماسة والفضيلة لا الميوعة والاصوات النسائية ، يحضرني هنا ذلك العجوز المتصابي الاسمو السر قدور صاحب البرنامج الفاشل الذي حشد له شله من ذوي الاصوات النشاذ فمثلا فرفور صوته مثل الولد المراهق ، ومحمود عبد العزيز الغارق في عالم… وود البنى الفاكر انو الغنا (كوراك) اجوف ، اما البقية لا ترقى حتى لمستوى النقد باختصار حسب وجه نظري انو البرنامج (هردبيس)
صح لسانك يا نوح المحسي كفيت ووفيت بس انا لابس سلسل ومحترم اكتر منك والبت دي شكلو راجلها دمو حار وولد ناس وما عجبتوا حكاية البت كل مرة قاعدة تضحك مع العازفين
ويمكن تجيب ليها غنية ثنائية زي بتاعة شريف الفحيل والبت الشديدة ديك اسمها سيد الحروف يعني اتخيلى واحد بغني معاك وبتغزل فيك وراجلك
مع الجمهور يبشر ويعرض وانتي شكلك بتفتشي راجل زي دا والنوع ده يطلق عليه بالعربية الفصحى ديوث ويوصف في المجتمع السوداني بصفات لا يمكن كتابتها هنا واما حكاية انو يرجعك دي ما اظن الا ربنا يهديك وهو يكون انسان عاقل شديد انا غايتو لو محلو مستحيل اعرس لي واحدة بتغني اساسا لو بقت ملكة جمال العالم واغني واحدة في العالم
اما اذا كنتي من النوع الكل شوية تعرسي راجل تسفيه وتفكيه عكس الهوا يبقى البتمارسي فيهو دا زواج غير شرعي لانو نية الاستمرار ما عندك
وربنا يهدينا ويهديك ويجنب بناتنا واولادنا الفتن ما ظهر منها وما بطن
اللهم امين
الاخت فهيمة اقول لاحول ولاقوة الا بالله واسال الله ان يهدى النفوس واى مشكلة اها حل
ولابد من الاستخارة .
بعد الطلاق دة ناس السر قدور وجماعة احمد المك بختهم
الكل اشاد بفهيمة واعجب بها ولكن تصل لي خراب بيوت لا بد من وقفة مرجعها الكتاب والسنة واستخدام العقل من غير تعصب أرجو النظر في الموضوع وربنا يصلح الحال