ثقافة وفنون

شلاقة مذيعة قناة النيل الأزرق : قالت: «من هنا نبعث التحايا للشهيد الزبير محمد صالح»

هل الجمال وحده يصنع مذيعة؟.. فالإجابة بالطبع لا تحتاج لعناء، لأنها لا وألف لا، ولكن اتضح أن مذيعة قناة النيل الأزرق الناشئة شهد المهندس تعتقد بأن الجمال وحده يصنع مذيعة، لافتقارها لمؤهلات المذيع الجيد، فهي صاحبة حضور ضعيف جداً في الشاشة من حيث الاداء، وتقع في أخطاء متكررة كان آخرها خطأ فظيع، وقعت فيه مساء يوم الخميس الماضي عبر برنامج «مساء جديد»، حيث استضافت إحدى فقرات البرنامج أفراد منظمة الشهيد الزبير محمد صالح، وأثناء حديثهم عن أدوار المنظمة ومشاريعها، تحدثت شهد المهندس بشلاقة تحسد عليها، وعدم إدراك كبير وقالت: «من هنا نبعث التحايا للشهيد الزبير محمد صالح».. فماذا نسمي ذلك، مع العلم بأن هذه ليست المرة الأولى التي تقع فيها شهد المهندس، لأنها مذيعة من دون معلومات، ومع كل ذلك تعتقد بأنها نجمة كبيرة كما وصفها البعض وصدقت الكذبة.

ألا رحم الله الشهيد الزبير محمد صالح وأسكنه فسيح جناته مع الصديقين والشهداء وصالح الدعوات له. آخر لحظة
shad شهد المهندس

‫39 تعليقات

  1. كلام عجيب وغريب . لكن تعرفو انو السواد الاعظم من المذيعين وخصوصا الحريم ما عندهم آي تخصصات ولا حتي معلومات يتحاوروا بيها مع الضيوف يعني اذا كان الضيف اديب مفروض اجيبوا ليهو مذيع اديب عشان الاستفاده للمشاهدين واذا كان الضيف زراعي المذيع يكون زراعي او عندو خبره يدير بيها الحوار . آذكر قبل سنتين كان في واحد مصري في رحله بموتر من جنوب افريقيا الي مصر لاجل وحدة افريقيا وعندما وصل السودان التلفزيون من خلال مذيعه عمل معاهو لقاء وهو في حفل التكريم , وهو في حفل التكريم المذيه سالتو : انت جاي من جنوب افريقيا بالموتر قاطع دول دوله دوله قال ليها: نعم.
    قالت ليهو : ده جنون.
    إتخيلو بس. صحيح نحنا دوله فاشلا وفي كل شي في دكاترتا وفي سياساتا وفي كورتا وفي غناها الهابط وفي سودانير .
    تآثرت كتير قبل شهر وحزنت شديد لما واحد نشر صوره في صحيفه الكترونيه في النت فيها الشيخ زايد رحمه الله في مطلع السبعينات حضر الي الخرطوم لجلب مخططين واداريين للعمل بالامارات لتخطيطها وبناءها فاخذ معاهو كمال همزه واخرين وقال عايز دبي تكون مثل الخرطوم,,,,,,,,,,,,,,
    بالمناسبه نحن كنا في الطب ذي بريطانيا ولا تعلو علينا دوله الا بريطانيا وحتي ان الدكتور عابدين شرف طيب الله ثراه ورحمه جاء الآول في امتحان جلس ليهو كل آطباء العالم ببريطانيا وطلع البريمو حتي علي آطباء بريطانيا وامريكا .
    وهو بالمناسبه صاحب فكره ومؤسس مستشفي سوبا ومدير مستشفي الخرطوم

  2. أهديك الأغنية الخليجية الشهيرة (واللي ما يطول العنب “حامظا” عنو يقووول) والتي يقول مطلعها (قول عني ما تقول صوبي كان صعب الوصول) ههههه حركات صحفيين معروفة ومحفوظة هسع كان عزمتك في أوزون يتغير رأيك !!!

  3. [B][COLOR=#red]أين المشكلة لو قالت كدا ؟ مش ممكن هي بتحتسبه شهيد حي يرزق عند ربه ؟ بعدين أفرض غلطت، عادي جدا أي زول بيغلط، ولو عايز ما تغلط ما تشتغل. يعنى انت يا صحفي آخر اللحظة عامل لينا فيها مصطفى أمين، هسي في ناس بيعتبروا هجومك علي المذيعة دي أكبر غلط. هناك بعض الصحفيين ما ان تظهر مذيعة أو فنانة (جميلة) حتى يبدأوا بالهجوم عليها لزوم تلميع أنفسهم و(القشرة).[/COLOR][/B]

  4. [HIGHLIGHT=#FFFF00][SIZE=4]اللهم ارحم الزبير محمد صالح وجميع اموات المسلمين[/SIZE][/HIGHLIGHT]

  5. [SIZE=5][SIZE=5]ياجماعة مشوها …طيب مافى مذيعات شينات وإتعلموا فينا خلوها شوية تنور لينا قنوانتنا ..ولا أقوليكم جيوبها وخلوها تقعد ساكت برضو بتكون كويسة ..وبعديين خلو الحقد بتاع الناس الشينيين. وبعديين أنا قاعد فى السعوديةعشان كل ما يتكلموا السعوديين عن التلفزيون السودانى وكيف اولادهم لما يزعلوا منهم بخوفهم وبيقولوا ليهم تنوموا ولا نتفتح ليك القناة السودانية من كترة الشنة الفيهوا ..فبالله خلو البت فى حالها .وبعديين قناة النبل الازرق محترمة وبتجيب ناس حلويين مش زى تلفزيون السودان تقول الواحد مش بيشوف تلفزيون أمدرمان تقول بيشوف فى سجن أمدرمان .. والتحية لكل قبيلة الإذاعيين [/SIZE][/SIZE]

  6. و ما الخطأ فى ان نبعث تحايانا وسلامنا للموتى .. المسلمون يسافرون الاف الآميال لزيارة قبر المصطفى والسلام عليه و تبليغ تحاياهم !!!

  7. يا ناس ذلة لسان ما هي المشكلةهي قاصدة من هنا نبعث التحايا لأسرة الشهيد الزبير محمد صالح قامت كلمة أسرة سقطت سهوا تقوموا خلاص تقولوا عليها ما بتفهم حتى لو ما بتفهم يكفي إنها حلوة و زي القمر و كمان أخت هبه المهندس و في السودان كل شئ بالوراثة ( يعني مساعد الرئيس فاهم شنو عشان يكون مساعد رئيس ) و لا ولد سيد خليفه بيعرف يغني و لا ولد الماحي سليمان و لا حفيد أبو صلاح كلهم شايتين في الأوت بس ماخدين الشغلة وراثة

  8. أولاً المذيعة دي مفروض تخجل من نفسها ” وماتوري وشها في الشاشة مرة أخري ” من المفترض أنها تتقدم بإستقالتها عن العمل فورا وإذا لم تفعل تقوم إدارة المحطة الفضائية “النيل الأزرق بأقالتها وحتى لو تداركت الموقف وإعتذرت ولكن هذا لم يحدث والمفروض تخجل على نفسها لما جلبته لنفسها من سخرية وإستهزاء ” معقول في سوداني حتى راعي الضأن في الخلاء يعرف الشهيد الزبير محمد صالح “رحمة الله عليه ونسأل الله أن يتقبله ويسكنه فسيح جناته مع الشهداء ” ديل مامذيعات آخر الزمن ” ديكور بس والواحدة تضحك ضحكة واللا ضحكتين وحركة حركتين ويتم تعيينها مذيعة وكلهم “سماحة جمل الطين ” وخاويات ” هبوب شديدة ” بس ديكور ومكياج ولبس وحركات بالأيدي والفم وbody show فقط، وهذا للأسف أصبح المعيار للتعيين في الإذاعات والمحطات الفضائية ” أهم شئ تكون المذيعة جميلة وبس لكن طريقة تقديمها وكلامها وإدارتها للحوار مامهم ” ، ياخي خليك من ده أنامرة حضرت برنامج لمحمد موسى في قلب جامعة الخرطوم أمام المكتبة ، شارع ألـ 102 كلية الآداب، سأل الطلبة عن شهيد ثورة أكتوبر وقال لهم ساعتهاكان طالب بالجامعة ومن أبناء النيل الأبيض ، هل تصدق إنه مافي طالب عرفه وفيهم طلاب آدان و قانون وإقتصاد.. هذا هو مستوي خريجي الجامعات في عهد الإنقاذ ؟؟؟؟؟؟؟؟؟؟؟؟؟

  9. غصباً عنَّك أو عنِك.. تقول البتقولو، لا يحطموك ولا تنظري لأمثال هؤلاء خليييييهم (ين بحووو) “هو هو هو” وربنا يحفظك من عين الحسود، عادي أكبر المذيعين والمذيعات على المستوى العالم يزل لسانه وخاصة أنه على الهواء.. كدي حاول انت ان تتكلم لمدة خمس دقائق وبموضوعية أمام حشد شوف تعرق لين وين؟!!!!!

  10. أنتى غلطاتك عندنا مغفووووووورة .
    مذيعة ما تحتاج تسمع بتقول شنو ، عسووووولة شديد

  11. [SIZE=5]الشي المحيرني في السودان انو لو اخوك او اختك فنانين فانت فنان بجدارة ماعايز ليك امكانيات ولو اخوك او ابوك مذيع انت ايضا مذيع ولو اخوك لاعب كرة مشهور فانت ايضا لاعب كرة فنان .. دي نظرية ثابتة في السودان، مثلاً تمشي قناة النيل الازرق تقول ليهم انا اخو عمر الجزلي يعينوك بدون معاينة او ابراز مؤهلك!! ولو مشيت تلفزيون “حاتم سليمان” تقول ليهم انا اخو اماني عبدالرحمن يعينوك على طول في برنامج بيتك، ولو مشيت نادي الهلال تقول ليهم انا اخو هيثم مصطفى بيسجلوك على طول في الفريق بدون اختبار قدراتك.
    شهد المهندس ليست مذيعة حرام نطلق عليها مذيعة هي تنفع عارضة ازياء وتؤدي دورها بصمت دون كلام.. يعني عشان اختك هبة المهندس ؟!! [/SIZE]

  12. يعني خليت اخطاء فصل الجنوب واخطاء مشروع الجزيرة وسندس الزراعي واخطاء باصات الوالي والسكة حديد واخطاء سودانير و اخطاء شركة الاقطان واخطاء مصانع الغزل والنسيج والكهرباء والمياه واخطاء التعليم ووووووووووووو …………… خليت كل ديل ومالقيت الا السمحه دي عشان تنتقدها ؟؟؟؟؟؟؟؟؟؟؟؟؟؟؟؟؟؟؟؟؟
    قال اخطاء متكرره قال ،،،،،،

  13. لاسماحة لاثقافة لا وهلة ومن قعدتها دي عاجباها نفسها لانه كم واحد كسر ليها تلج وصدقت المسكينة ..
    دي هيّن والله في مذيعين ومذيعات بيغلطوا غلطات يفترض يستقيل بسببها مدير التلفزيون مش المذيع او المذيعة ..
    اكثر مذيعين في العالم العربي ضحلي الثقافة مذيعيننا واكثر مذيعين يفتقدون الى الشجاعة الادبية هم ومذيعين طول الوقت جالسين وان اتحركت تلقاها زي الخايف ..
    كل المذيعات مانفعات والله المذيعات السابقات رغم انهن لم يتخرجن من الاعلام الا انهن كن حاضرات البديهة سريعات الانتباه واحترام عقلية المشاهد
    ياريت يرحمنا التلفزيون من المذيعات البنات بالذات .. وياريت يمنع الثوب ويكون الزي هو طرحة الحجاب مع التيور الطويل .. شوفوا مذيعات المنار والعالم والمجظات الاخرى كيف ان زيهن بسيط وجميل جدا ..وحشمة اما الثوب مع انه زي قومي الا انه لايتلائم مع الكاميرا واصبح مجال تنافس ووتباهي للمذيعات كما ان كثرة الوانه تتداخل مع الديكور فتخل المنظر كلية واحينا في حالة الصورة البعيد تفتش للمذيعة تفتيش ماتعرف قاعدة في اي ركن ؟؟
    مذيعات اولا اللغة منعدمة تماما لديهن ، والنطق السليم معدوم مخارج الحروف ضعيف جدا في حالات البرامج نوعا ما مذيعات النشرات افضل حالا .. اما امثال نجود وغادة ومكين ومين ماعارف بالكاد تفهم كلماتها وماذا تقول .. التلفزيون يحتاج لادارة وابعدوا حاتم سليمان فالمحسوبية خربت كل شيء

  14. [B]حسة دي احلى من الاماراتيات والخليجيات ولونها ما فاقع شديد زي السوريات، خليها تغلط زي ماهي عاوزة انا واحد من المشاهدين وعافي ليها،[/B]

  15. يا زول انت مالك في ناس بتقعد في التلفزيون دا شوف بس
    خلي شهودة دي تقول الدايراهو بس النظر يكون مرتاح
    ههههههههههه

  16. كان لي أستاذ في المرحلة الثانوية خريج المدارس المصرية القديمة وكان معلوم لدى الجميع ان خريجيها لا يجيدون اللغة الانجليزية …تقدم لوظيفة بالتربية و التعليم فلما أدركت اللجنة ضعفه في اللغة الانجليزية سخروا منه …فعاد منكسر الخاطر …و لكن قرر أن يجيد اللغة الانجليزية مهما كان الجهد و التعب ..جمع مبلغ من المال و سافر الى بريطانيا و درس اللغة الانجليزية و عاد الى السودان و هو لا يختلف عن الانجليز الا في اللون .. و تم تعيينه مترجم للاخبار في الاذاعة السودانية و ما ان أشتهر باجادته للغة الانجليزية حتى استدعته وزارة التربية و التعليم ليكون احد كوادرها بأمر الوزير انذاك…بعد أن رفض هو في البداية …( ليس هنالك مستحيل و لكن عليك الاستفادة من النقد )

  17. المذيعة دى من منتجات ثورة التعليم التى قام بها الشهيد الزبير الله يرحمه ؛هو لو عارف انو نتاجها ح يكون خريجين جامعات زى المذيعة دى وغيرها ما كان عمل ثورةتعليم واحسن زى ديل يكونو فاقد تربوى عديل؛وبالمناسبة قبل فترة سمعت مذيعة فى الاذاعة قالت التحية للفنانة عائشة الفلاتية

  18. [SIZE=5][B]إعتبروها زلة لسان يا هؤلاء فشهد المهندس ليست أول إنسان يزل لسانه ويقول كلاماً غير مقصودإلا أن يكون هناك إستهداف شخصى لشخصية تلك المذيعة والله أعلم.[/B][/SIZE]

  19. شهد المهندس انسانة راقية و مهذبة و جميلة و الجمال نعمة من نعم الله على الانسان و أكيد عندما قالت شهد هذه العبارة هي تقصد ان تقولها ولا ارى ان في ذلك عيباً أو خطأ يستدعى كتابة هذا المقال و خصوصاً أن هذا المقال تم نشره في عدد سابق مما يدل على أن هناك استهداف مباشر لتلك المذيعة الشابة و عموماً نقول لكاتب هذا المقال أن ما تفضل به يعتبر رأي خاص به ولكن بالطبع هناك من يرى انها مذيعة و نص و عشرة كمان مع تمنياتنا لها بدوام التوفيق و لا يفوتني أنا ايضاً أن ابعث بالتحايا للشهيد الزبير وهو في قبره نسأل الله أن يسكنه الجنة مع الشهداء و الصديقين

  20. ههههههههههههههههههههه والله الشعب السوداني طلع فارغ وسطحي جدا البت سمحة واي حاجة ماقلنا شي وحلاتها شديد كمان اها يا ناس خلوها تغلط انتو .. بس مشكلة لما يكون المذيع راسو فاضي كانت تخلوها تنزل تدريب شوية بعدين تنزلوها لينا

  21. ماذا تريد من مذيعيين ينطقون الثين سين .. قمة الجهل والتخلف لكثير من مذيعي القنوات …

  22. ياجماعة التغلط شهد المهندس … إنتو الحسادة الفيكم شنو … ياخي نحن دايرين نسمع ليها بغلطها ده .. إن شاء الله لجنة عددديل إن شاء الله تتكلم بلغة الإشارة برضو عايزنها …

  23. ما هو قبل كدة المذيعة سهام عمر عند وفاة الخالدى وبثه فى القناة بدل ما تقول الله يثبته عند السؤال قالت الله يثبت اقدامه ليه هو جارى وخائف . مذيعات آخر الزمن

  24. وايه رايكم في نجوم الغد واحدة سألها عضو اللجنة د. الدرديري عن أغنية جميلة غنتها في البرنامج للفنان المشهور فقالت بادي ابو شلوخ

  25. [B]ذي الحلا دي لو غلطت غلطتها صاح ياحاقد انت البت عارفة انو الشهداء احياء ليس اموات وعشان كده بترسل تحاياها للشهيد المشكلة شنو[/B]

  26. تلقى أكل منها شاكوش ولا حاجة
    شوف الزول الشين دة عليك الله

  27. سلام عليكم
    بالمناسبة تحية المذيعة دي ممكن نلقى ليها مخرج، ومعناه يجوز السلام على الموتى وبعث التحايا لهم كما ورد في السنة النبوية (سلام عليكم دار قوم مؤمنين)، ولكن خطأ المذيعة هو خطأ نسبي مرتبط أولا بهذه القناة التي يجب أن تكون وثائقية حسب اسمها (النيل الأزرق)، ولكن صارت قناة دعائية حسب برامجها.

  28. عااااااادى تغلط وانحنا نستحمل عاااادى شنو المشكله نحنا عندنا نظره اكبر من الهفوات دى فهخمت ي سيد !!

  29. للاسف الشدييييييييييييد اخطأ المزيعات فى التلفزيون تدل على عدم الوعى الثقافى وعدم الثقة فى النفس وعدم الالمام بادنى مقومات الزيع اللامع ومن المؤؤؤؤسف جدا تجد مزيعى النشرة الاخبارية فى كل القنوات يقولون لك (( عزرا ويكمل باقى الجملة الغلط )9 ماعدى قناة الشروق فهم محترفون جدا جدا اما باقى قنوات التلفزيون خاصة الاخبار يغلطووون 10 مرات فى النشرة الاخبارية ولا حول ولا قوة الا بالله العلى العظيم فعلا جهل وتشوية سمعة التلفزيون بقت سمة سائدة بين المزيعات ويييييين زمن هيام المغربى صاحبة الصوت الرنان وليلى المغربى والعقد الفريد ايام والله ولك الله ياتلفزيون السودان