منوعات

طفل سوداني يشكو والده بعد حرمانه حق الفطور .!


إتصل طفل في السادسة من عمره بشرطة النجدة السودانية لفتح بلاغ في موجهة والده الذي ضربه ورفض اعطاءه ( حق الفطور ) ، ووقفت مصادر مطلعة على كثير من طرائف الرقم ( 999) في سياق تحقيق واسع عن مشروع النجدة بولاية الخرطوم ومدى تفاعل المواطنين معه ، بعد ان اصبحت اقرب وسيلة تواصل بين الشرطة والمواطنين ، وكشف مصدر مطلع بأن شرطة النجدة تقوم بتقييم البلاغات التي ترد عبر الاتصال وتحرك قواتها لمكان الاحداث في فترة اقصاها (3) دقائق ، يذكر ان خدمة الرقم (999) بلغت اهميتها القصوى إبان أحداث امدرمان التي ارشد المواطنون عبره عن فلول الهاربين ما مكن من القبض عليهم

صحيفة حكايات


تعليق واحد

  1. دا والد شنو البحرم طفل من حق الفطور أللة لا زرع فية بركة طفل عمرو 6 سنوات دا يفهم شنو؟؟؟ اية الحصل للسودانين من وين جابوا عدم الرحمة دي , الامر دا لو حصل في اي دولة اوربية كانوا انتزعوا منوا الطفل الغلبان دا ورعتوا الدولة

  2. :crazy: انا بفتكر انو الوالد يريد يعاقب ابنه على خطا ارتكبه او تصرف غير لائق بدر من الطفل والله نحن فى زمناابواتنا ضربونا وجلدونا وحبسونا فى البيت لمن بقينا ناس لكن اطفال الزمن دا الله يدينا خيرهم

  3. مره فى طفل سوداني يشكو والده للشرطة ابوه طوالى جابو السودان 000يجى يحصل الكلام دا فى السودان .ربنا لا يورينا اخر الزمان

  4. الله لايسمع اولادنا الخبر الشين دة , زمان الواحد لو زول في الحلة ضربه ومشى اشتكى لابوه, يلقى العلقة مضاعفة من ابوه …………..ززاللله يرحم ايام زمان
    ود الشجرة