[JUSTIFY][SIZE=5]كرر الرئيس عمر البشير ثناءه على برنامج (أغاني وأغاني) وقال مخاطبا المطالبين بإيقافه (هل الأفضل لأطفالنا أن يتابعوا الغناء السوداني الأصيل أم يتابعوا نانسى عجرم وغيرها من مواد الفضائيات المتفلتة).وقال البشير الذى كان يتحدث للقيادات النوعية بمحلية البطانة امس الاول ان البرنامج يعيدنا على الاقل للاغاني السودانية وقيمنا وتراثنا بدلا من ان يذهب الريموت بشبابنا الى المسلسلات الخليعة والاغاني المهددة للقيم.ودعا الرئيس البشير الى المواكبة دون تأثر بمحاولات طمس الهوية السودانية والاهتمام بالقيم والبرامج التربوية التى تحافظ على التراث والقيم الاصيلة.
وكان برنامج أغاني وأغاني الذى تبثه فضائية النيل الازرق فى رمضان اثار جدلا واسعا قبل بداية الشهر الفضيل وفى اعقاب توجيهات بإلغاء بثه لكن جهودا حثيثة انتهت الى تأخير زمن البرنامج الى الساعة الحادية عشرة مساء.[/SIZE][/JUSTIFY]
الراي العام
شوف موضوعك انت رئيس دوله مسؤل عن رعايها ايه الاستخفاف بي عقول الشعب ده
الناس عاوزه تاكل وانتي بتابع فى برنامج اغاني واغاني مفروض تكون اكبر من كده
والله ليهو حق مالك عقار يسرق ليهو 2 ترليون والمتعافي واخوك وجمال الوالي خليك فى اغاني واغاني
لو سمحت خلي عندك ديمقراطيه وانشر
هو في حد عنده تلفزيون او عنده وقت يتابع البرامج الناس جاريه
في معايشة الكل يوم صبحانه زايده الدولار وصل 5 الف وماشي زايد
وانتو ما جايبين خبر وبكل الاصرار بتطلعوا اسعار العملات في النشرات
ما حاولنوا تجاروا السوق او تحاربوا الظاهره دي الله الله علي الفساد
ويا ويلكم من القادم
دا القدرت عليهو يا سيادة الرئيس …. اين انت من هموم المواطن المغلوب على امره … زيادة فى السعار و غلاء طاحن و جرائم دخيلة على الشعب السودانى من اغتصاب للاطفال و قتل لاتفه الاسباب و انهيار للقيم السودانية الاصيلة وحروب و تفلتات للامن و الوطن كل يوم بيتقطع … انفصل الجنوب و دارفور فى الطريق … بطانتك الصالحة من امثال المتعافى بيسرقو و ينهبو اموال الشعب و يبنو بها العمارات و الفلل و السيارات الفارهه … كلكم راع و كلكم مسئول عن رعيته.
ومنو القال لك يالبشير أولادنا بتابعوا برنامج أغاني وأغاني أولادنا الزمن دا ضاعوا في الفضائيات وربنا يستر على الجميع والله المستعان
البشير خرف الفرق بين نانس عجرم و0000 بتاعة نجوم الغد المتبرجة شنو بعدين البشير ان وجد الصوفية هو معاهم وان وجد انصار السنة هو معاهم وان وجد الانصار هو معاهم وان وجد نجوم الغد هو معاهم خم سياسي