ثقافة وفنون
حسين شندي : إذا حاولت أن أتحدث لكم عن أدب وأخلاق وكرم الشريف فإن ذلك يحتاج لساعات طوال!
تحدث الفنان الكبير حسين شندي من مطار الخرطوم لدى عودته من ولاية مايدوغري أمس وقال بأنه يقسم بالله أن هذه الرحلة فنية وعادية جداً وكل ما كتب وذكر حول الرجل المحترم (شريف مايدوغري) بهتان. وهؤلاء الفنانات بريئات براءة الذئب من دم ابن يعقوب، وهؤلاء الفنانات كن يقمن معنا في فندق واحد ولم يبدر منهن أي غلط. وأقولها لكم بصراحة إذا حاولت أن أتحدث لكم عن أدب وأخلاق وكرم الشريف فإن ذلك يحتاج لساعات طوال، والفنانات المرافقات كن في غاية الحشمة والأدب والوقار وهو رجل عاشق للسودان والفن السوداني.
وقال حسين شندي في رده على الاساءة التي تعرض لها من الفنان صلاح بن البادية أنه يحترمه ويحترم فنه وأسرته ولكن أن يحاول الطعن في رجولته بسبب هذه الرحلة ويصفه بالخيانة فإن ذلك كبير!
صحيفة الدار
مابنتوقع منك ياحسين جبريل تقول الفنانات اسان الادب او الشريف راجل مادوغرى وبتاع لولوة لانك اصبحت واحد من المنتدى الحالى على اقلو لكن للشريف شريط سابق مصور الناس كلها شافتو اوع تكون ماشفتو؟ ياربى الشى دا فن ورسالة فنان والا لقيط دولارات باى وسيلة نسال الله السلامة
:rolleyes: سيبنا من ادبة واخلاقة وكرمة الشريف بتاعكم دة مغرر في امتحان الشهادة قال عندوا اخلاق قال انتوا مشيتوا نيجريا عشان تحفظوة القران سيبونا من الكلام الفارغ بتاكم دة اهم شي البنات ديل يكونوا العدد كامل ما يكون واحدة اتخلفت هناك
اه والله كلامك صح ههههه انت ظاهر عليك ما بتدخل النت وبتشوف عمك الشريف بعمل شنو مع ندي القلعة حاول ان تدخل في اليوتيوب وشوف بعينك . ومين عارف يمكن في الايام الجاية نشوف ليك شريط يتم الناقصة . يا رجل مش كان تسكت ساكت بعد ما استلمت النقطة بتاعتك جاي هسه تورينا الشريف شنو . بالله عليك في زول بهدي سيارة اخر موديل لوجه الله !!!!!! يا حسين شندي غني غناك وما ليك بي الشريف وشوف ليك شغلة تانية اتكلم وخلينا من أدب وأخلاق وكرم الشريف لانه فعلا كريم في دولاراته
ياود شندي الجعلي اظنو الشريف اداك مرسيدس
أها يا أخوي نصدقك و نكذب شريط فديو المطربة المشهورة حيث الرقص الخليع و اللبس الخليع و التنقيط … هذا الشريط شاهده الملايين من السودانيين لذا كانت هذه الحملة الواسعة ضد هذه الرحلات … و الله قال أدب … أخاف ما شاهدناه بأم أعيننا من أفعال فاضحة يكون في نظرك قمة الأدب و الأحتشام … صراحة تصريح غريب جدا جدا
خالد مكة المكرمة
😡 طيب عرفنا عاشق الفن السوداني ليش ما قدم الدعوة الي الاستاز ود الامين والفنان العندوا غني الرجالة والفراسة قيقم اكيد الرجل المودب داء عندوا هدف ثاني نكون واضحين مش احسن المزعلنا اكثر انت من شندي اهل المك نمر