ثقافة وفنون
نجوم الفن السوداني يشاركون في حفل زفاف ابنة شريف مايدوغري
تجري الترتيبات على قدم وساق في قصور الشريف لاخراج مراسم زفاف ابنته في شكل مهرجان غنائي بعد عيد الأضحى المبارك مباشرة بمشاركة ألمع نجوم الغناء السوداني، ويتم الإعداد لتوزيع رقاع الدعوة الشخصية للمغنيين والمغنيات الذين تم ترشيحهم حيث تضم القائمة بعض الأسماء اللامعة في الحركة الغنائية السودانية، وكشفت مصادر لصحيفة فنون أن الدعوات تجاوزت المغنيات العشر اللائي سافرن في الرحلة الأخيرة المثيرة للجدل، في وقت تصاعد فيه نبرة الرفض الشعبي والفني لتلك الرحلات التي ينظمها السيد علي ساس الشريف حاكم ولاية مايدوغري النيجيرية وأبدت عدد من الجهات رفضها الصريح لتلك الرحلات.
الشريف مبسوط منهم
زمن العجايب مغنيات سودانيات وخارج البلد حفلات رقص وقلة حياء اللة يهدي الجميع اين اولياء الامور النخوة ولاخلاص الفلوس وطنش ياريت تكون هنالك جهات تحد من تلك الظواهر يارب سترك
هذة فرصة كبيرة لنشر الاغنية السودانية لوفي شوية فهم انا كل ما اشوف الكابتن الدحيش والكابتن جكسا وخوف الام السودانية علي الابن وضياع اول فرص الحتراف الكروي الحقيقي
الذي كان من الممكن يكون فية لسودان قصب السبق بس خوف الام وكلمات زي سجمي ومتيمنة وولد حشاي طيع كل شي الان جات الفرصة لنشر الفن والمسيقي السودانية
واحسرتي
على خليفة انت مع الجماعة ولا ما ناقش حاجة انتشار شنو وضياع شنو ايرضيك ان يمثل فننا ندى باغنيتها الشهيرة الشريف مبسوط منى ولا كمان القالت الدلوكة فى طريقها للعالمية يا خوى رحلات فنية زى دى معروف وراها شنو وبعدين وين القنوات الرسمية من اتحاد فنانين وممثلين وخلافه من هذه الترهات ففنا ينتشر بالعمالقة ذوى الذوق الرفيع والكلمات المعبرة عن وجدان السودانيين مش لكزس ويا ربى تحفظ اعراضنا .
يا جماعة هو الشريف ده اسمه كده ولا هو من الاشراف بعدين اثرياء نا العندهم الفلوس المتلتله ديه ما يعملو بيها حفلات زي الشريف ده ويدعو ليها فنانين طبعا ما من نجيريا عايزنهمم يكونو من لبنان !!!!!
أنا غايتو ما عارف .. لكن حاجة مادام كثر فيها الكلام .. وكمان البروحو مغنيات فقط ؟!؟! بالرغم من الموضوع ما ليه علاقة خالص بانتشار اللأغنية السودانية .. لاننا نريد للأغنية السودانية ذات السلم الخماسي رصينة الكلمات وجيدة اللحن هي أن تنتشر وليس الأغاني مثل ورا ورا وما شابه .. وليس المغنيات المدججات بالذهب والثياب البراقة والبشرة المحكوكة بالكريمات أن يمثلن الأغنية السودانية ؟!؟!؟ لو في فنانة عندها ولي وسمع ما يقال وما يتردد من شبهات حول هذه الرحلات وهذا الشريف .. ما أعتقد إنو حا يترك بنته تذهب إلى هناك مهما كانت المغريات . والما عندها ولي .. وليها الحكومة ؟!؟!؟ . ويكفي من الشبهات ماهو منتشر في اليوتيوب ؟!؟! وعذراً على الكلام الجارح .. لأن الشمس لا تحجب بغربال …
دايرين نشوف من العمالقه وردي – ابوالامين -حمد الريح – نور الجيلاني – ودالباديه -علي ابراهيم اللحو – عبد القادر سالم عشان كان في واحده من البنات ديل لفت شمال
او حته الشريف نظر ليها نظره ناس نور الجيلاني واللحو وعبد القادر سالم اشيلو شيله حمل….