مجذوب أونسة: الفضائيات السودانية تجاهلتنا و اعتمدت على المجاملات..!!

[SIZE=3]لك العتبى يامجذوب أونسه يافنان وحليل زمان (وياحليل زمن البريد) زمان كان التلفزيون القومي قناة واحده وكان بجري وراكم وهسع رغم كثرة القنوات إنتوا البقيتوا تجروا وراهم…آخر زمن ..وكلامك صاح الواسطه بتلعب دوره والله في العيد مرات تفتح التلفزيون تلقى فنان واحد بيغني في قناتين أو ثلاثه قنوات في وقت واحد… في قناة تلقاهو مباشر وفي الباقين تسجيل ولو في طريقه كان جابوهو مباشر في كل القنوات دي !!!!!!! ومرات تلقاهو صوتو نشاذ وتقول عندو شرقه أو مخنوق غايتو أي زول بقى يغني في السودان …ومش بس الفنانين حتى الضيوف البجيبوهم في حوارات فنيه أو سياسيه أو رياضيه أو ثقافيه أو طبيه تلقاهم وجوه معروفه وبرضو ممكن تلقاهو بتكلم في قنوات مختلفه في وقت واحد وكأن السودان كلو محصور على الناس دي بس ..يعني هي الفاهمه وهي العارفه وهي العالمه بالرغم من إنو الضيف في بعض الأحيان بيكون فاهم ومقنع وظريف ودمو خفيف لكن برضو كترة الطله بتمسخ خلايق الله… الظاهر الضيوف ديل سايبين أرقامهم عند ناس القنوات ديل ولو أي قناة عاوزه تعمل برنامج يتصلوا بيهم وطبعاديل يجو فلللي أو يكونوا ساكنين جنب التلفزيون ولو الضيف الأساسي ما جاء يقوموا يدقوا ليهو الباب ويلبس بنطلونو ويجي طاير…. وممكن أديكم أمثله لبعض الناس البجو بشكل متكرر في القنوات دي ورغم إحترامي ليهم وبرضو أنبه بإنو بدون حسد (والله يشهد على ذلك) الأمثله والأسماء… التجاني حاج موسى… وفي واحد بنظارات كده الأيام دي قادينا إسمو محمد عجاج وفي السياسه في واحد إسمو طلعت فانوس وللا بطرس فانوس ماعارف وكمان في الهندي عزالدين وفي الكوره في ناس الساده وخالد المصطفى ومرات في عالم الرياضه بجيبو الديبه والحكم فيصل سيحه…. والفنانين والفنانات ديل عيييييييييييك ..كتار خلاص ناس واسطاتهم تقيله شديد… الواسطه بقت في أي حاجه في السودان والواحد خايف يجي يوم الأوكسجين ده يبقى بواسطه.(ياجماعه المتذكر ليهو أسماء برضو ممكن يورينا) المجال مفتوح..ولكم الشكر والتقدير وكل عام وأنتم بخير [/SIZE]