الحوت يبتلع جامعة الخرطوم ..!!
تسبب حصار عدد كبير من طلا ب جامعة الخرطوم للسيارة التي كانت تحمل الفنان محمود عبد العزيز الي داخل الجامعة في إغلاق شارع الجامعة لمدة طويلة مما أسفر عن تكدس عدد هائل من السيارات في الطريق وأعاقت انسياب حركة المرور بالكامل وحاصر الطلاب سيارة الفنان مدة طويلة سبب الكثافة البشرية الهائلة التي تحيط بالبكسي الذي يقل الفنان ووقفت السدود البشرية حائل بينه وبين المسرح الذي لا يبعد 5 أمتار فظل حبيس سيارته قرابة ربع الساعة .. واستعصي هذا التزاحم على منظمي الحفل من توفير المدخل والمخرج لمحمود وفرقته وفي لمحة من صور التواصل والعفوية وبصعوبة مرهقة شق محمود طريقه للمسرح وسط أكوام المعجبات والمعجبين إلى داخل الجامعة ليحيي فيها الحفل الطلابي الذي نظمه طلاب من كلية الآداب بذات الجامعة وأبتدر محمود حفله الجامعي بـ(الخطوة من دونك) ثم تغني بـ(عشان ألقاك) واتبعها برائعة المرهف الأستاذ قاسم أبو زيد (أقمار الضواحي)
[/JUSTIFY]
بصراحة هذا المحمود فنان مجيد جدا .. فمن الظلم ان نطلق على محمود فنان وكذلك نطلق نفس اللقب على المتشعلقين فى الفن و الهايفين امثال البنا و فرفووور !!!
يا جماعه ده شنو هو محمود ده فنان ، و ناس الجيل الذهبى يقولو شنو يتقفل ليهم شوارع الخرطوم ؟؟؟
عموما لا احس باى شىء يؤكد ان اعلاه فنان وكمان الكتاب يزيدوها شوية محمود قفلو ليه الشارع محمود قفلو ليه المسرح غايتو نقول شنو مهازل فنية
ود التوم والجعلى انتو لسا بتتكلمو عن ود القبيلة دا تخلف ود القبيلة زمنو انتهى انحنا فى زمن بيحتقر وبينبذ القبلية والجهوية وبعدين محمود دا ما ود قبيلة برضو ولا وقع من السماء اى زول بفتحر باسم قبيلتو دا انسان تاففة ومتخلف هو الاخر السودان شنو غير العنصرية بتاعتكم دى
محمود يا رائع يافنان يامطرب يامايسترو ………اوصف فيك اوصف كيف يا الحيرته اوصافي
اين تعليقي يا نيلين
يا ابو احمد في قصة بتحكي انو الفنان القامة الراحل المقيم اسطورة الغناء السوداني في العصر الذهبي الكاشف حصل ليهو اكتر من الحصل لمحمود عبدالعزيز من الجماهير بقولوا شالوا عربيتو من الارض شيل وما حصل سمعنا كلام زي كلامك ده اضمحلال الخ…. ومحمود لا يقل مكانه من حيث الطرب والصوت والجماهير فنان كبير محمود عبدالعزيز وصاحب امكانية كبيرة مابختلفوا عليها اتنين وياريت لو في نقد يكون بنا وهادف بدل الاساءة لشخص الفنان محمود عبدالعزيز وده مادفاع عن محمود بالعكس دي حقيقة محمود فنااااااااااااااااان بمعنى الكلمة
محمود اسطورة وسلطان طرب ابى من ابى ورضى من رضى ي ابو احمد