طالب سوداني يتقدم بشكوى ضد قنصل السفارة السودانية في باكستان السيد معاوية عمر
بسم الله الرحمن الرحيم
لاهور في: 31/12/2012م.
سعادة السيد وكيل وزارة الخارجية السودانية،
بواسطة: سعادة السيد سفير جمهورية السودان لدى جمهورية باكستان الاسلامية حفظهما الله
السلام عليكم و رحمة الله و بركاته،،،
الموضوع : شكوى ضد السيد معاوية عمر القنصل بسفارة جمهورية السودان لدى باكستان
وتظلم ضد سعادة الدكتور الشفيع احمد محمد سفير جمهورية السودان لدى باكستان
بداية أسأل الله سبحانه و تعالى أن يعينكم ويوفقكم في حمل الأمانة وأداء الواجب على الوجه الذى يرضاه وأن يجدكم مكتوبى هذا وأنتم تنعمون بوافر الصحة والعافية، مقدمها الطالب المُحب لوطنه والعارف لفضلكم احمد الهادي عبد الله يعقوب،طالب سوداني حضرت الي باكستان منذ العام المنصرم (2011م) حيث قدمت في مقاعد المنح الاضافية وغير المستخدمة والتي يتم التقديم لها منذ بداية شهر ثمانية وينتهي التقديم لها مع منتصف شهر تسعة من كل عام. ويتم وضع القائمة بناء علي نسب الطلاب العليا ويتنافس الطلاب حسب درجاتهم علي هذه المقاعد الممنوحة من حكومة باكستان الي الشعب السوداني كما توجد عشرة مقاعد منح مخصصة لجمهورية السودان والاولوية في هذه المقاعد لطلاب الجالية السودانية بباكستان ويوزع الفائض منها على باقي الطلاب مع الأحقية للأعلي نسبة من بين الطلاب القادمين من دول الخليج والسودان.قدم لي اخي الاكبر العام السابق علي المقاعد الاضافية لدراسة هندسة الميكانيكية في جامعة الهندسة بلاهور وتم قبول المجموعة الاولي من القائمة وكان عددهم خمسة عشر طالبا في الهندسة وثمانية في الصيدلة وصار اسمي في قمة القائمة الموجودة بالوزارة وترتيبي صار رقم ثلاثة، واذا بي أفاجأ بأن تُرسل السفارة قائمة جديدة في منتصف شهر ديسمبر 2011م وبها طلاب أسمائهم لم توجد أصلا في القائمة الاولي !؟ ومنهم اثنين من أبناء أصدقاء السيد السفير بسلطنة عمان وهما الطالب (احمد موسي حسن) مقبول هندسة بجامعة داؤد الهندسية وغيرهم من الطلاب الذين تم إعطائهم قبول من غير وجه حق!! فأسمائهم لم تكن مُدرجة في القائمة الاولي بوزارة الاقتصاد التي أرسلتها السفارة قبل ثلاثة اشهر ولا نسبهم الدراسية أعلي من نسبتي !!؟ فقط لدى ذويهم معارف وواساطات. عند ذهابي الي السيد مسئول شئون الطلاب مع أخي للاستفسار عن مصيري أخبرني بأن المقاعد قد نفذت ويتعين عليّ أن أقدم للعام القادم !! واضطررت أن أمكث لمدة عام كامل بالبيت السوداني في اسلام أباد حيث إلتحقت بمعهد لتعليم اللغة الانجليزية بجامعة نومل باسلام اباد مع الاخ محمد اسامة السيد الذي واجه نفس مصيري !! وعند اجتماع السيد السفير مع أعضاء الجالية السودانية بالبيت السوداني اخبرته بانني متظلم ولدي شكوى أمام اعضاء الجالية، فاخبرني بأنه قد قام بتشكيل لجنة لهذا العام وهي تضم واشار الي د. فتح الرحمن قرشي رئيس الجالية والاستاذ يوسف الطاهر اللذان كانا متواجدان في ذلك اليوم. وانه في هذا العام سوف تكون الشفافية والعدل والمحاسبة.. وفعلا ذهبت الي الدكتور فتح الرحمن والاستاذ يوسف الطاهر اللذان طمأناني وطلبا مني أن أعجل فوراً بتقديم أوراقي في السفارة !! وكنت والاخ محمد اسامة السيد من اوائل المقدمين لهذا العام.. وفوجئنا بان اللجنة قد تغيرت بعد سفر السيد السفير فلقد تم إبعاد رئيس الجالية د.فتح الرحمن والاستاذ يوسف الطاهر وصار رئيس اللجنة السيد القنصل معاوية عمر وعضوية كل من د. مركز ود.عبد المنعم !! وتوقعنا من اللجنة ان تضع اسمائنا ضمن قائمة العشرة منح المخصصة لدولة السودان لانه قد تم ظلمنا العام السابق بغير وجه حق وجلسنا بباكستان لمدة عام كامل ننتظر الفرصة حيث يتم إعطاء الفرصة للطلاب الاعلي نسبة. وتم إضافة ابن السيد السفير مجاهد الشفيع احمد واعطائه قبول هندسة مفتوح !! يختار الدراسة التي يريدها بجامعة الهندسة بلاهور!؟ وتم ارسال سكرتير السفارة ليقوم بإجراءات تسجيله علما ان هنالك طلاب نسبهم أعلي منه!؟ وانتظرت ان اجد فرصة في المقاعد الاضافية والتي تاخرت لمدة طويلة وذلك لأن السفارة أرسلت أكثر من أربعة خطابات الي الوزارة اثنين من السيد القنصل واثنين من مسئول شئون الطلاب الاستاذ محمد الضئ علي وفي كل مرة يتم حزف أسماء واضافة أسماء اخري ويتم إلغاء أسماء مما جعل الوزارة في حيرة أمام أي توقيع تقبل هل بتوقيع مسئول شئون الطلاب الاستاذ محمد الضئ علي ام بتوقيع السيد معاوية عمر !!؟ ويفضح هذا التخبط مدى التلاعب الذي أربك الوزارة وأضر اشد الضرر بالطلاب حيث انقضي السمستر الاول من هذا العام !!؟ وعندما نذهب للوزارة يعطوننا صور من القبولات ويخبروننا بانهم ارسلوا خطابات القبول الاصلية الي السفارة منذ اكثر من اسبوع !!؟ وعندما نسال السيد القنصل يخبرنا بانهم لم يستلموا قبولات !!؟ وبعد فترة تم وضع قائمة القبولات علي حائط السفارة وعددها تسعة عشر مقعد في الهندسة وعشرة مقاعد في الصيدلة وبما ان ترتيبي في القائمة الاولي التي ارسلت الي الوزارة كان ترتيبي رقم تسعة وترتيب الاخ محمد اسامة رقم احدي عشروكانت رغبتي والاخ محمد منذ العام السابق ان ندرس بجامعة الهندسة بلاهور فوجئنا بانه تم قبولنا بجامعة الهندسة بمدينة بشاور الحدودية مع افغانستان وهي مدينة غير آمنة ومضطربة حيث التفجيرات تكاد تكون شبه اسبوعية اليوم تم تفجير في وسط مدينة بشاور أدي الي مقتل أكثر من واحد وعشرين من الشرطة وقبل اسبوع تم تفجير موكب وزير الموصلات!!؟وهي منطقة نفوذ طالبان باكستان.. !!؟ على الرغم من كل الطلاب تم قبولهم بجامعة الهندسة بلاهور واحد عشر طالبا نسبهم أقل مني!!؟ فقط انا ومحمد اسامة الي بيشاور! وعندما ذهبت الي السيد القنصل معاوية اطلب منه خطاب عدم ممانعة موجه الي الوزارة من اجل ان احول انا والاخ محمد اسامة رفض رفضا باتا علما بأنه رئيس لجنة القبولات التي صارت تتكون من شخص واحد فقط!!؟ والتي من أهم مهامها ان تكون في صف الطلابوتحل مشاكل الطلاب بكل الطرق الممكنة لانها لجنة كُونت من أجل صيانة حقوق الطلاب ويغلب عليها الطابع الأبوي والأكاديمي وليس الولاء السياسي،بل يجب عليها ان تحُث السيد مسئول شئون الطلاب بالسفارة من أجل مساعدة الطلاب،، غير أنها صارت عبئا علي الطلاب وتقف ضد مصالحهم ومطالبهم المشروعة !!؟علما بأن السيد القنصل يعلم ماعانيناه من طول مدة إنتظار وصعوبة ظروفنا وأوضاعنا المادية الصعبة حيث التحويل من السودان مقفل تماما!؟ ولم نطلب أكثر من خطاب عدم ممانعة تصدره السفارة السودانية لأي طالب يرغب في التحويل من مدينة الي أخرى وأي طالب يرغب في التحويل من مجال دراسة الي مجال آخر يرغبه (مرفق رقم 6) وبموجبه توافق الوزارة علي أي طلب يردها من أية سفارة أجنبية وخاصة السودانية .
عندما رجع السيد مسئول شئون الطلاب الاستاذ محمد الضئ علي من السودان كتبت له طلبا بانني أريد التحويل من مدينة بيشاور الي لاهور لانها غير امنة,,ابدي موافقته وحسن تعاونه وطلب مني ان اذهب الي الاستاذه احسان واحضر منها فورمات تقديمي الاولي وانه ان وجد انني قد كتبت رغبتي بلاهور فانه سوف يعطيني خطاب عدم الممانعة بل وذهب اكثر من ذالك حيث انه في حالت ان المقاعد امتلأت في لاهور فليس عنده مانع من اتبادل مع ابن خالتي المقبول بجامعة الهندسة بلاهور الذي تم قبوله في السودان (نصر الدين الطيب عبد الله) علي ان احضر خطاب من المحامي وموثق من السلطة القضائية والخارجية بموافقته علي التبادل معي!؟ وطلب مني الاستاذ محمد الضي ان اكتب طلبا بذالك وفعلا كتبت الطلب ووافق عليه واصدرا اومره للسيد راشد بطباعة خطاب عدم الممانعة ولاكن السيد القنصل الذي وصل من مدينة كراتشي رفض اصدار خطاب عدم الممانعة لانه رئيس اللجنة!؟وهو خطاب تصدره السفارة السودانية وباقي السفارت الاخري لكل من يرغب في التحويل من جامعة الي اخري او تغير مادة الدراسة لانه في معظم الاحيان لاتكتب الوزارة الرغبة الصحيحة للطالب كما هي مكتوبة في طلب التقديم وتطلب الوزارة خطاب عدم الممانعة لتغير مجال الدراسة حسب رغبة الطالب.وعلي سبيل المثال لا الحصر العام السابق قامت الوزارة بتحويل اكثر من 9 طلاب سودانيين من مدينة الي مدينة وتغير مجال دراسة الهندسة لاكثر 12 طالب سوداني .
علما بانني والاخ محمد اسامة وبعض الطلاب يوميا نحضر الي السفارة من الصباح الي اخر المساء ننتظر لنعرف السبب في الرفض !!؟ والسيد السفير لا يريد ان نقابله ولا يرد علي اتصالاتنا!!؟وفي يوم الجمعة الموافق 28.12.2012 تم استدعائنا مع الاخ محمد اسامة وبعض الطلاب المتواجدين في استفبال السفارة السودانية الي مكتب السيد السفير الذي كان معه مسئول شئون الطلاب ونائب السفير الاستاذ محمد علي الضئ والسيد القنصل معاوية عمر .. وتم اخباري بانه لن تعطيني السفارة خطاب عدم ممانعة ابدا وانني اذا لم اذهب الي بيشاور فانه يوجد من يشتري ويدفع في مقعدي هذا اربعة عشر الف دولارا !!؟والسيد السفير لم يقل شيئ فلقد توقعت ان يرد علي هذا القول المشين الذي يصدر من دبلماسي مهمتة في المقام الاول هي ان يساعد ويحل كل المشاكل التي تواجه الجالية السودانية في الخارج والدبلوماسية هي فن الممكن والدبلوماسي تم منحه كل هذه المميزات في الراتب الباهظ بالدولار والسيارات الفارهة والمنازل الفخمة لاجل خدمة المواطن السوداني وتذليل الصعاب له وحل مشاكله بالكامل ما امكن ذالك ثم بعد ذالك تقوية العلاقات مع الدولة المضيفة وعكس وجه السودان المشرق!!؟
واقول للسيد السفير اذا كنت محايدا في محلات الظلم فقد اخترت ان تكون بجانب الظالم !!؟ وان لم تسطيع قول الحق فلا تصفق للباطل !!؟ عن اوس بن شرحبيل قال: قال رسول الله صل الله عليه وسلم (من مشى مع ظالم ليعينه وهو يعلم انه ظالم فقد خرج من الاسلام)
صحيح انني طالب صغير في عمري ومحدود في معرفتي وتجربتي في الحياة ولكن تعلمت انه في هذه الدنيا الفانية لا يتواضع الا الكبير ولا يتكبر الا الحقير ولا تقاس العقول بالاعمار ،،فكم من صغير عقله بارع وكم من كبير عقله فارغ ،،، فعلي الانسان ان يكون كالمطر اينما وقع نفع !! وكما قال رسول الله صل الله عليه وسلم (خير الناس انفعهم للناس) ومن فرج عن مسلم كربة من كرب الدنيا فرج الله عنه كربة من كرب يوم القيامة)
إن الرفض الذي أبداه السيد القنصل غير مبرر وليس له حجة أو مُبرر يسنده!! والأدهى والأمّر أن نجد نفس الشخص الذي رفض إصدار خطاب عدم الممانعة لنا لغرض التحويل قد اصدر خطاب عدم ممانعة لأحد الطلاب من منسوبي المؤتمر الوطني بلاهور . تعلمون سعادتكم أن الله جل جلاله حرّم الظلم على نفسه وحرمه على خلقه وسوف يقتص سبحانه وتعالى من الظالم في الحياة الدنيا حتي يعتدل ميزان الحياة ويعرف الناس ان الظلم له قصاص دنيوي فضلاً عن جزاء الاخرة، ويقول المولي عز وجل (وَلاَ تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ) الاية 42 سورة ابراهيم. ويقول الرسول صلى الله عليه وسلم (اتقوا دعوه المظلوم وان كان كافرا فإنه ليس دونها حجاب) ويقول (اتقوا دعوه المظلوم فإنها تصعد الى السماء كأنها شراره) وورد في حديث أبوهريرة عن دعوة المظلوم (يرفعها الله تعالى فوق الغمام، وتفتح لها أبواب السماء، ويقول الرب تبارك وتعالىوعزتي لأنصرنك ولو بعد حين) المصدر: صحيح الجامع.
في الختام لم أكتف بدعاء سيدنا يعقوب عليه السلام عندما تآمر عليه بنوه (انما أشكو بثي وحزني الي الله) بل لجأت إليكم سيدي الفاضل وكيل وزارة الخارجية السودانية عشمي أن أحظى بما استحقه من إنصاف وسأغدو وأسرتي ممنونون إلى سعادتكم مدي الحياة في حال تكرمكم بالنظر الجاد في أمر مظلمتي ورد الظلم عني،وسندعوا الله لكم من صميم قلوبنا أن يجزيكم عنا خير الجزاء وأن يوفقكم ويثيبكم يوم لا ينفع مال ولا جاه ولا بنون.. وجزاكم الله عناوعن إخوتنا المواطنين كل خير،وتفضلوا بقبول فائق التقدير والاحترام ،،،،،
مقدم الشكوي الطالب :
احمد الهاي عبدالله يعقوب
Room No.77 Iqball Hall
University of Engineering & Technology- Lahore
نسخة : للجالية السودانية باسلام اباد وللجالية السودانية بكراتشي
ياولد اقرا قرايتك لو كان فى زول بيحاسب زول البلد ما كانت فقدت نصفها والنصف الاخر بيقاتل المركز الذى ننتمى اليه وانصحك باكمال دراستك من سكات لانو هنا الواحد بيشتغل عسكرية عديييييل وبيقاتل عشان شنو ما عارفين وبرضو ما بيلقى دراسة قدر الموجودة اصلا
[COLOR=#FF0036][SIZE=7][FONT=Simplified Arabic]يا ابني الفساد استشرى حتى فاحت رائحته بالخارج والداخل، ولا حياة لمن تنادي فاللعبة أصبحت على المكشوف، والكل يكبر في كومو ، وليذهب الغلابة الى الجحيم!!! لك الله يا وطني فقد أضاعوك في كل شيء بدأ من الشريعة ، وانتهاء بالاقتصاد، والتعليم كما نرى فقد انتقل الفساد الى الخارج حتى وصل الباكستان ، ومافساد وزارة الأوقاف والشئون الاسلامية ببعيد في أوقاف السودان بالمملكة.يادكتور نافع/عووووووووووووووووووووك [/FONT][/SIZE][/COLOR]
ربنا لا تسلط علينا بذوبنا من لا يخافك و لا يرحمنا…
ربنا لا تول أمرنا من لا يوقر كبيرنا و يعطف على صغيرنا…
لشتكيت القنصل للسفير وكونو لجنة وهسي بتشتكي السفارة للوزير وحيكونو لجنة تنبثق منها عدة لجان عشان كل لجنة تدرس ناحية معينة من مشكلتك ,المهم يا اخوي شوف ليك قريشات اشتري بيها تزكرة وارجع بلدك الناس ديل لو انتظرتهم حتعتت في باكستان دي وما بعيد بكرة نلقاك شايل كلاش ومنضم لي طالبان .
[SIZE=4][B]لا حولا ولا قوة الا بالله[/SIZE][/B]
[B][SIZE=4]اتقوا الله يامسؤليين الناس ديل في غربة[/SIZE][/B]
[B]هذا هو الفساد الذي عم وانتشر وضيع البلد
ووضع وزراء لا يستحقون الوزارة
لك الله يابني [/B]
ابني رد الله غربتك غانما ومحققا لاملك ..
انت حكيت لنا كل الظلم الذي اصابك او وقع عليك وتعاطف الجميع معك وما رأيناه انه ظلم لايرضاه مسلم وما لمسناه ان بالامر تفرقة اما عنصرية واما سياسية او مادية بالاضافة للمحسوبية التي لاتخفى على احد ..دون ان نعرف وجهة نظر الطرف الثاني
ابني العزيز انت شددت الرحال الى بلادي بعيدة طالبا العلم والمعرفة وماهي الا مسافات قصيرة تبعدك من ابعد ما يكون وصانا الاسلام بالذهاب اليه لتلقي العلم ..
ان مافعلتموه يكفي ان كان هناك من يريد انصافكم لانصفكم ولكن حسب روايتكم انه لا احد سيفعل ذلك بل وربما زاد الطين بلة بشكواكم هذه !! وربما ستعانون اكثر ، لان حسب رؤيتي الشخصية ان بالامر تشفي في شخصكم وفي الامر تحقير لمطالبكم وبالبلدي عايزين يقولوا ليك اعلى مافي خيلك اركبه وابشرك بعد الشكوى دي ووصولها للاعلام حتتعب اكتر الله يكون في عونك لان البلد وصل الى مراكز السلطة اناس متشفون وحاقدون والله يستر
يا إبني فعلا إنت مظلوم ولكن سمعت المثل البقول لو جريت جري الوحوش غير رزقك ما بتحوش ومع الجبهجية مافي حوش فكر في غيرها ربنا يوفقك .. والله المستعان
[SIZE=6][B][COLOR=undefined]هذا الظلم والذى يقول هذا الطالب أنه قد لحقه من مسؤولى سفارتنا بباكستان + الفساد + الإختلاس + الرشاوى + المحسوبية + الوساطات + كل فعِل وعمل قبيح ومُشين يقوم به منسوبى الدولة من وزراء ومديرين وسفراء وقناصل وموظفين وغيرهم ويُنشر فى كل صباح جديد بمختلف وسائل الإعلام ولا نسمع بأن الدولة قد حققت فى ما يُقال ويُدّعى بل الصمت المُريب هو المُسيطر ولا نسمع حساً ولا حتى همساً من القيادة فى هذا البلد وعلى رأسهم الرئيس البشير والذى نقدره ونجله ولكن كثرة الكلام عن تلك القضايا وبشكل شبه يومى قد أزكم الأنوف دون أن نرى ما يشفى صدور أهل السودان من هؤلاء المارقين والفاسدين والذين شوهوا سمعة الحُكم وبل هم فى غيهم سادرون لأنهم يعلمون علم اليقين بأن لا أحد سيحاسبهم أو يسألهم مجرد سؤال ، فيا سيادة الرئيس إن الشارع قد بدأت ثقته تهتز فى مصداقية الحُكم فهلا تحركت عاجلاً وضربت على رؤوس هؤلاء بقبصة من فولاذ حتى تعود الأمور لما ينبغى أن تكون عليه لأن السكوت كما يقول المثل علامة الرضا ولكن أعتقد جازماً بأنك لا ولن ترضى بما يجرى وأن الله سائلك يوم القيامة عن ما يقوم به هؤلاء لأن مسؤولية هذا البلد وبنيه فى عنقك . [/COLOR][/B][/SIZE]
رحم الله سيدنا (سعيد بن عامر) حينما ولاة سيدنا عمر بن الخطاب (حمص) رفض الولاية في بادئ الامر لما فيها من خطورة و مساءلة امام الله يوم القيامة …يوم لا ينفع مال و لا بنون و لا اقارب و لا اصدقاء و لا سفير مقرب ….و انتم يا من توليتم امر بعثاتنا في الخارج امثال القنصل (معاوية بن عمر ) و السفير (الشفيع بن احمد) اعلموا ان الله يراكم من فوق سبع سماوات و يسمع اقوالكم و يعلم ما جرحتم بالليل و النهار … اقول لكم عاملوا عباد الله كما تريدون ان يعاملكم ربهم و ربكم فان الظلم ظلمات يوم القيامة …اني لكم ناصح و لكل من تسول له نفسه ظلم الاخرين…ان يعي الدرس من نهايات القرى الظالمة التى دمرها رب العباد بسبب الظلم الذي كان مستشري فيها….
يا ود الإنتباهه إنت شايت وين ؟؟؟ هو الولد دا هسع بقاتل عشان يقرأ ما قال عاوز يشغلوه في السفارة.
يا حبيبي إنت بالك طويل علي الطلاق أنا لو في محلك أعمل عملية إبليس ما سواها
[SIZE=4][FONT=Arial][HIGHLIGHT=undefined]والله يا أخوناعشنا نفس الوضع ف باكستان والحمدلله اتخارجنا, الله يعينك بالجد وأصلا حاجة معروفة وما براك المتضرر ف باكستان, كلنا السودانيين هناك أي شي دايرو يتعكس لأنك سوداني حتى “سفارتنا” أصبحت محل سخرية دوائر الشرطة والجامعات ف باكستان وحتى أشقائنا العرب.. الله بعينك بجد ! أنا تقريبا حصل لي نفس الموقف لكن وروني من البداية أحترمت نفسي ومشيت دفعت رسوم الجامعة! ونسبتي عالية وتقريبا أعلى من نسبة المقبولين بمنح ف دفعتي ,, وأنا متأكد مليون ف المية أنو المقبولين معااك ديل في كم واحد قبول مزيف وحتتباع منحهم للسودانيين الجايين من الخليج !! ما ترجى ليك زول وأتذكر دايما الله في وان شااء الله ربنا ينصرك !![/HIGHLIGHT][/FONT][/SIZE]
سلام عليكم
يا أخوانا بالدارجي عديل: أنات اني ما داير زول يقول لي نحن السودانيين، ودي ما من عاداتنا، وكلام من القبيل ده.
هذه القصة قد تكون صحيح 100في100،وأنا شفت مثلها كثير… فهذا تصنيف عينك عينك، تصنيف عوير وتصفية بالبطيء.
لقد أراد الله أن يكون سبب تعليم هذا الأخ وغيره، في يد هؤلاء الحمقان الذين مكنتهم الحكومة من الضرب بالدولة.
قال أحدهم: لكل داء دواء يستطب به *** إلا الحماقة أعيت من يداويها.
هم فاضين ليك؟ عندك مثلا ناس السفاره السودانيه في الصين عاملين حفلة الاستقلال بانصاف مدني
بعد السلام والتحايا…اعانك الله اخى الكريم وانت تجابه الصعاب فى سبيل الدفاع عن مستقبل مشرق يفيد سوداننا اولا قبل اسرتك الصغيرة بدراسة الهندسة..على كل مسئولينا التعامل بروح الوطنية بدلا عن اللونية السياسية الضيقة ووضع خدمة الطلاب وتسهيل امورهم قبل كل شى …على السيد معاوية ان يفرج هم الطالب السودانى بروح الابوية حتى يبدا حياته بشكل سليم
ظلم+فساد+رشوة+محسوبية+غناء+رقيص= حكومة السودان
الله معاك ي ابنى وربنا يوفقك
[SIZE=6]لا حول ولا قوة الا بالله
والله اللعب بقى ظاهر … ياريت المسولين يتقو الله في البحصل دا[/SIZE]
[COLOR=#FF0036][FONT=Arial Black][SIZE=7]ماعارف اقول ليك شنو يا احمد غير بلجد الله ماخلو فيك حاجه يديك العافية علي طولة بالك اتعاطفت معاك شديد في ولدنا في لاهور اسمو المغداد فاضل شوفه اشرح ليه المشكلة بعدين بوريك تعمل شنو امسك فيه قوووووووي والله بحلها زول ضكران ربنا يغتيكم[/SIZE][/FONT][/COLOR]
رقمه00923334442266
ي زوووول هوي انت ماشي تقرا ولا تدق جرس احمد الله ادوك قبول نحن هنا كسره نختها في خشمنا م لاقنها قوم لف ياااخ
انت مصيبتك ولا شي مقارنه بي ناس
يااااخ انا اقول ليك حل اكلم طالبان يجو يحتوهم واحد واحد
خلاص ياااااااااااااخ