مغترب سوداني يطلق زوجته لنومها أثناء محادثة هاتفية ليلية

اكيد في سبب تاني وصاحبنا استغل الفرصه:confused:

اسأل الله ان يعيد هذا الرجل إلى صوابه ، و اذا كان كل مشكلة صغيرة ام كبيرة سبب لخراب البيوت لم تعمر البيوت منذ بدء الخليقة، ونحن كمسلمين لنا الأسوة الحسنة في رسولناالكريم (ص) مع زوجاته كما ارجو من الأخوة المشاركين تهدئة النفوس لا اثارت النزعات العدوانية بين الأزواج

ده أسلم قرار إتخذه ولو ما كان طلقها كنت سوف أشك في رجولته وهذا درس لكل النساء اللآتي يتجاهلن أزواجهن الذين يتحملون مرارات الغربه من أجل إسعادهن وتلبية طلباتهن التي لا تنتهي .

تستاهل لانها من النوع الغير مهتم المهم الراجل مصدر دخل ليها يموت يحرق عيان ما يهما وهذة تذكرة للاخريات.. السودانيات قليلات الاهتما بارجال وحقوا نعترف بكدة

نسأل الله أن يلم شمل هذة الاسرة خاصة واذا كان هنالك أطفال، ألا تعلم يا أخى ان أبغض الحلال عند الله هو الطلاق ، كما ان ابليس لعنة الله علية يعتبر أكبر عمل يقوم بة هو تفريق اثنبن فى الحلال. أخى أولاً ان اتصالك كان متأخراً خاصة ولسة أيام التعب ما راحت وذلك لكثرة الضيوف الذين كانوا يترددون عليك عندما كنت بالسودان وكذلك تعب أيام مرضك بالسودان و..و..و ..ولكن أنت أكثر انسان يعرف زوجتك اذا كانت فعلاً قصدت ذلك أم لا. كما ان هنالك فى العلم وأهل الطب يعرفون ذلك هو ان الانسان عندما يكون قد استغرق فى النوم للتو وتم ايغاظة فأنة لا يدرك الامر على الفور وانما يكون فى حالة بين صاحى ونائم وقد يغلب النوم حالة الصحيان فيستغرق فى النوم من جديد. وكم من حالة يتم ايغاظها أثناء النوم تأكل وتشرب وتتحدث ثم ترجع تنام وفى اليوم التالى ينكر كل ما حدث البارحة عسى ولعل أن تكون زوجتك من ذلك النوع .. هدى أعصابك انت أكبر من هذة الصغائر يا أبو الرجال .. مع تحياتى

القرار صائب لانه فعلا استفزاز ونسال الله ان يلم شمل الاسره

لا اله الا الله يا ناس حرام عليكم دى أعراض ناس حرام تخوضو فيها ولاواحد قيل ما يمس الناس فى اعراضها يتذكر انو عندو ام واخت وبكرة حيكون عندو بنت وبعدين ما قلتو فى رقابة وين الرفابة دى وكيف تمرر تعليق مهين زى ده (تلقاها مفردة واحد)والكلام الشوارعى ده؟اسال الله انك تتجازى على الكلام دى فى الدنيا قبل الاخرة والليلة قبل بكرة .
زمان كانت الأخلاق صفة السودانيين وفخرهم لكن للاسف بقينا اسواء من الكنا بنتكلم عليهم زمان لاحول ولاقوة الابالله اتقو الله ياعالم

يا خوانى ليه الظن السئ دا

احتمال تكون مريضة

احتمال تكون روحا طالعة مع اطفالو وشقاوة طول النهار وصحيان من النجمة عشان المدارس

واصلا هو يتصل 12 ليه ما يتصل من بدرى هسي دى مواعيد كلام ما يتخمد يمرض مرضو بالليل واتكلم معاها بالصباح

عالم روحا محرقاها وعايزة مشاكل

ياناس يطلق يعرس الشمارات ليكم شمار كل زول عندو راي ولو لا اختلاف الراي لبارت السلع في الرفوف بعدين انا مع الشباب في حزف تعليق الاخ الاول نحن ده ما اسلوبنا وانت كده ارتكبت ذنب بغذفك لانسانه تجهلها وعمرك ما شفتها اسال الله لك الهدائيه وافتكر انو عندك نسوان في بيتكم

افارم عليك وريهم علشان يعرفو اولاد المغتربين … نتعب علشانهم وهم نيام ؟؟؟ :lool:

والله انا ما عارف أقول شنو لأني ذاتي قاعد أوهم نفسي بحاجات ذي دي ويمكن تكون دي غيرة على زوجتة بس ضلت الطريق الى الطلاق ومرات الحريم يكرهوك حياتك بدل ما يشجعوك بكلمات جميلة تغير من نفسيات الغربة وكدا ….;)