هل وزير الدفاع السوداني مبتكر تقنية الدفاع بالنظر؟

[COLOR=#000DFF][SIZE=5]حيرتونا قبل ايام جايبين خبر السائحون يطالبون باستقالة وزير الفاع واليوم تدافعون عن الوزير ولا نظام الراى والراى الاخر[/SIZE][/COLOR]

محاولة فطيرة منك لتبرير ما جاء بة اللمبى .. طيب ويوم ضربة اليرموك النظر ما اشتغل واللا شنو؟ واللا الواطة كانت ضلمة زى ما قال اللمبى

تلج تلج تلج ههههههههههه ..

أولاً يا سيدي الفاضل العزيز، الكلام الجبتو دا كلو الإقتبستو دا ما فيهو كلام بيقول دفاع بالنظر .. الكلام كلو عن تطوير المراقبة الجوية بالنظر .. وتطوير المراقبة بالنظر .. ما في زول بيدافع بالنظر يا جماعة .. ولا شك إطلاقاً إنو أخونا اللمبي هو دون شك مخترع الدفاع بالنظر، والتحية كامل الفخر للإعزاز للوزير السوداني الرائع مخترع الدفاع بالنظر لول

وبعدين يا سيدي الفاضل التلج ما بكسروه بالطريقة دي، حمانا الله وإياكم شر التلج الساقط ياخي، أقول ليك كلام .. علي الطلاق اتخيل لي الوزير ذات نفسو لو شاف كلامك دا ينشرط بالضحك. تلجك ساقط ياخ!!

التحية والإجلال لوزير الدفاع السوداني الفريق أول ركن عبدالرحيم محمد حسين ، وهذا ماقصده بالضبط إدخال منظومة النظر كوسيلة من وسائل متابعة العدو أو الطائرات الدخيله على الأجواء من ضمن الأجهزة المستخدمة من نقط المراقبة الجوية بالنظر،لاكتشاف الأهداف المنخفضة والمنخفضة جداً ، نسبة لعدم إمكانية رصدها بالرادارات لدعم الحقل الراداري

[FONT=Arial][SIZE=5][B]

هو إنتو لو عندكم نظر كانت إتقصف السودان 3 مرات

بعدين غيروا لينا صواريخ الدفاع الجوي وراداراته المن الحرب العالمية الاولى دي[/B][/SIZE][/FONT]

[SIZE=5]انا غضبي ليس وليد اليوم ماذا كانت تعمل وزارة الدفاع طيلة عهد الانقاذ وهل الحرب وقفت شهر 15 يوم بالسودان وهل وزارة الدفاع معتقدة بان الحرب فقط ارض ومشاة ونحن في القرن والعهد الذي توصلت اليه التقنية الى ما لا يتوقعه الاخرين الكل متفق بان الجنوب منفصل لا محال من قبل التوقيع لم يخطر في بال مسسؤول ولو مدني ملكي بان الحرب سوف تختلف لعبتها – البترول ضخ عشرات السنين الفقر هو الفقر او ربما اشتد لا عملتم مشاريع تنمويه على الاقل لو كنتم طورتم سلاح الجو كنا بنحترم تصرفكم وخصوصا وزير الدفاع من العيب في حقه هو مهندس كيف فاتت عليهو الشغله دي – اليوم هجوم لطيارة بدون طيار يعادل تحرك فرقه مشاه ولا يوجد شيء مخفي عليكم فقط لا توجد همه ومسوؤلية وربنا يحفظ البلد شخصي وبكل امانة بقيت ما بثق في اي مسؤول وسياسي سوداني كيف ترجعوا لينا هذه الثقه كلام كثير بيقال وينشر الغلط منو الصاح منو الله اعلم المهم نحن متلخبطين خلاص بقينا في شك على طول يعني لو كانت امراة لحرمت على زوجها [/SIZE]

تعرف يا شيخ عبده لى اقتراح حيجننك
من الافضل كمان تعملوا لكم سور متين على طول امتداد الساحل واعملوا فيها عيون سحرية لمراقبة البوارج المخترقة لحدودنا البحرية وما تستعجلوا تنقضوا عليها وهى بعيدة لالالا خلوها تقترب بس المهم كثروا من الشباك العريضة المتينة لصيد الاسماك …عفوا لصيد الحيتان لان البوارج من فصيلة الحيتان
وكده يا عبود حتكونوا وفرتم مبالغ مالية هائلة لخزينة الدولة
بالله عليك يا عبدوج مش فكرة جهنمية ستتناقلها الاعلامات كلها وربما تتساقط
عليكم المكافاءات كزخات المطر بس ما تنسانى يا خبيبى عشنا وشفنا ولسع حنشوف اكتر لو فى العمر بقية

[B[SIZE=5]بمناسبة الدفاع ب]النظر دي عندنا قريبنا مسن جالس في السهلة وفجاءة التفت حوله وشاهد (( ديك )) ماجدادة علي بعد امتار والتفت نحو ابنته مناديا ها بني فلانه : انتي داااااااااااااااااااااااااااااااك ماحماري؟ وكل يري حسب مقداته النظريه وشوووووووف يامشاهد[/SIZE][/B]

طيب نفترض الكومة جابت زرقاء اليمامة وتمكنت من التقاط الطائرات بعينيها الحادتين حيوقعوهن كيف؟
يجيبو سحارين عينهم حارة حتى تكتمل النظرية؟
اتوقع كسار التلج الكتب الكلام الفوق ده المرة الجاية حيقول كدة ويجيب ادلة دينية على العين وقوتها واهمية تسخيرها في الدفاع الجوي؟
اتوقع يجيبو مع الانسة زرقاء سحار من النوع البقول:
ها جنا ها شوف الداهيةدي (الشبح) فارة زي الحدية البتدور تختفلا سيسيو!
تقوم الطيارة رب تجي واقعة
بس في مشكلتين
الاولى انو السحار يطق زرقاء اليمامة عين يعميها
والتانية انو السحار ده حيكون مختلى بزرقاء اليمامة في كورنيش البحر والجو الرومانسي داك ودي ممكن تتحلا بانو السحار يتزوج زرقاء اليمامة
لكن تظل خطورة انو يطقا عين قايمة
وبالمناسبة دي انا عندي اختراع متبرع بحقوقو الفكرية لوزارة الدفاع والتصنيع الحربي وهو كالاتي:
يجيبو كل السحارين ذوي العين الحارة من داخل البلاد وخارجها ويجيبو ليهم حاجات سمحة وغريبة عشان يطقوها عين ويسجلو العملية بي مجسات قادرة على رصد الطيف المدمر من الموجات الكهروسحرية
اها بعد كدة ما عليهم الا انه لو لواء الدفاع بالنظر رصد طيارات حربية عدوة ما عليهم الا ان يبثوا هذه الموجات الكهروسحرية في المنطقة ديك باستعمال اجهزة البث المستعملة في القنوات الفضائية بس اهم حاجة ناس لواء الردع يكونو مستنين بي تحت ومنتشرين عشان لو الطيارين نطوا ببرشوتات يلموهم قبل ما يأزوا المواطنين