قرار جمهوري بتعيين مصطفى عثمان إسماعيل رئيساً للجهاز القومي للإستثمار

سبحان الله برضو مصطفى عثمان اسماعيل يعني حواء السودانية ما ولدت غير الولد ده!!!؟؟ الزول ده بصراااااحه كده ((ضرب)) صندوق اعمار الشرق لانو بلسانو قال التبرعات بلغت (( تلاته مليار وخمسمائة مليون دولااااااااااااااار )) من الكويت وقطر والامارات وغيرها من دول الخليج .. تصورو مبلغ قدر ده لاعمار الشرق وكل ما تم عمله حسب مصادر موثوقه انهم عملوا (سور) لبعض المدارس وكم (حمام) كده في بعض المراكز الصحيه الهلكااانه وحفروا ليهم كم (بير) اصبح الان ماءها (غورا) لا يستطيع الاهالي المساكين له طلبا !! بالاضافة الى كم (شجرة) زرعوها بمويه تناكر!! وهسع بيقولو انها نشفت كلها — مصطفي عثمان اسماعيل كان ولا يزال رئيس صندوق اعمار الشرق — لماذا لا يساءل من قبل البرلمان السجمان عن أين ذهبت هذه المليارات معقول يا جماعه 3 مليااار و 500 مليون دولااااار تروح كده سااااي ؟؟ وين النائب العام ؟ وين القضا؟ وين نواب الشعب ( الصناديد) الذين ياكلون الفول اكلا لما ويشربون الموية والعصاير شربا جما ويهتمون بمدى (نصاعة) العمة وطولها والجلابية ووجاهة المركوب النمر والعصاية وما ادراك ما العصاية ذات المقبض المفضض او المذهب عصايات الابنوس التي يتباهى بها التيوس !! اللهم انا ندعوك باسمائك الحسنى وصفات العلا ان تزيح هذا الهم عن صدورنا اللهم عجل برحيلهم يا حي يا قيوم يا من لا يعجزه شئ في السموات ولا في الارض — اللهم إنهم يحسنون (( لعبة الكراسي)) و (( تلبيس الطواقي)) اللهم عليك بهم (( حرك فيهم ما سكن وسكن فيهم ما تحرك)) انك قوي عزيز ارجوكم ارفعوا الاكف ضراعة لله رب العالمين ان يقبل دعاءنا وينصرنا على هؤلاء الذين اكلوا وما يزالون ياكلون وسوف يظلوا هكذا ياكلون ونحن ننظر اليهم في حسره.. ولك الحمد ربي من قبل ومن بعد…

[SIZE=5]قالوا في واحد مصري عنده شركة اسم (هريدي وشركاه) ناس الضرائب جوه سالوه يا هريدي فين الشركاء ما قدر يجاب قالوا له خلاص بكرة تمسح شركاه هريدي مسح وكتب (هريدي واخوانه) بكره تاني جوه يا هريدي دا شنو وين اخوانك برضو قالوا ليهوا امسح المهم خلاص زهج وقرف ناس الضرائب ديل قام كتب (هريدي لا شريك له) هريدي مفتكر بيسلم من الناس مرق من ناس الضرائب حضروا له التكفيريين اعوذ بالله دا شنو يا هريدي انت ما ارتديت عديل انت فرعون عديل جهاد نصر شهادة في حاجات من عندي سلامتكم نحن انفقعنا والشعب السوداني دا انفقع احسن نخفف ليهوا وجع ساستنا ديل[/SIZE]