إقالة أمين عام وزارة النفط ” عوض عبد الفتاح “

خسارة كبيرة للسودان، فالرجل أسس أعظم شركة بترول في السودان بمبادرة شخصية بحته وهي بترودار وكان يعمل 18 ساعة في اليوم بمكتب صغير بنمرة 2 وهو يصارع شركاءه النهمين من الامارات والصين وماليزيا وخليك من الكيزان الذين زرعوا له كل المتاريس الى ان انتصبت بترودار صرحا سودانيا وطنيا، لا يعرف الجاز ولا غيره كنه انجازه. ان هالة التقديس التي تضفيها الانقاذ على جلاوزتها كأبطال للانجاز ومنهم الجاز جاز بحسبانه بطل انجاز البترول ما هي الا فرية كبرى، ذلك ان الرجل ينجز بمجهود شركات صينية وماليزية وكندية وباكستانية وهندية، لا تعمل بعشوائية الانقاذ والهوس الديني الذي جعل الجان يشارك في وضع الميزانيات وانما شركات تعمل بمهنية لتحقيق الارباح بشكل علمى غادر الخدمة المدنية عندنا يوم أمعن التمكين في تدمير الخدمة النظامية قبل المدنية. أما الجاز فيوظف كل انجازات تلك الشركات على انها انجازاته والا لكان قد نجح في المالية قبل ان يفصل ابوقناية او وزارته للصناعة التي انتهت بفضيحة افتتاح سكر النيل الابيض يوم حداشر شهر حداشر سنة الفين وحداشر الساعة حداشر. ياريت يودوه الزراعة ولا الدفاع طالما انه من بطال الانجاز، لانه الوزارات دي محتاجة ووزارة النفط دي شايله رقبتها حتى لو جابوا ليها اللمبي محمد حسين برضو ستنجز .. انهم الصينيون وغيرهم وليس ابناء مثلث حمدي. ودعبدالفتاح ما خسران لكن الخسران هو السودان .. وبعدين وين أدب الاسلام والاصالة السودانية واللياقة في فصل انسان بهذه القامة وبهذه الطريقة …..حقا “فلتبق الانقاذ وليذهب السودان” انه الشعار لانقاذ مثلث حمدي،

السلام عليكم اولا الكلام دا ماطبيعى لا كن مصير الاشياء تبين السيد الامين العام عوض عبدالفتاح لك التحيه هم دايرين يجيبوا حرامى يمشى ليهم امورم ونحنا نعلم تماما ان السيد عوض عبدالفتاح عندوا نسبه فى شركه بترودار 5% يعنى ذى ماقال اخونا مرطب ترطيبة السنين يعنى مامحتاج حتى للمرتب بتاعكم الجربان دا لاكن حرام والله حرام ويا اخوانى المعروف اصلا ان فى خلافات مع عوض الجاز لان السيد عوض عبدالفتاح يختلف تماما من عوض الجاز لان عوض الجاز داير يمشى حاجات بدون فهم والسيد عوض يفهم هو عايز شنوا لانه عندوا خبره فى مجال البترول وغير الخلافات دى الناس ديل مياكلنوا فى حقوا عدييييييييل كدا يعنى طالبم قروش فى النسبه بتاعت بترودار 5% ومظلوم ذى مامظلوم اى واحد مننا ومعروف عندنا فى السودان الظلم تفشى فى كل شى .

عوض احمد الجاز تجاوز سن ال82 ماذا يريد ان يفعل
عوض عبد الفتاح رجل خبير وعمل داخل وخارج السودان
وهو من اكفأ السودانين في مجال النفط ….
ولكن في السودان كل شئ متوقع
الولاء قبل الكفاءة
ولعل من اكبر المآخد على عوض عبد الفتاح انه ليس مؤتمر وطني